Ọpụpụ 3:1 - Ika

¹ Mozizi hụ e du anụ ọgọ a wụ Jẹtro, onyẹ nchụn-ẹjan alị Midianị. Ọ nọ dumi igunrun anụ ahụn imẹ atụ, du wẹ rukwọrị Horẹbụ wụ Saịnaị, ugu Chuku.

Ọpụpụ 3:1 ပူးပေါင်းရင်းမြစ်များ

Ndị-nze Nke Ibuzọ 19:19

Ya kẹ Ẹlaịja nọ gha ebẹhụ pụ, ọ nọ hụn Ẹlaịsha nwa Shafatị. Ẹlaịsha gi okẹn-efin ẹnọ kwasị ọgụn wẹ gi a rụn ugbo rị a dụkpọ alị ugbo, okẹn-efin wẹ kẹngbama ẹbụọ-ẹbụọ. Ya nwẹn kikọ ẹbụọ ikpanzụụn rịn'a. Ya kẹ Ẹlaịja nọ jẹnburu Ẹlaịsha, yọ ẹkwa ya nwẹn kpu ẹ.

Ndị-nze Nke Ibuzọ 19:8

Ya kẹ Ẹlaịja nọ lihi, ri, ra. Ọ nọ gi ihiẹn-oriri hụ o ri hụn ndụn o gi jẹn ijẹn uhinhin lẹ efinnaị ọrọgbọ akp'ọhịn ọgụnnaị, n'o d'e ru Horẹbụ, Ugu Osolobuẹ.

Ẹbụ-ọma 106:19

E ru wẹ ugu Horẹbụ, ndị Izrẹlụ a kpụrụ nwa-efin; e femẹ wẹ mmọn hụ wẹ kpụ.

Ọpụpụ 17:6

M k'e wuzo ebẹhụ, ihun ụnụ ile, ẹhụ ọmụma ahụn rị Horẹbụ. Fịan ọmụma ahụn ọkpọ hụ; mirin k'a gha imẹ ẹ pụha nị wẹ ra.” Ya Mozizi nọ nọ idẹnya ndị-ichẹn Izrẹlụ mẹ ẹrịra.

Ọpụpụ 18:12

Ya Jẹtro nẹdi nwunyẹ Mozizi nọ wẹhẹ anụmanụ, gi ẹ chụnyeni Chuku ẹjan w'a kpọ ọkụn lẹ ẹjan ndị ọzọ; Ẹrọnụ lẹ ndị-ichẹn Izrẹlụ ile nọ bịa d'e du nẹdi nwunyẹ Mozizi ri ihiẹn-oriri ihun Chuku.

Ọpụpụ 19:11

wẹ kwademẹni nke akpọhịn ẹtọ, makẹni ụhụọhịn ahụn kẹ Osolobuẹ jẹnkọ d'e hidanye elu Ugu-Saịnaị idẹnya ndị Izrẹlụ ile.

Ọpụpụ 19:2

Rẹfidim kẹ ndị Izrẹlụ gha buli, pụha atụ Saịnaị. Ya wẹ nọ ziẹntọ atụ ahụn, ihun Ugu Saịnaị.

Ọpụpụ 19:3

Ya kẹ Mozizi nọ shi elu ugu d'e kunrun Chuku. Osolobuẹ nọ gha ugu hụ kpọ a, sị, “Ọnwan wụ ihiẹn i k'a gwa ikpụlọ Jekọpụ, ihiẹn ị k'a sị ndị Izrẹlụ:

Ọpụpụ 2:16

Onyẹ nchụn-ẹjan ohu rị alị Midianị mụ ikpoho ẹsa. Wẹ nọ bịa d'a dọrị mirin jun afẹrẹ ye ewu lẹ atụnrụn nẹdi wẹ ra.

Ọpụpụ 2:18

Ịgbagba ahụn a lụaha, Rẹwuẹlụ nẹdi wẹ nọ jụma wẹ, “Nanị k'o dọnzi kẹrẹhan ụnụ ẹnịna tannị?”

Ọpụpụ 2:21

Omẹgụ, Mozizi nọ kweri sọn okẹnnyẹ ahụn biri ebẹhụ. Ọ nọ ye ẹ nwa a okpoho wụ Zipora lụma.

Ọpụpụ 24:13

Ya kẹ Mozizi nọ weri Joshụa hụn e jẹnn'ẹ ozi, jẹnmẹ. Ọ nọ nyinrin ugu Chuku.

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Ọpụpụ 3:5

Osolobuẹ nọ sị a, “Ejẹnzụnhanzịlẹ. Gbụpụ akpụkụ ị, makẹni alị i turu rị nsọ!”

Ọpụpụ 33:6

Ya mẹ ndị Izrẹlụ gi gbụpụ ihiẹn-mma wẹ elu-ugu Horẹbụ.

Ọpụpụ 4:18

Ya kẹ Mozizi nọ kin azụụn d'e kunrun ọgọ a wụ Jẹtro hụn w'a kpọzị Rẹwuẹlụ, sị a, “Nị m laburu ndị nke m imẹ alị Ijiptu, nị m lele kẹ o nwọnghọzị onyẹ rị ndụn imẹ wẹ.” Jẹtro nọ sị a, “Jẹnmẹ nwan. Ijẹn ẹwẹrẹ.”

Ọpụpụ 4:27

Osolobuẹ gwa Ẹrọnụ sị, “Shi imẹ atụ d'e kunrun Mozizi.” Ya kẹ ọ nọ jẹn d'e kunrun Mozizi Ugu Osolobuẹ, dide ẹ.

Emọsụ 1:1

Ọnwan wụ ihiẹn Emọsụ ku. Emọsụ wụ onyẹ ohu imẹ ndị e du anụ imẹ obodo Tẹkụa. Ihiẹn Osolobuẹ ghọsị a banyeni Izrẹlụ k'o ku. Ogẹn ahụn, Uzịa wụ eze Juda, Jerobụam nwa Jụashị wụ eze Izrẹlụ. Ọ rị ahụa ẹbụọ o ku ihiẹn ndịnị nị alị hụ mẹhunmẹni d'e mẹhunmẹ.

Malakaị 4:4

“Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile.

Ọgụngụn 10:29

Mozizi sị Hobabụ nwa Rẹwuẹlụ onyẹ Midianị, nẹdi nwunyẹ Mozizi, “Ẹnyi e jẹnmẹ ebẹhụ Osolobuẹ gwa ẹnyi oku ẹ, sị, ‘M k'e ye ụnụ ya’. Sọnmẹ ẹnyi, nị ẹnyi k'e lepụ ị ẹnya ọhụnma, makẹni Osolobuẹ e kwegụọ ndị Izrẹlụ nkwa ihiẹn rị mma.”

Ọgụngụn 10:33

A ghagụ wẹ Ugu Osolobuẹ buli, ya wẹ nọ jẹn ijẹn akp'ọhịn ẹtọ. Ẹkpẹti Nkwerigbama buruni wẹ ụzọ akp'ọhịn ẹtọ ahụn d'a chọnị wẹ ebe w'a nọ ziẹn zu ikẹn.

Luku 2:8

Uhinhin ahụn, o nwọn ndị e du anụ rị ọfịa ẹgbẹrẹ ahụn, e lepụ anụ wẹ ẹnya.

Ọrụn Ndị-ozi 7:30

“Ahụa ọgụnnaị a ghafegụ, mmọn-ozi nọ bịa d'e kunrun ẹ imẹ atụ nọkunmẹ Ugu Saịnaị; imẹ ọkụn rị e nwun imẹ akụ-ọfịa.

Ditrọnọmi 1:2

Akp'ọhịn mmanaị kẹ wẹ te gi a gha ugu Horẹbụ e ru Kadẹshi-Bania omẹni ịhịan ghashi ụzọ Ugu Sẹẹ, Ugu Ẹdọm.

Ditrọnọmi 1:6

Osolobuẹ wụ Chuku ẹnyi gwa ẹnyi kẹ ẹnyi rị Ugu Horẹbụ, sị, “Ebe ụnụ nọru uguni e higụọ.

Ditrọnọmi 4:10

Nyanhan nị ụhụọhịn ahụn ụnụ wuzo ihun Osolobuẹ wụ Chuku ụnụ ẹhụ Ugu Horẹbụ, ogẹn ahụn o gi sị m, “Kpọkikomẹ ndị Izrẹlụ ihun m ebeni, nị wẹ nụ ihiẹn m k'e ku, mụ kẹ wẹ dọn a gbaye m e we wẹ bigụ alị ahụn, lẹni wẹ kuzi ụmụ wẹ ya.”

Ndị Han Eṅẹn 4:11

Ogẹn ahụn, Hẹba onyẹ Kẹni a ghagụọ ebe ndị Kẹni ụmụ Hobabụ ọgọ Mozizi bi pụ, weri ọdụ a d'e biri ẹhụ okẹn-osisi ahụn rị Zaananim, ẹhụ Kẹdẹshi ebẹhụ.

Samuẹlụ Nke Ibuzọ 16:11

“Ụmụ ị ikẹnnyẹ a gụgụọ?” Jese nọ sị a, “Ọ họdụ hụn nta rịn'a, kanị ọ rị e lepụ atụnrụn ẹnya.” Samuẹlụ nọ sị a, “Zi wẹ d'a kpọha a; ẹnyi anọdịkọ alị d'e ru n'ọ pụha.”