Ọpụpụ 7:1 - Ika

¹ Ya kẹ Osolobuẹ nọ sị Mozizi, “Lee ẹ, e mẹgụọ m'ị nọ kẹ Osolobuẹ ebe eze wụ Fẹro rị — Ẹrọnụ nwẹnẹ i a wụrụ ọnụ ị, nọkẹ onyẹ-amụma.

Ọpụpụ 7:1 ပူးပေါင်းရင်းမြစ်များ

Jẹnẹsisi 19:21

Ọ nọ sị Lọtụ, “Ọ hụghọ mma, m k'e mẹzin'i ọhụnmanị, etikpọkọ m obodo ahụn ị rị e ku oku ẹ.

Ndị-nze Nke Ibuzọ 17:23

Ẹlaịja nọ parị nwata hụ, gha mmughẹ hụ rị ibe elu hidan shi imẹ ụlọ rị ibe alị. Ọ nọ we ẹ ye nnẹ ẹ, sị a, “Lee ẹ, nwa ị hụ ndụn!”

Ndị-nze Nke Ẹbụọ 6:32

Ogẹn ahụn, Ẹlaịsha nọdị alị imẹ ụlọ iwe ẹ, ya lẹ ndị ichẹn wị nọdị. Eze nọ zi ụkọ a ohu burun'ẹ ụzọ d'e kunrun Ẹlaịsha. Kanị, n'o d'e ru ebẹhụ, Ẹlaịsha a gwagụọ ndị-ichẹn, sị, “Ụnụ ahụnnị kẹ izighẹni dọn zi ịhịan d'e bepụ m isi? Lee n'ẹ, onyẹ ahụn o zi bịa, ụnụ e nukin ụzọ, nukẹnm'ẹ makẹ ọ gha a banhan. Ẹlẹ nkiti-ụkụ di-nwọnn'ẹ hansọnkọ a ihiẹnni?”

Ẹbụ-ọma 78:12

Kanị ọ rụnghọ ọrụn atụmẹnya idẹnya ndị nẹdi wẹ, imẹ alị Ijiptu, ẹgbẹrẹ Zụanị;

Ẹbụ-ọma 82:6

E kughọ m'a nị ‘Mmọn kẹ ụnụ wụ, ụnụ ile wụ ụmụ Chuku ahụn kachanrịnnị.’

Ọpụpụ 16:29

Lee n'ẹ: makẹni Osolobuẹ e yeọlẹ ụnụ Ụhụọhịn ụnụ k'a gha e zu ikẹn haịn o gi mẹ ni nke akpọhịn isin o ye ụnụ mana akpọhịn ẹbụọ. Nke akpọhịn ẹsa, onyẹ ọwụlẹ ya nọdị ebe ọ rị. Onyẹ ọwụlẹ apụkwọlẹ ezi.”

Ẹkịliziastisi 1:10

Kịnị kẹ wẹ k'a saẹka sị, “Lee ẹ, ọnwan wụ ihiẹn ọhụn!” Kaka, ọ rịọlẹ mbụ-mbụ; ọ rịọlẹ ebeni nị wẹ d'a mụ ẹnyi.

Jerimaya 1:10

Lee ẹ, e tumẹgụọ m'ị tannị, bu alị lẹ alị-eze ichẹn-ichẹn che i ẹka, kẹn'i huepụ lẹ n'i kụtu; kẹn'i tikpọ lẹ n'i nutu; kẹn'i tụn lẹ n'i kụn.”

Ọrụn Ndị-ozi 7:7

Kanị m k'e ye alị hụ gi wẹ họnrin igbọn afụnfụn. Omẹgụ, ụmụ ị k'a pụha d'e fe m ebeni. Ya kẹ Chuku ku.’