Ọpụpụ 5:4 - Ika

⁴ Eze alị Ijiptu nọ sị, “Mozizi lẹ Ẹrọnụ, ụnụ anịkọ ndịnị rụn ọrụn wẹ rị a rụn?! D'a rụnma nị ọrụn ahụn wẹ sị ụnụ rụn!”

Ọpụpụ 5:4 ပူးပေါင်းရင်းမြစ်များ

Ọpụpụ 1:11

Ya ndị Ijiptu nọ we wẹ che ẹka ndị k'a kpa wẹ kẹ igbọn kẹni wẹ gi okẹn ọrụn bịangbu wẹ. Ẹnịna kẹ ndị Izrẹlụ dọn tụnnị eze Ijiptu wụ Fẹro Pitọm lẹ Ramsisi, obodo ẹbụọ wẹ e butọ ihiẹn-oriri.

Ọpụpụ 2:11

Mgbe Mozizi gi kagụ ẹhụ, ọ pụ ụhụọhịn ohu, shi ebe ndị nke ẹ, ndị Hibru, rị; ọ hụ e lee wẹ ebe wẹ rị a rụn okẹn ọrụn ahụn wẹ wa ye wẹ olu. Ọ nọ hụn onyẹ Ijiptu rị e gbu onyẹ Hibru ili, onyẹ ohu imẹ ndị nkẹ ẹ.

Ọpụpụ 6:5

A nụgụọzị m udẹn ndị Izrẹlụ rị a sụn, okpuru ndị Ijiptu rị nwan a kpa wẹ igbọn; a nyanhanlẹ m nkwerigbama m.

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Emọsụ 7:10

Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.

Luku 23:2

Wẹ nọ kinmẹ, sị, “Ẹnyi nwụn okẹnnyẹni k'ọ rị e dufie ndị alị ẹnyi, a sị wẹ akụzịlẹ eze-kanị wụ Siza ụgwọ-isi, a kpọ enwẹn ẹ Kraịstị hụn wụ eze.”

Ọrụn Ndị-ozi 24:5

“Ẹnyi a hụngụọ a nị okẹnnyẹni e ye nsọngbu ọda-ọda. Isusu-isusu k'o seni ndị Ju rị elu ụwa ile. Ọ rị ndị-ndu itu Onyẹ Nazarẹtị ahụn.