Ọpụpụ 32:4 - Ika

⁴ Ọ nọ narịn wẹ ihiẹn wẹ ye ẹ, weri ihiẹn-ọrụn, gi goru ahụn kpụ mmọn yi nwa-efin. Ya wẹ nọ sị, “Ndị Izrẹlụ, e lee ni okẹn mmọn ụnụ hụn wepụha ụnụ imẹ alị Ijiptu.”

Ọpụpụ 32:4 ပူးပေါင်းရင်းမြစ်များ

Ndị-nze Nke Ibuzọ 12:28

Eze a jụgụ ndị ọ jụ uche wẹ, ọ nọ gi goru kpụ ụmụ-efin ẹbụọ. Ọ sị ndị ọ rị a kị, “Jerusalẹm e tekẹzi ụnụ e jẹn. Ndị Izrẹlụ, lee ni mmọn ụnụ, hụn gha alị Ijiptu wepụha ụnụ!”

Ndị-nze Nke Ibuzọ 12:32

Eze wụ Jerobụam nọ tumẹ mmẹmmẹ wẹ jẹnkọ d'a gha e mẹ nke akp'ọhịn mmisẹn imẹ ifọn nke ẹsatọ, nọkẹ mmẹmmẹ hụ w'e mẹ azụụn hụn ẹbọ wụ Juda. Ọ chụnsọnmẹ ẹjan elu ukpo nchụn-ẹjan hụ. Ihiẹnni k'o mẹ imẹ obodo Bẹtẹlụ, ọ chụnyeni ụmụ-efin ndị hụ ọ kpụ ẹjan. O tumẹsọnmẹzikwọ ndị o tumẹ ohẹn mmọn buche ụlọ-mmọn ndị hụ ọ rụnsọnmẹ ebe rị ichẹn-ichẹn jẹn elu imẹ Bẹtẹlụ.

Ndị-nze Nke Ẹbụọ 10:20

Jehu nọ sị wẹ, “Kpọ nị ọgwa nị ẹnyi ye Baalụ ọghọ.” Ya wẹ nọ kpọ ọgwa.

Ndị-nze Nke Ẹbụọ 10:29

Kanị Jehu e mẹbehini njọ Jerobụam nwa Nebatị, hụn Jerobụam dọ Izrẹlụ ye imẹ ẹ hụn wụ nwa-efin goru ahụn wẹ kọma obodo Bẹtẹlụ lẹ hụn rị obodo Danị.

Ihiẹn Mẹni Nke Ẹbụọ 11:15

o tumẹringụọ ndị ọ chọ nị wẹ wụrụ ndị nchụn-ẹjan, bu wẹ che ebe jẹnsọnmẹ elu wẹ te nọ e fe Osolobuẹ, wẹ hụzị a rụan'a ewu lẹ efin ndị ọ kpụtọ.

Ihiẹn Mẹni Nke Ẹbụọ 13:8

“Ụnụ rị nwan a chọ nị ụnụ d'a maye alị-eze Osolobuẹ, hụn rị ẹka Defidi lẹ ụmụ a, ọgụn. Ụnụ e bughọ ọda nkesi; ụnụ buzikwọ ụmụ-efin ndị ahụn Jerobụam kpụ nị ụnụ e fe.

Nehemiah 9:18

kẹ ogẹn wẹ gidẹ kpụrụ mmọn yi nwa-efin, sị ibe wẹ, ‘Ọnwan wụ Chuku ụnụ — hụn gha alị Ijiptu wepụha ụnụ’ lẹ ogẹn wẹ gi kusọnmẹ arụ.

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 20:23

Ya wụ, akpụkwọlẹ ni mmọn-lẹ-iyi ọwụlẹ cheni m, kẹ nke siliva kẹ nke goru.

Ọpụpụ 20:4

“Elerikwọlẹ ni ihiẹn ọwụlẹ mẹmẹrin mmọn, kẹ ihiẹn rị elu-igwee kẹ ihiẹn rị elu-ụwa kẹ ihiẹn rị imẹ mirin;

Ọpụpụ 28:11

Tụ ẹfan ebọn Izrẹlụ ndị ahụn ye enu ọmụma ẹbụọ hụ kẹ w'a tụ ihiẹn wẹ gi e biye ẹka; gi goru mẹmẹni wẹ akpa nọsọnmẹ kẹ ẹru w'e gi kwọndọn wẹ;

Ọpụpụ 28:9

“Weri ọmụma ọnik'si ẹbụọ, y'a tụ ẹfan ebọn ichẹn-ichẹn rị Izrẹlụ ye elu wẹ:

Ọpụpụ 32:1

Kanị ogẹn ndị Izrẹlụ gi hụn a nị Mozizi e bie d'e hidan elu ugu, wẹ nọ ruhunmẹ Ẹrọnụ, sị a, “D'e mẹmẹni nwan ẹnyi mmọn hụn k'e duni ẹnyi. O mẹ nke Mozizi, okẹnnyẹ ahụn gha alị Ijiptu dupụha ẹnyi, ẹnyi amarịn ihiẹn mẹn'ẹ.”

Ọpụpụ 32:24

Ya m nọ sị wẹ, ‘Onyẹ ọwụlẹ yi ihiẹn goru ya gbụpụ a.’ Wẹ nọ ye m ihiẹn-goru ndị hụ, m nọ tụ wẹ ye ọkụn, nwa-efinni a pụha!”

Ọpụpụ 32:3

Ya wẹ ile nọ gbụpụ ihiẹn-ntịn wẹ yi, kpọnhẹnni Ẹrọnụ.

Ọpụpụ 32:35

Osolobuẹ nọ wẹhẹni wẹ okẹn nsọngbu makẹ nwa-efin ahụn wẹ kpụ, nwa-efin ahụn Ẹrọnụ kpụ.

Ọpụpụ 32:5

Mgbe Ẹrọnụ gi hụn ihiẹn rị e mẹni, ọ nọ mẹmẹ ukpo nchụn-ẹjan ye ihun nwa-efin ahụn, sị wẹ, “Ekile, ẹnyi sikọ d'e mẹni Osolobuẹ mmẹmmẹ.”

Ọpụpụ 32:7

Ya kẹ Osolobuẹ nọ sị Mozizi, “Hidan, nị ndị nke i hụn ị gha Ijiptu wepụha a rụgụọ.

Ọpụpụ 32:8

A latọgụọ wẹ rị ihiẹn m gwa wẹ, kpụrụ okẹn-mmọn yi nwa-efin. E kegụọnị w'a isi alị, kwayen'ẹ ese, a sị, ‘Ndị Izrẹlụ, e lee ni okẹn mmọn ụnụ, hụn wepụha ụnụ imẹ alị Ijiptu.’

Azaya 30:22

Ogẹn ahụn, ụnụ k'e mẹrụ mmọn ụnụ wẹ gi siliva nyanhunmẹ lẹ hụn wẹ gi goru nyanhunmẹ, ụnụ jẹnkọ d'a mahu wẹ kẹ ẹkwa okpoho gi sọ ezi, sị wẹ, “Pụ nị ebeni!”

Azaya 46:6

Ndị hụn e hupụha goru rị imẹ ẹkpa-goru, a mapụha siliva; a kpọ wẹ ọkpụ-goru n'o gi ẹ kpụ mmọn — a kụnị wẹ mmọn hụ isi alị, fe ẹ.

Izikẹlụ 23:8

Ohola ahapụnị ịgbaraja hụ ọ gbama imẹ alị Ijiptu, ebẹhụ ikẹnnyẹ nọ sọn ẹ ranhịn, wa a ụkụ, pịn a ẹka ọnụnụ ẹran, gba a k'ọ dọn gụn wẹ.

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Ọrụn Ndị-ozi 17:29

“Ebe o mẹni ẹnyi wụ ụmụ Osolobuẹ, ẹlẹ hụn ẹnyi e gi e ro ni Osolobuẹ ẹnyi nọ kẹ ihiẹn goru mọbụ siliva mọbụ ọmụma ịhịan gi akọ-lẹ-uche ẹ lẹ iroro ẹ kpụ mọbụ tụ.

Ọrụn Ndị-ozi 7:41

Ogẹn hụ kẹ wẹ gi kpụ nwa-efin, chụnyen'ẹ ẹjan; wẹ nọ rimẹni ihiẹn ẹka wẹ mẹmẹ oriri.

Ndị Kọrẹntị Ibuzọ 10:7

Emẹkwọlẹ ni ndị a rụa mmọn kẹ ụfọdụ imẹ wẹ dọn mẹ: hụn wẹ de imẹ Ẹkụkwọ-nsọ, nị “Ndị hụ nọ nọdị alị, e ri, a ra; e lihi wẹ ọtọ, tẹnmẹ egu.”

Ditrọnọmi 9:16

Ogẹn m gi lee ẹnya, a hụn m'a nị ụnụ e mẹọlẹ Osolobuẹ wụ Chuku ụnụ njọ — kpụrụ nwa-efin femẹ, nị ọ kẹrẹọlẹ ụnụ latọ ihiẹn Osolobuẹ gwa ụnụ,

Ndị Han Eṅẹn 8:24

Ya ọ nọzị sị wẹ, “Ihiẹn ohuni kẹ m chọ ẹka ụnụ: onyẹ-onyẹ ya ye m ihiẹn-ntịn ohu imẹ ihiẹn ẹnyi kwalụa agha hụn wẹ keye ẹ.” (Ndị Midianị e yi ihiẹn-ntịn goru makẹni wẹ wụ ndị Ishmẹlụ.)

Ndị Han Eṅẹn 8:27

Ya Gidiọnụ nọ gi goru hụ kpụrụ ẹfọdụ, ẹwuru ndị nchụn-ẹjan, bu ẹ che imẹ obodo ẹ wụ Ọfra. Ndị Izrẹlụ ile nọ gbasọnmẹ ẹfọdụ hụ, femẹ ẹ. Ọ nọ wụrụnị Gidiọnụ lẹ ezi-lẹ-ụlọ a ọnyan.