Ọpụpụ 20:2 - Ika

² “Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 20:2 ပူးပေါင်းရင်းမြစ်များ

Ndị-nze Nke Ibuzọ 18:39

Ogẹn ndị ahụn ile gi hụn ihiẹnni, wẹ nọ tụha enwẹn wẹ ye alị, bu ihun kpumẹ alị, yimẹ “Osolobuẹ, ịya wụ Chuku! Osolobuẹ, ịya wụ Chuku!”

Ndị-nze Nke Ẹbụọ 17:12

A tọ wẹ e fe mmọn, ọsụọn'a nị Osolobuẹ a sịgụọ wẹ, “Emẹkwọlẹ ni ihiẹnni.”

Ndị-nze Nke Ẹbụọ 17:7

Ihiẹn ndịnị ile mẹ makẹ njọ ndị Izrẹlụ mẹ Osolobuẹ wụ Chuku wẹ hụn gha alị Ijiptu, ẹka Fẹro eze Ijiptu, wepụha wẹ, lẹzi makẹni wẹ fe mmọn-lẹ-iyi;

Ihiẹn Mẹni Nke Ẹbụọ 28:5

Osolobuẹ wụ Chuku ẹ nọ bu ẹ che ẹka eze Aram. Ndị Aram nọ mẹri ẹ, kpụnrụn ndị nke ẹ bu ọda lashi Damaskọsụ. Osolobuẹ buzikwọ a che ẹka eze Izrẹlụ Ẹbamịn ugu, Izrẹlụ Ẹbamịn ugu nọ mẹri ẹ ọhụnma-ọhụnma:

Ẹbụ-ọma 50:7

Gọn ni ntịn, ndị nke m, nị m ku; ụnụ ndị Izrẹlụ, gọn ni ntịn, nị m shịagbu ụnụ ẹri. Mmẹ wụ Chuku, Chuku ụnụ.

Ẹbụ-ọma 81:10

Mmẹ wụ Osolobuẹ, Chuku ụnụ, hụn gha alị Ijiptu wepụha ụnụ. Shịapụ nị ọnụ ọhụnma-ọhụnma; m k'e hujun ẹ.

Ẹbụ-ọma 81:11

Kanị ndị nke m egọnni m ntịn; Izrẹlụ ekweyenini m.

Ẹbụ-ọma 81:7

Kẹ ụnụ kpọ m ogẹn nsọngbu, a zụọpụhaghọ m ụnụ, a gha m ebẹhụ zuerini akpara nọ a han za ụnụ, a nọ m mirin Mẹriba lele ụnụ. Sẹla

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 13:3

Mozizi nọ sị ndị Izrẹlụ, “A nyanhan nị ụhụọhịnnị: ụhụọhịn ụnụ gha alị Ijiptu pụha, ụlọ ahụn ụnụ nọ wụ igbọn, makẹni Osolobuẹ gi ikẹn hi-ogbe wepụha ụnụ. Erikwọlẹ ni ihiẹn ọwụlẹ wẹ gi yisti shi.

Ọpụpụ 15:13

I k'e gi ihiẹn-ọsụsụọ ị ghalẹni a gụ du ndị ị gbapụha. I k'e gi ikẹn i du wẹ, du wẹ ru ebe-obibi nsọ ị.

Ọpụpụ 15:16

okẹn egun k'a tụgbu wẹ. Euu Osolobuẹ, ẹka ị k'e mẹ wẹ gba nkịtịn nọkẹ ọmụma — d'e ru ni ndị nke i a ghafechanrịngụ, d'e ru ni ndị hụn i ṅọn a ghafegụ.

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Ọpụpụ 20:1

Chuku nọ ku oku ndịnị ile:

Ọpụpụ 29:46

a marịn wẹ nị mmẹ wụ Osolobuẹ Chuku wẹ hụn gha alị ijiptu wepụha wẹ nị m hụn ụzọ biri imẹ igunrun wẹ. Mmẹ wụ Osolobuẹ, Chuku wẹ.

Ọpụpụ 6:6

“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Jerimaya 16:14

“Kanị, mmẹ wụ Osolobuẹ rị e ku ẹ nị ogẹn lala asịkọzị wẹ, ‘Ma Osolobuẹ hụn gha alị Ijiptu gbapụha ndị Izrẹlụ.’

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 34:13

“Osolobuẹ wụ Chuku Izrẹlụ sị: Mmẹ lẹ enwẹn m tini ndị nẹdi ụnụ kanị iwu ogẹn m gi gha alị Ijiptu wepụha wẹ, alị wẹ nọ wụ igbọn, sị wẹ,

Izikẹlụ 20:19

Mmẹ wụ Osolobuẹ hụn wụ Chuku ụnụ, sọn ni uhi m, e mẹ ni ihiẹn m sị ụnụ e mẹ.

Izikẹlụ 20:5

sị wẹ: Lee ihiẹn Osolobuẹ Nwọn Ihiẹn Ile ku: ụhụọhịn hụ m họrị Izrẹlụ, e weshi m ẹka elu kunni ebọn Jekọpụ enwẹn m, we enwẹn m ghọsị wẹ imẹ alị Ijiptu. M kishi ẹka elu sị wẹ, ‘Mmẹ wụ Osolobuẹ, hụn wụ Chuku ụnụ.’

Izikẹlụ 20:7

M nọ sị wẹ, ‘Onyẹ-onyẹ imẹ ụnụ ya latọ ihiẹn ndị ahụn wẹ kpụ ọ rị e fe; egilẹ ni mmọn ndị hụ rị alị Ijiptu mẹrụ enwẹn ụnụ. Mmẹ wụ Osolobuẹ hụn wụ Chuku ụnụ.’

Hosia 12:10

Mmẹ gwa ndị-amụma ihiẹn wẹ ku; mmẹ ghọsịsọnmẹ wẹ ihiẹn wẹ hụn gwa ụnụ, gizi wẹ tụnị ụnụ ilu ndị hụ wẹ gi gwa ụnụ oku.

Hosia 13:4

Osolobuẹ sị, “Kanị mmẹ wụ Osolobuẹ, Chuku ụnụ ghakwọrị ogẹn ụnụ rị alị Ijiptu; ụnụ enwọn Chuku ọzọ wezụka m; mmẹ sụọ wụ onyẹ-nzụọpụha ụnụ.

Lẹvitikọsụ 11:45

Mmẹ wụ Osolobuẹ hụn gha alị Ijiptu wepụha ụnụ kẹni m hụn ụzọ wụrụ Chuku ụnụ e fe; rịnị nwan nsọ makẹni m rị nsọ.

Lẹvitikọsụ 19:36

Gi ni ezigbo skelu lẹ mkpu lẹ ọgọ ma ihiẹn. Mmẹ wụ Osolobuẹ, Chuku ụnụ, hụn gha Ijiptu wepụha ụnụ.

Lẹvitikọsụ 23:43

kẹni ụmụ ụnụ marịn nị m mẹ ndị Izrẹlụ bisọnmẹ imẹ ọdụ ogẹn m gi gha alị Ijiptu wepụha wẹ. Mmẹ wụ Osolobuẹ hụn wụ Chuku ụnụ.”

Lẹvitikọsụ 25:38

Mmẹ wụ Osolobuẹ hụn wụ Chuku ụnụ, hụn gha alị Ijiptu wepụha ụnụ, kẹni m ye ọnụ alị Kenaanị lẹni m wụrụ Chuku ụnụ.

Lẹvitikọsụ 25:42

Makẹni ndị Izrẹlụ wụ idibo m, hụn m gha alị Ijiptu wepụha, agbakọ wẹ wẹ igbọn.

Lẹvitikọsụ 25:55

makẹni idibo m kẹ ndị Izrẹlụ wụ. Wẹ wụ idibo m hụn m gha alị Ijiptu wepụha. Mmẹ wụ Osolobuẹ, Chuku ụnụ.

Lẹvitikọsụ 26:1

“Akpụrụlẹni ni mmọn mọbụ ihiẹn ọwụlẹ mọbụ tumẹni enwẹn ụnụ ọmụma-nsọ ndị hụ w'e fe; ebukwọlẹ ni ọmụma wẹ tụ che alị ụnụ kẹni ụnụ kpọman'a isi alị. Mmẹ wụ Osolobuẹ hụn wụ Chuku ụnụ.

Lẹvitikọsụ 26:13

Mmẹ wụ Osolobuẹ, Chuku ụnụ, hụn gha Ijiptu wepụha ụnụ makẹ ụnụ ghazị e wụ igbọn ndị Ijiptu; mmẹ tigipụ ẹgan wẹ kpọma ụnụ olu kẹni ụnụ hụn ụzọ gha imẹ ụya pụ.

Emọsụ 2:10

Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Ndị Rom 10:12

Makẹni ẹka ohu kẹ Osolobuẹ gi e sọn ịhịan ile, kẹ ndị Ju kẹ ndị wụlẹni ndị Ju. Osolobuẹ ohu ahụn wụ Osolobuẹ ịhịan ile. O hu ngọzi ẹ e kpu onyẹ ọwụlẹ kpọkun'ẹ mmagi-mmagi.

Ndị Rom 3:29

Chuku wụdẹ Chuku ndị Ju sụọ ra? Ẹlẹzi ya ke ndị wụlẹni ndị Ju? Ẹghẹẹ, ịya wụzị Chuku hụn ke ndị wụlẹni ndị Ju,

Ditrọnọmi 13:10

Magbu n'ẹ, makẹni o te chọ n'o mẹ i gbakitọ Osolobuẹ wụ Chuku ụnụ azụụn, Onyẹ hụn gha Ijiptu, alị ụnụ nọ wụ igbọn, wepụha ụnụ.

Ditrọnọmi 15:15

Nyanhankwọ nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gbapụha ụnụ; ịya kẹ m gi rị e ye ụnụ iwuni tannị.

Ditrọnọmi 20:1

Ụnụ jẹn d'a lụsọn ndị-iṅẹnrẹn ụnụ agha, nị ụnụ a hụn ẹshin lẹ ụgbọ-anyịnyan wẹ kpọnhẹn lẹ ndị-agha ka ndị-agha ụnụ ọda, atụlẹ ni egun wẹ, makẹni, Osolobuẹ wụ Chuku ụnụ hụn gha alị Ijiptu wepụha ụnụ jẹnkọ d'a nọyeni ụnụ.

Ditrọnọmi 5:15

Nyanhankwọ nị igbọn kẹ ụnụ te wụ imẹ alị Ijiptu, Osolobuẹ wụ Chuku ụnụ nọ gi ẹka a zeni lẹ ikẹn ọ kpa wepụha ụnụ. Ya haịn Osolobuẹ wụ Chuku ụnụ gi nwan sị ụnụ zu ikẹn Ụhụọhịn Ezumikẹn.

Ditrọnọmi 5:6

“Mmẹ wụ Osolobuẹ, Chuku ụnụ hụn gha alị Ijiptu, alị ụnụ nọ wụ igbọn, wepụha ụnụ.

Ditrọnọmi 7:8

Kanị, makẹni ụnụ rị Osolobuẹ obi lẹn'ọ chọ n'o mẹ ihiẹn o kun enwẹn ẹ kwe ndị nẹdi ụnụ kanị nkwa a haịn o gi gi ẹka-ikẹn wepụha ụnụ, gha imẹ alị ụnụ nọ wụ igbọn, ẹka Fẹro eze alị Ijiptu, gbarị ụnụ.

Ndị Han Eṅẹn 2:1

O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,

Ndị Han Eṅẹn 6:10

M sị ụnụ, ‘Mmẹ wụ Osolobuẹ hụn wụ Chuku ụnụ; efelẹ ni mmọn-lẹ-iyi ndị Amọ ụnụ bi alị wẹ.’ Kanị, ụnụ egọnni m ntịn.”