Ọpụpụ 7:3 - Ika

³ Kanị m k'a kpọkin obi Fẹro; ọsụọdẹn'a nị m rụn ọrụn atụmẹnya lẹ ihiẹn-ghọsị bugbu enwẹn ẹ ọda imẹ alị Ijiptu,

Ọpụpụ 7:3 ပူးပေါင်းရင်းမြစ်များ

Nehemiah 9:10

Ị nọ rụnsọnmẹ ihiẹn bu ọda i gi ghọsị ẹka ị lẹ ọrụn atụmẹnya rị ichẹn-ichẹn, gi wẹ mẹshi Fẹro lẹ ndị-ọrụn a ile lẹ ndị alị hụ ile ikẹn, makẹni y'a marịnghọ nị uwẹ wụ ndị Ijiptu kpari ndị nẹdi ẹnyi wẹ ọda-ọda, gi ẹ mẹkarị enwẹn wẹ. Ị nọ gi ikẹn i kpa nwọnrin ẹfan d'e rukwọ tannị.

Ẹbụ-ọma 135:9

Ọ rụnghọ ihiẹn-nghọsị imẹ alị Ijiptu, ya lẹ ọrụn-atụmẹnya ndị ọ rụn, gi wẹ mẹshi eze Ijiptu wụ Fẹro lẹ ihu ẹ ikẹn.

Ẹbụ-ọma 78:12

Kanị ọ rụnghọ ọrụn atụmẹnya idẹnya ndị nẹdi wẹ, imẹ alị Ijiptu, ẹgbẹrẹ Zụanị;

Ọpụpụ 11:10

Mozizi lẹ Ẹrọnụ a rụnchanrịnghọ ọrụn atụmẹnya ndịnị ihun eze, Osolobuẹ a kpọkin Fẹro obi, ọ jụ n'ọ hatukọ ndị Izrẹlụ nị wẹ gha alị a pụ.

Ọpụpụ 11:9

Osolobuẹ a gwaọlẹ Mozizi mbụ, sị, “Fẹro jẹnkọ d'a jụ n'o gọnkọ ụnụ ntịn, a hụn m ụzọ rụnsọnmẹ ọrụn atụmẹnya ndịnị m rị a rụn imẹ alị Ijiptu.”

Ọpụpụ 14:4

M jẹnkọ d'a kpọkin Fẹro obi; o k'a chụma ndị Izrẹlụ. M k'e gi kẹ Fẹro kẹ ndị-agha a nwọnrin ọghọ, ndị Ijiptu e gi ẹ marịn nị m wụ Osolobuẹ.” Ya ndị Izrẹlụ nọ mẹ ihiẹnni Osolobuẹ gwa wẹ.

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 4:21

Osolobuẹ nọ sịzị Mozizi “I ruzi alị Ijiptu, hụnkwọ a nị ị nọ idẹnya eze rụnchanrịn ọrụn atụmẹnya ile m ye i ikẹn rụn. Kanị m jẹnkọ d'a kpọkin ẹ obi, amamgbe ọ nị ndị Izrẹlụ la.

Ọpụpụ 4:29

Ya kẹ Mozizi lẹ Ẹrọnụ nọ shi alị Ijiptu. Wẹ nọ kpọkikomẹ ndị-isi Izrẹlụ;

Ọpụpụ 4:7

Ya kẹ Osolobuẹ nọ sị, “Rụzị a ye imẹ ẹwuru i.” Ya Mozizi nọ rụzị ẹka ye ẹwuru ẹ. O sepụha a nwan, ọ nọgụọzị kẹ akpụkpọ-ẹhụ a.

Ọpụpụ 7:13

Kanị obi Fẹro kpọkin akpọhịn, o gọnni Mozizi lẹ Ẹrọnụ ntịn; ọ rịhụ kẹ Osolobuẹ dọn ku.

Ọpụpụ 9:16

Kanị, ihiẹn m gi hatu i ye wụ ọnwan: kẹni m ghọsị ị ikẹn m lẹni ẹfan m kpọgbarị ụwa ile.

Itẹn 21:1

Akpobi eze nọkẹ mirin rị e huni ẹka Osolobuẹ — Ebe ọwụlẹ sụọ Osolobuẹ k'o mẹ ẹ e shi.

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Maịka 7:15

Kẹ m dọn mẹ ogẹn ahụn, gi ẹ wepụha ụnụ imẹ alị Ijiptu, m jẹnkọ nwan d'a rụnghọsị wẹ ọrụn-atụmẹnya.

Jọnụ 4:48

Ya Jesu nọ sị a, “Mmanị ụnụ hụn ahịma lẹ ihiẹn atụmẹnya, ụnụ ekwerikọ.”

Ọrụn Ndị-ozi 2:22

“Ndị Izrẹlụ, gọn ni ntịn ihiẹn m rị e ku! Jizọsị onyẹ Nazarẹtị wụ okẹnnyẹ hụn Osolobuẹ ghọsịchanrịn ụnụ ọhụnma-ọhụnma nị ya zihẹ ẹ — ghahanị ọrụn-atụmẹnya lẹ ahụnlele lẹ ihiẹn-nghọsị bu ọda o gi ẹ rụn imẹ igunrun ụnụ, hụn ụnụ marịn.

Ọrụn Ndị-ozi 7:36

Mozizi nọ gha alị Ijiptu wepụha wẹ, rụnkọ ọrụn-atụmẹnya lẹ ihiẹn-nghọsị imẹ alị Ijiptu lẹ Ohimin ufie lẹ imẹ atụ, ọrọgbọ ahụa ọgụnnaị.

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Rom 9:18

Ya wụ, ọ chọ n'o mẹ omikẹn ịhịan o mẹ omikẹn ẹ; ọ chọ n'ọ kpọkin ịhịan obi ọ kpọkin ẹ obi.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 7:19

Ụnụ e gighọ ẹnya ụnụ hụn okẹn nlele lẹ ihiẹn-nghọsị lẹ ahụnlele ndị ahụn a tụ ẹnya lẹ ẹka-ikẹn lẹ ịkpa-ikẹn hụn Osolobuẹ wụ Chuku ụnụ gi wepụha ụnụ. Ẹrịra kẹ Osolobuẹ wụ Chuku ụnụ k'e mẹzi ndị alị ndị ahụn ile ụnụ rị nwan a tụ egun wẹ.