Ọpụpụ 3:9 - Ika

⁹ A nụọlẹ m nwan ẹkwan ndị Izrẹlụ rị a kwan; a hụngụọzị m kẹ ndị Ijiptu gi rị a bịangbu wẹ.

Ọpụpụ 3:9 ပူးပေါင်းရင်းမြစ်များ

Jẹnẹsisi 16:11

Mmọn-ozi Osolobuẹ nọ sịzị a, “Ị rị nwan imẹ; i sikọ d'a mụ okẹnnyẹ; ẹfan a k'a wụ ‘Ishmẹlụ’, makẹni Osolobuẹ a nụọlẹ ụya ị rị a kwan.

Jẹnẹsisi 31:12

Ọ nị sị m, ‘Lee ẹnya n'ị hụn nị mkpịn ile rị a gba anụ ndịnị wụ ndị vin ugbẹnrẹn lẹ ndị tụ ẹkịrịka mọbụ ntụpọ, makẹni a hụngụọ m ihiẹn ile Labanị rị e mẹ i.

Ndị-nze Nke Ẹbụọ 13:4

Ya Jeho-ahazị nọ rịọ Osolobuẹ eyemẹka, Osolobuẹ nọ gọn ẹ ntịn, makẹni Osolobuẹ a hụngụọ nị eze ndị Aram rị a bịangbu ndị Izrẹlụ rị azụụn ẹbamịn-ugu hụ ọda-ọda.

Ndị-nze Nke Ẹbụọ 20:5

“Kin azụụn d'a gwa onyẹ-ndu ndị nke m wụ Hezikaya, sị a, ‘Lee ihiẹn Osolobuẹ wụ Chuku Defidi nẹdi i ku: Ọ sị, “A nụgụọ m ekpere i, hụn ẹnya-mirin i; m k'a zụọ ị. I k'e jẹn Ụlọ-nsọ Osolobuẹ nwẹnẹ eki.

Nehemiah 9:9

“Y'a hụnghọ afụnfụn ndị nẹdi ẹnyi wẹ ta kẹ wẹ rị imẹ alị Ijiptu; y'a nụzịghọ ẹkwan wẹ kẹ wẹ rị ẹhụ Ohimin Ufie.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 9:14

kẹni m ku ihiẹn ile rị mma i mẹ — a nọ m igunrun ndị Zayọnụ rị Jerusalẹm ghọghọ makẹni y'a zụọpụhagụọ m.

Ọpụpụ 1:11

Ya ndị Ijiptu nọ we wẹ che ẹka ndị k'a kpa wẹ kẹ igbọn kẹni wẹ gi okẹn ọrụn bịangbu wẹ. Ẹnịna kẹ ndị Izrẹlụ dọn tụnnị eze Ijiptu wụ Fẹro Pitọm lẹ Ramsisi, obodo ẹbụọ wẹ e butọ ihiẹn-oriri.

Ọpụpụ 1:22

Ya kẹ eze wụ Fẹro nọ nwan ye ndị nke ẹ ile iwu, sị, “Tụ nị nwa ọwụlẹ wụ okẹnnyẹ ndị Hibru k'a mụ ye imẹ Iyi Naịlị; ka dọnmẹ ni hụn ọwụlẹ wụ okpoho.”

Ọpụpụ 1:8

Ọ nọbe, eze ọhụn marịnlẹni Josẹfụ nọ kịma alị Ijiptu.

Ọpụpụ 2:23

Ọ nọbe, eze Ijiptu nọ nwụnhụn. Ndị Izrẹlụ nkẹ hụkwọ a sụn udẹn makẹ ọnọdị igbọn ahụn wẹ rị imẹ ẹ; wẹ nọ kwan ẹkwan. Ẹkwan hụ wẹ rị a kwan ebe wẹ rị a chọ eyemẹka nọ ru Osolobuẹ ntịn imẹ elu-igwee.

Ọpụpụ 2:25

Osolobuẹ nọ lee ndị Izrẹlụ, ọnọdị wẹ nọ mẹtụ a.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Ẹkịliziastisi 4:1

M nọ lezi ẹnya, hụn ọbịangbu ile w'a bịangbu ịhịan elu-ụwa: A hụn m ẹnya-mirin ndị wẹ rị a bịangbu — nị enwọn wẹ onyẹ eyemẹka; ọkịkị rị ẹka ndị rị a bịangbuni wẹ — onwọnni nwan onyẹ egun nị kuyeni wẹ.

Ẹkịliziastisi 5:8

Ị hụn alị wẹ nọ a bịangbu ogbẹnnyẹ, e mẹgbu ịhịan, a napụ wẹ ihiẹn runi wẹ, ya atụlẹ i ẹnya; makẹni onyẹ ọrụn rị e mẹn'ẹ rị e lee onyẹ-isi ẹ; onyẹ-isi rịzịkwọ e lee onyẹ hụn ka ya nwẹn.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Ditrọnọmi 26:7

Ya ẹnyi nọ kwanghọsị Osolobuẹ, Chuku ndị nẹdi ẹnyi, Osolobuẹ nọ nụ olu ẹnyi, hụn ụya ẹnyi rị e ri, okẹn ọrụn ẹnyi rị a rụn lẹ ọbịangbu wẹ rị a bịangbu ẹnyi.

Samuẹlụ Nke Ibuzọ 9:16

“Mgbeni eki, m jẹnkọ d'e zihẹn'i onyẹ alị Bẹnjamini. Hukpu ẹ udẹn-ntumẹ, n'ọ wụrụ onyẹ-ndu ndị nke m wụ Izrẹlụ; ịya nwọn zụọpụha ndị nke m ẹka ndị Filistia, makẹni a hụngụọ m k'ọ rị ndị nke m, makẹni ẹkwan wẹ e rugụọ m ẹhụ.”