Ọpụpụ 27:3 - Ika

³ Gi igwe-bronzu mẹmẹchanrịn arịa ile sọn ukpo nchụn-ẹjan hụ: kẹ ite wẹ gi e kpọnpụ ntụn lẹ ọsẹkẹ sọnn'ẹ kẹ afẹrẹ w'e gi e fekpu ihiẹn kẹ ndụndụn wẹ gi a weri anụ, kẹ ugbẹgbẹ ndị wẹ gi e ghe ihiẹn.

Ọpụpụ 27:3 ပူးပေါင်းရင်းမြစ်များ

Ndị-nze Nke Ibuzọ 7:40

Ọ nọzị mẹmẹ afẹrẹ uku ndị ọzọ wẹ gi e rụn ọrụn imẹ Ụlọ-nsọ lẹ ọsẹkẹ lẹ afẹrẹ ndị wẹ gi e fekpu ihiẹn. Ẹrịra kẹ Huram dọn rụnchanrịn ihiẹn ile eze wụ Solomọnụ sị a rụn imẹ Ụlọ-nsọ Osolobuẹ —

Ndị-nze Nke Ibuzọ 7:45

ite lẹ ọsẹkẹ lẹ afẹrẹ ndị ahụn wẹ gi e fekpu ihiẹn. Igwe bronzu wẹ finchanpụ ọhụnma-ọhụnma kẹ Huram gi mẹmẹni Eze wụ Solomọnụ ihiẹn ndịnị ile wẹ gi a rụn ọrụn imẹ Ụlọ-nsọ Osolobuẹ.

Ndị-nze Nke Ibuzọ 7:50

ihiẹn ndị hụ wẹ gisọnmẹ ezigbo goru wẹ buchelẹni ihiẹn ọzọ mẹmẹ: kẹ afẹrẹ uku ndị hụ kẹ nwa-mbu ukpẹ ndị hụ kẹ afẹrẹ ndị ọzọ rịn'a kẹ sẹnsa wẹ gi a mụ nsẹnsi kẹ ụkụ-ọnụmụzọ rịchanrịn imẹ-imẹ, ụkụ-ọnụmụzọ Ebẹhụ Kachanrịn Nsọ lẹ ụkụ-ọnụmụzọ ibẹrẹ uku rị Ụlọ-NSỌ.

Ndị-nze Nke Ẹbụọ 25:14

A kwarịzịghọ wẹ ite lẹ ọsẹkẹ lẹ nwa-mbu wẹ gi a fị ukpẹ lẹ arịa lẹ ihiẹn ile wẹ gi igwe-bronzu mẹmẹ wẹ gi a rụn ọrụn rị Ụlọ-nsọ.

Ndị-nze Nke Ẹbụọ 25:15

Onyẹ-isi ahụn kị ndị nche Nebukadineza a kwarịzịghọ sẹnsa wẹ gi a mụ nsẹnsi lẹ afẹrẹ ndị wẹ e huye ihiẹn ndị w'e fekpu. O buru ihiẹn goru ile lẹ ihiẹn siliva ile.

Ihiẹn Mẹni Nke Ibuzọ 28:17

Defidi gwazị Solomọnụ ibe goru ole wẹ k'e gi mẹmẹ ndụndụn lẹ afẹrẹ w'e gi e fekpu lẹ mkpu, ibe goru ole wẹ sikọ d'e gi mẹmẹ afẹrẹ goru ohu-ohu lẹzi ibe siliva ole-ole w'e gi mẹmẹ afẹrẹ siliva ohu-ohu.

Ihiẹn Mẹni Nke Ẹbụọ 4:11

Huram-Abi mẹmẹsọnmẹzi ite, ọsẹkẹn-nta lẹ afẹrẹ ndị wẹ gi e fekpu ihiẹn. Ẹrịra kẹ Huram dọn rụnchanrịn ọrụn ile Solomọnụ buye ẹ imẹ ụnọ-nsọ Chuku, hụn wụ ndịnị:

Ihiẹn Mẹni Nke Ẹbụọ 4:16

lẹzi ite lẹ ọsẹkẹ lẹ ndụndụn anụ lẹ ihiẹn ile ya lẹ wẹ wị. Igwe bronzu wẹ finchanpụ ọhụnma-ọhụnma kẹ Huram-Abi gi mẹmẹni Eze wụ Solomọnụ ihiẹn ndịnị ile wẹ gi a rụn ọrụn imẹ Ụlọ-nsọ Osolobuẹ.

Ọpụpụ 24:6

Mozizi nọ kebe ẹdeke efin ndị ahụn ẹbụọ, hu azụụn ohu ye imẹ afẹrẹ, fe hụn họdụnị ye ukpo nchụn-ẹjan ahụn ọ rụn.

Ọpụpụ 27:19

Igwe-bronzu kẹ wẹ k'e gizi kpụ ihiẹn ile wẹ k'e gi rụn ọrụn ofufe w'a rụn imẹ Ọdụ-nsọ hụ lẹ mkpụkpọ ile w'e gi kpọdọn Ọdụ-nsọ alị lẹ ndị w'e gi kpọdọn mgbọn ẹ alị ezi.

Ọpụpụ 27:2

Pịn mpịn ohu-ohu ye ntịn a ẹnịnọ. Ya lẹ mpịn a ẹnịnọ k'a wụ ibe-osisi ohu, y'e gi igwe-ufie wụ bronzu nyankwama kẹ ukpo nchụn-ẹjan kẹ mpịn ndị hụ.

Ọpụpụ 27:4

“Gi igwe-ufie wụ bronzu mẹmẹn'ẹ ngịgan; y'e gi igwe-bronzu mẹmẹsọnmẹ ẹgba ohu-ohu yesọnmẹ ngịgan ahụn ntịn ẹnịnọ.

Ọpụpụ 38:3

Wẹ nọ gi igwe-bronzu mẹmẹchanrịn ihiẹn ile sọnn'ẹ, kẹ ite wẹ gi e kpọnpụ ntụn lẹ ọsẹkẹ sọnn'ẹ kẹ afẹrẹ w'e gi e fekpu ihiẹn kẹ ndụndụn wẹ gi a weri anụ kẹ ugbẹgbẹ ndị wẹ gi e ghe ihiẹn.

Lẹvitikọsụ 16:12

O k'a gha elu ukpo-nsẹnsị rị ihun Osolobuẹ weri mkpu nsẹnsi ikeke ọkụn jun, o weri nsẹnsi e shin ọhụnma wẹ gweriẹn hụn jun ọb'ẹka ẹbụọ, o we wẹ ile ghafe Ẹkwa-mgbọnkin, shi imẹ Ebẹhụ Kachanrịn-nsọ.

Ọgụngụn 4:14

A bịa wẹ d'e bu ihiẹn ile wẹ gi a rụn ọrụn gbashịarị ukpo hụ che elu ẹ: kẹ ibe ihiẹn ndị wẹ gi e bi ọkụn, ndụndụn ndị wẹ gi a dụn anụ, ọsẹkẹ wẹ gi e kpọnpụ ntụn, afẹrẹ ndị hini. Wẹ k'e gi akpụkpọ efin-ohimin kpumẹ elu ẹ, bu akp'osisi ndị wẹ gi e bu ẹ che ọnọdị wẹ.