Ọpụpụ 7:16 - Ika

¹⁶ Y'a sị a, ‘Osolobuẹ, Chuku ndị Hibru, zi m d'a sị ị “Hatu ndị nke m, kẹni wẹ fe m imẹ atụ, kanị y'e ke gọnkwọ nwan ntịn.”

Ọpụpụ 7:16 ပူးပေါင်းရင်းမြစ်များ

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Ọpụpụ 13:15

Ogẹn eze Ijiptu gi kpọkin obi, jụ n'ọ hatukọ ẹnyi, Osolobuẹ nọ gbukwama ikẹnnyẹ ibuzọ ile rị alị Ijiptu — kẹ ịhịan kẹ anụ. Ya haịn ẹnyi gi e gi okẹn-anụ ibuzọ ọwụlẹ gha ẹfọ pụha a chụnyeni Osolobuẹ ẹjan, e gi ihiẹn a gbarị okẹnnyẹ ibuzọ ọwụlẹ.’

Ọpụpụ 14:5

Ogẹn wẹ gi gwa Fẹro nị ndị Izrẹlụ a gbapụgụọ, Fẹro lẹ ịhaịmẹ ẹ nọ kuhutọ ọnụ, sị, “Kị wụ ihiẹnni ẹnyi mẹ? Ẹnyi a hatugụọ ndị Izrẹlụ, ofufe wẹ te rị e fe ẹnyi a la!”

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Ọpụpụ 3:13

Kanị Mozizi nọ sị Chuku, “M jẹn d'a sị ndị Izrẹlụ, ‘Chuku ndị nẹdi ụnụ kanị zihẹ m d'e kunrun ụnụ’, nị a jụma wẹ m, ‘Kị wụ ẹfan a?’ Kị m k'a sị wẹ?”

Ọpụpụ 3:18

“Ndị-isi Izrẹlụ jẹnkọ d'e gọn i ntịn. Ogẹn ahụn, yụ lẹ ndị-isi Izrẹlụ jẹnkọ d'a wịrị d'e kunrun eze Ijiptu wụ Fẹro d'a sị a, ‘Osolobuẹ, Chuku ndị Hibru, e kunrungụọ ẹnyi. Nị nwan ẹnyi jẹn ijẹn akp'ọhịn ẹtọ imẹ atụ d'a chụnyeni Osolobuẹ wụ Chuku ẹnyi ẹjan.’

Ọpụpụ 4:22

Ogẹn hụ, y'a sị a, ‘Lee ihiẹn Osolobuẹ ku: Izrẹlụ wụ okẹnnyẹ ibuzọ m.’

Ọpụpụ 4:23

M sị ị, ‘Hatu nwa m n'ọ la kẹni ọ hụn ụzọ fe m’ y'a jụ; m jẹnkọ nwan d'e gbu okẹnnyẹ ibuzọ ị.”

Ọpụpụ 7:4

o gọnkọ ụnụ ntịn. Ogẹn hụ kẹ m'e gi mẹ alị Ijiptu ihiẹn, yesọnmẹ wẹ ezigbo afụnfụn, gi e wepụha itu-agha m ile, ndị nke m ndị Izrẹlụ.

Ọpụpụ 8:1

Osolobuẹ nọ sị Mozizi, “D'e kunrun Fẹro, y'a sị a, ‘Lee ihiẹn Osolobuẹ ku, “Hatu ndị nke m nị wẹ lama, kẹni wẹ hụn ụzọ fe m.

Ọpụpụ 8:20

Osolobuẹ nọ sị Mozizi “Zọtẹnhin ekile, n'i jẹn d'e chekin Fẹro ụzọ ebẹhụ o jẹnkọ Iyi; y'a sị a, ‘Lee ihiẹn Osolobuẹ ku: “Hatu ndị nke m nị wẹ la, kẹni wẹ fe m.

Ọpụpụ 9:1

Ya kẹ Osolobuẹ nọ sị Mozizi, “Jẹn d'e kunrun Fẹro; sị a, ‘Lee ihiẹn Osolobuẹ Chuku ndị Hibru ku: “Hatu ndị nke m, nị wẹ lama, kẹni wẹ fe m.

Ọpụpụ 9:13

Ya kẹ Osolobuẹ nọ sị Mozizi, “Zọtẹnhin ekile, y'e jẹn d'e chekin Fẹro ụzọ; y'e sị a, ‘Lee ihiẹn Osolobuẹ, Chuku ndị Hibru ku: “Hatu ndị nke m nị wẹ lama, kẹni wẹ fe m.

Azaya 45:13

Mmẹ kpọli Saịrọsị — makẹni m'e mẹ ihiẹn furuni; m k'e mẹ ihiẹn ile o buche ẹka ghan'a. O k'a tụndọnzi obodo m wụ Jerusalẹm, mẹ wẹ hatu ndị nke m wẹ nwụnshi alị ndị ọzọ. Ẹlẹ nị wẹ kụ a ụgwọ mọbụ ye ẹ ihiẹn. Ya kẹ Osolobuẹ ku.’ ”

Jerimaya 50:33

Osolobuẹ ihiẹn ile rị okpuru ẹ sị, “Wẹ rị a bịangbu ndị Izrẹlụ, a bịangbuzịkwọ ndị Juda; ndị ile gini wẹ kwọnkẹnmẹ wẹ e kwọnkẹnmẹ, ekweni wẹ hatu wẹ nị wẹ la.