Ọpụpụ 32:1 - Ika

¹ Kanị ogẹn ndị Izrẹlụ gi hụn a nị Mozizi e bie d'e hidan elu ugu, wẹ nọ ruhunmẹ Ẹrọnụ, sị a, “D'e mẹmẹni nwan ẹnyi mmọn hụn k'e duni ẹnyi. O mẹ nke Mozizi, okẹnnyẹ ahụn gha alị Ijiptu dupụha ẹnyi, ẹnyi amarịn ihiẹn mẹn'ẹ.”

Ọpụpụ 32:1 ပူးပေါင်းရင်းမြစ်များ

Ọrụn Ndị-ozi 7:40

a sị wẹ Ẹrọnụ, ‘Mẹmẹni ẹnyi mmọn nị wẹ dumẹ ẹnyi, ni ẹnyi amarịnzị ihiẹn mẹ Mozizini wepụha ẹnyi alị Ijiptu.’

Ditrọnọmi 9:9

Ogẹn m gi nyinrin elu ugu ahụn d'e wẹhẹ ibe ọmụma ndị ahụn, ibe ọmụma ndị ahụn Osolobuẹ deye nkwerigbama hụn o gi kwọngbama ụnụ lẹ ya, m nọ elu ugu hụ akp'ọhịn ọgụnnaị, uhinhin lẹ efinaị, erini m ihiẹn-oriri, aranị m mirin.

Pita Nke Ẹbụọ 3:4

a sị, “Elebe kẹ nkwa nwẹn o kwe n'ọ lala alala rị? Ndị nẹdi ẹnyi wẹ e bigụọ nwụnhụn kete-ele-mgbe; ihiẹn ile nọhụ kẹ wẹ rị kete wẹ kelẹ ụwa!!”

Ọpụpụ 24:18

Mozizi e nyinrin ugu hụ, banye imẹ orukpu ahụn; efinaị lẹ uhinhin akpọhịn ọgụnnaị k'ọ nọdị elu ugu ebẹhụ.

Matiu 24:48

Kanị, omẹni eje-odibo rọ, n'ọ sị enwẹn ẹ, ‘Di-nwọnni m alụakọ ẹgwa,’

Ọrụn Ndị-ozi 17:29

“Ebe o mẹni ẹnyi wụ ụmụ Osolobuẹ, ẹlẹ hụn ẹnyi e gi e ro ni Osolobuẹ ẹnyi nọ kẹ ihiẹn goru mọbụ siliva mọbụ ọmụma ịhịan gi akọ-lẹ-uche ẹ lẹ iroro ẹ kpụ mọbụ tụ.

Ọrụn Ndị-ozi 19:26

Kanị ụnụ hụ e gi nwan ntịn a nụ, e gi ẹnya a hụn nị Pọlụnị e gigụọ ihiẹn ọ rị e ku nị mmọn wẹ gi ẹka mẹmẹ ẹlẹ mmọn, dọrị ndị bu ọda; ẹlẹ imẹ Ẹfẹsọsụ sụọ k'ọ rị e mẹ ihiẹnni, o d'a ghagbarịdẹ Ẹgbẹrẹ Eshịa ile!

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Hosia 12:13

Onyẹ-amụma kẹ Osolobuẹ gi zụọpụha ndị Izrẹlụ imẹ alị Ijiptu; onyẹ-amụma k'o gizi du wẹ, chemẹ wẹ.

Ọpụpụ 32:11

Kanị Mozizi nọ rịọ Osolobuẹ wụ Chuku ẹ, sị, “Euu, Osolobuẹ, nanị y'e dọnzi nwan gi olulu sọn ndị nke i hụn i gi ikẹn hi-ogbe lẹ ẹka hi-ogbe wepụha imẹ alị Ijiptu?

Ọpụpụ 32:7

Ya kẹ Osolobuẹ nọ sị Mozizi, “Hidan, nị ndị nke i hụn ị gha Ijiptu wepụha a rụgụọ.

Ọpụpụ 14:11

Wẹ nọ sị Mozizi, “Ili arịdẹ alị Ijiptu haịn i gi wẹhẹ ẹnyi imẹ atụnị d'a nwụn ra? Elee ụdị eje-ihiẹn k'i mẹ ẹnyi ihiẹnni, gha alị Ijiptu wepụha ẹnyi!

Ọpụpụ 13:21

Eki rị elu, Osolobuẹ e buruni wẹ ụzọ imẹ orukpu o gi e du wẹ, a ghọsị wẹ ụzọ; uhinhin, o buruni wẹ ụzọ imẹ ọkụn o gi e du wẹ, e ye wẹ ukpẹ, hụn o gi saẹka e jẹn kẹ uhinhin kẹ efinaị.

Ọpụpụ 16:3

wẹ sị Mozizi lẹ Ẹrọnụ, “O te ka ẹnyi mma nị Osolobuẹ gbu ẹnyi tọ imẹ Ijiptu! Ebahụn, ẹnyi a nọdịyeni ite-anụ, e rijundẹ ẹfọ kẹ ẹnyi chọ — ụnụ nọ nwan wepụha ẹnyi imẹ atụnị nị ọnụ gi ẹgụn gbu igunrunni ile.”

Jẹnẹsisi 44:15

Ya Josẹfụ nọ sị wẹ, “Kịnị wụ ihiẹnni ụnụ mẹ? Ụnụ amarịn nị onyẹ nọ kẹ mmẹ a mahụn ọhụnma-ọhụnma?”

Joshụa 7:13

“Jẹnmẹ nwan, d'e dọn wẹ nsọ kẹ iwu m dọn ku. Sị wẹ: Dọn ni enwẹn ụnụ nsọ gi kwademẹni ekile; makẹni Osolobuẹ wụ Chuku Izrẹlụ sị: ‘Ndị Izrẹlụ, ihiẹn wẹ gichanrịn kwanị Osolobuẹ rị imẹ igunrun ụnụ: ụnụ asakọ nwan ẹka che ndị-iṅẹnrẹn ụnụ ọgụn d'e runi ụnụ e wepụ ihiẹn ndị ahụn.’

Ọpụpụ 33:3

Shi ni alị ahụn mirin-ẹran lẹ mirin-ẹnwụn jun, e hu. Kanị, esọnjẹnkọ m ụnụ, makẹni ndị isi-ikẹn kẹ ụnụ wụ, amamgbe m'e gbupụ ụnụ ụzọ.”

Jẹnẹsisi 44:4

A ghagụ wẹ hụ imẹ obodo ahụn pụ, wẹ e ke jẹn ejẹn, Josẹfụ nọ sị nwata-iwe ẹ, “Ọsọ, chụ ikẹnnyẹ ahụn; i kunrun wẹ, sị wẹ, ‘Kị haịn ụnụ gi gi njọ kụ mma?

Jẹnẹsisi 39:8

Kanị Josẹfụ nọ jụ, sị a, “Lee ẹ, di-nwọnni m enwọnzi ihiẹn o feye ẹnya imẹ ụlọnị. O tugụọ ihiẹn ile o nwọn ye m ẹka.

Jẹnẹsisi 19:14

Ya Lọtụ nọ jẹn d'e kunrun ndị-ịgọ a hụn badọn ụmụ a ikpoho, sị wẹ, “Ozigbo ni, gha nị alịnị gbapụ, makẹni Osolobuẹ e d'e tikpọ alịnị!” Kanị ndị ịgọ a weri ẹ nị egu k'ọ rị e gu.

Matiu 24:43

Marịnkwọ nị nị omẹni onyẹ nwọn ụlọ te marịn ogẹn ohin gi lala iwe ẹ imẹ abalị, nkẹ o che nche, o ke nị a gbukpọ ụlọ a, banhan.

Jẹnẹsisi 21:26

Abimẹlẹkị nọ sị a, “Amarịn m onyẹ mẹ ihiẹnni; y'a gwanị m; m rịhụ a nụ a tannị”

Ọpụpụ 20:23

Ya wụ, akpụkwọlẹ ni mmọn-lẹ-iyi ọwụlẹ cheni m, kẹ nke siliva kẹ nke goru.

Ọpụpụ 32:23

Wẹ sị m, ‘Mẹmẹni ẹnyi mmọn ndị hụn k'e duni ẹnyi. O mẹ nke Mozizi, okẹnnyẹ ahụn gha Ijiptu dupụha ẹnyi, ẹnyi amarịn ihiẹn mẹn'ẹ’.

Ọgụngụn 14:22

ya wụ nị onyẹ ọwụlẹ imẹ ndịnị a banye alị ahụn m kwe nkwa a: ndịnị hụn ọghọ m lẹ ọrụn atụmẹnya ndị m rụnghọsị wẹ imẹ Ijiptu lẹ imẹ alị ọkpọ-nkụnnị pazị oku m, chọsọnmẹ ihiẹn rị m ọnụ mgbe iri;

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Ọpụpụ 24:12

Osolobuẹ nọ sị Mozizi, “Nyinhẹn elu-ugu d'e kunrun m, n'i nọdị ebeni, nị m hụn ụzọ ye i ibe ọmụma m deye iwu lẹ ihiẹn ndị m sị wẹ mẹ, nị wẹ gi a kuzi wẹ.”

Ọpụpụ 32:22

Ẹrọnụ nọ sị a, “Diọkpa, dodo ekpelẹ. Y'a marịnghọ kẹ eje-ihiẹn a dụ ndịnị.

Ditrọnọmi 9:1

Izrẹlụ, gọn ni ntịn! Ụnụ e d'e fetu nwan Iyi Jọdanị d'a narịn ndị ọzọ ka ụnụ ọda, ka ụnụ ikẹn, alị wẹ hụn nwọnsọnmẹ obodo shịagbu enwẹn wẹ, wẹ tụnhunmẹ mgbọn sụntụsọnmẹ elu-igwere.

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Ẹbụ-ọma 106:19

E ru wẹ ugu Horẹbụ, ndị Izrẹlụ a kpụrụ nwa-efin; e femẹ wẹ mmọn hụ wẹ kpụ.