Ọpụpụ 2:3 - Ika

³ Kanị, ogẹn o gilẹni sazị ẹka zuemẹ ẹ, ọ nọ weri ụkpalị wẹ gi ẹfịfịa-mirin mẹmẹ, tekwama a korota amamgbe mirin a ban a. Ọ nọ bu nwa-ndu hụ che imẹ ụkpalị ahụn, bu ụkpalị tọ imẹ ẹfịfịa rị mkpẹnrẹn iyi Naịlị.

Ọpụpụ 2:3 ပူးပေါင်းရင်းမြစ်များ

Jẹnẹsisi 11:3

Wẹ nọ tụgbama iroro, sị ibe wẹ, “Bịa nị; nị ẹnyi kpụ nị ẹjan, ẹnyi e gi ọkụn kikọ a n'ọ kọrọhị.” Ya wẹ nọ gi ẹjan ahụn wẹ kpụ, kikọ, nọkin ẹnya ọmụma wẹ te gi a tụn ụlọ, gizi korota nọkin ẹnya simẹnti wẹ te gi a nyangbama ọmụma.

Jẹnẹsisi 14:10

Ogẹn ahụn, Ọdanmgbugbu Sidim mẹ mkpọkọ-olu, mkpọkọ-olu. Ebe ndị-nze alị Sodọm lẹ alị Gomora lẹ ibe wẹ gbakọ makẹni agha a karịgụọ wẹ ẹka, ụfọdụ nọ danbansọnmẹ imẹ olu ndị ahụn, ndị họdụnị a gbashi elu-ugu nọkunmẹ ọdanmgbugbu ahụn.

Jẹnẹsisi 6:14

“Rụnrụn nwan ụgbọ mirin pụ-ichẹn. Gi osisi saịprẹsị wụ akashịa rụn a. Rụnyesọnmẹ mmughẹ imẹ ẹ, y'e gi korota nyan a imẹ lẹ azụụn — kẹ imẹ ẹ kẹ azụụn a, makẹ mirin gha a banye ẹ.

Ọpụpụ 1:22

Ya kẹ eze wụ Fẹro nọ nwan ye ndị nke ẹ ile iwu, sị, “Tụ nị nwa ọwụlẹ wụ okẹnnyẹ ndị Hibru k'a mụ ye imẹ Iyi Naịlị; ka dọnmẹ ni hụn ọwụlẹ wụ okpoho.”

Azaya 18:2

hụn e zi ndị ụkọ gi ụgbọ-mirin a ghaha ohimin; imẹ ụgbọ-mirin ndị wẹ gi ẹfịfịa papirọsụ mẹmẹ. Jẹn ni, ndị ụkọ ijẹn a kẹrẹ, buru ni ndị alị Ẹtiopịa, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ.

Azaya 19:6

Ote-mirin ile wẹ gu k'e shinkpo; mmụ-iyi ile rị Ijiptu k'a tahị, kọrọhị. Achara lẹ ẹfịfịa mirin k'e shinwụn,

Azaya 35:7

Alị te kpọgbu enwẹn ẹ nkụn k'e họnrin ọgbọ-mirin, alị nwẹn mirin te rịlẹni kaka k'e mẹ isi-mirin isi-mirin. Atụ nwẹn eje-anụ te weri k'e họnrin alị irurue lẹ achara-mirin lẹ achara-papirọsụ jun.

Matiu 2:13

Ogẹn ndị hụ marịn ẹnya kokisẹ gi lamagụ, mmọn-ozi Di-nwọnni-ẹnyi nọ bịa d'e kunrun Josẹfụ imẹ nrọ, sị a, “Lihi ọtọ! Weri nwata hụ lẹ nnẹ ẹ gbashi Ijiptu; nọdị nị ebahụn d'e ru nị a sị m'ị kinhẹn, makẹni Hẹrọdụ chọ n'ọ chọ nwata hụ kẹni o gbu ẹ.”

Matiu 2:16

Ogẹn Hẹrọdụ gi hụn nị ndị hụ marịn ẹnya kokisẹ e mẹọlẹ ẹ ẹro, eje-olulu nọ bu ẹ. Ọ nọ zi ndị o zi, wẹ nọ jẹn d'e gbupụ ụmụẹka ikẹnnyẹ ile rị Bẹtilẹhẹm lẹ ẹgbẹrẹ hụ ile, ikẹnnyẹ ndị hụn rị gha ahụa ẹbụọ lụa alị. Ogẹn hụn ndị hụ marịn ẹnya kokisẹ gwa a k'o kwọndọn ẹka mẹ ihiẹnni o mẹ.

Ọrụn Ndị-ozi 7:19

Ezeni wụ hụn gi aghịghọ sọn ndị nke ẹnyi, mẹjama ndị nẹdi ẹnyi wẹ, mẹ wẹ latọ ụmụ wẹ mụ nke ọhụn, kẹni ọnwụn gbu wẹ.