Ọpụpụ 2:23 - Ika

²³ Ọ nọbe, eze Ijiptu nọ nwụnhụn. Ndị Izrẹlụ nkẹ hụkwọ a sụn udẹn makẹ ọnọdị igbọn ahụn wẹ rị imẹ ẹ; wẹ nọ kwan ẹkwan. Ẹkwan hụ wẹ rị a kwan ebe wẹ rị a chọ eyemẹka nọ ru Osolobuẹ ntịn imẹ elu-igwee.

Ọpụpụ 2:23 ပူးပေါင်းရင်းမြစ်များ

Jẹnẹsisi 16:11

Mmọn-ozi Osolobuẹ nọ sịzị a, “Ị rị nwan imẹ; i sikọ d'a mụ okẹnnyẹ; ẹfan a k'a wụ ‘Ishmẹlụ’, makẹni Osolobuẹ a nụọlẹ ụya ị rị a kwan.

Jẹnẹsisi 4:10

Ya kẹ Osolobuẹ nọ sị a, “Kị wụ ihiẹnni i mẹ? Lee ẹ, ẹdeke nwẹnẹ i rị a gha alị a kwanghọsị m!

Nehemiah 9:9

“Y'a hụnghọ afụnfụn ndị nẹdi ẹnyi wẹ ta kẹ wẹ rị imẹ alị Ijiptu; y'a nụzịghọ ẹkwan wẹ kẹ wẹ rị ẹhụ Ohimin Ufie.

Jobu 35:9

“Ịhịan a kwan okokoko omẹni wẹ rị a bịangbu wẹ; w'a kwanzị nị wẹ zụọpụha wẹ ẹka ndị ka wẹ ẹka.

Ẹbụ-ọma 102:1

Osolobuẹ dodo, nụ ekpere m; dodo, nụ ẹkwan m!

Ẹbụ-ọma 102:2

Agbakịtọkwọlẹ m azụụn ogẹn nsọngbu; dodo, gọn m ntịn; m kpọku i hụ, dodo zakẹnrin m!

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 18:6

A nọ m imẹ nsọngbu m kpọku Osolobuẹ; a hị m Chuku m n'o yeni m ẹka. Ọ nọ imẹ Ụlọ-NSỌ a nụ olu m; ẹkwan m e ru ebe ọ rị, ru ẹ ntịn.

Ọpụpụ 1:14

gi okẹn ọrụn rị ichẹn-ichẹn mẹ ize elu ban wẹ, kẹ ọrụn ẹjan-lẹ-simẹnti kẹ ọrụn-ugbo, gi ẹfọ-njọ sọn wẹ ebe wẹ n'a rụn okẹn ọrụn ahụn ile.

Ọpụpụ 4:19

Ogẹn ahụn Mozizi gi rị alị Midianị, Osolobuẹ sị a, “Lakin Ijiptu, nị ndị ile te chọ nị wẹ gbu i a nwụnchanrịngụọ.”

Ọpụpụ 6:5

A nụgụọzị m udẹn ndị Izrẹlụ rị a sụn, okpuru ndị Ijiptu rị nwan a kpa wẹ igbọn; a nyanhanlẹ m nkwerigbama m.

Ọpụpụ 6:9

Mozizi nọ gwa ndị Izrẹlụ ihiẹnni, kanị egọnni w'ẹ ntịn makẹni ndụn a gụchanrịngụọ wẹ yeni ihiẹn rị e mẹni wẹ lẹ eje-igbọn wẹ rị a kpa wẹ.

Ọpụpụ 7:7

Mozizi rị ahụa ọgụn ẹnọ ogẹn wẹ gi gwa Fẹro oku, Ẹrọnụ rị ahụa ẹtọ kwasị ọgụn ẹnọ.

Azaya 19:20

O k'a wụrụ ahịma lẹ ihiẹn a shịanị Osolobuẹ ihiẹn ile rị okpuru ẹ ẹri imẹ alị Ijiptu; wẹ kwanghọsị Osolobuẹ makẹ ndị rị a bịangbuni wẹ, o zijẹnni wẹ onyẹ-nzụọpụha hụn k'a lụnị wẹ ọgụn, ọ zụọpụha wẹ.

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Ọgụngụn 20:16

kanị mgbe ẹnyi gi kwanghọsị Osolobuẹ, ọ nọ nụ ẹkwan ẹnyi, zihẹni ẹnyi mmọn-ozi, onyẹ-ozi ẹ, d'e wepụha ẹnyi imẹ Ijiptu. Ẹnyi rị nwan alị Kadẹshi ebeni mkpẹnrẹn alị ụnụ.

Ọrụn Ndị-ozi 7:30

“Ahụa ọgụnnaị a ghafegụ, mmọn-ozi nọ bịa d'e kunrun ẹ imẹ atụ nọkunmẹ Ugu Saịnaị; imẹ ọkụn rị e nwun imẹ akụ-ọfịa.

Ditrọnọmi 24:15

A kụ a ụgwọ ọrụn a ụhụọhịn-ụhụọhịn anwụn gini d'a rọ, makẹni ogbẹnnyẹ rọ, ụgwọ-ọrụn ahụn k'ọ rị e lee ẹnya. Amamgbe ọ kwanghọsị Osolobuẹ ihiẹn i mẹ ẹ, ikpe a ma ị.

Jemisi 5:4

Gọn ni ntịn! Egho ụnụ jụ nị ụnụ akụkọ ndị sụnnị ụnụ ọfịa rị nwan a shịagbu ụnụ ẹri! Ẹkwan ndị ghọnị ụnụ ihiẹn-ugbo e rugụọzị Osolobuẹ nwọn ikẹn ile ntịn!

Ndị Han Eṅẹn 4:3

Ya kẹ ndị Izrẹlụ nọ kwanburu Osolobuẹ, makẹni Jabini, hụn nwọn ụgbọ-ẹshin igwe ọgụn-isẹn kwasị nnụ-ẹbụọ (900) a bịangbuọlẹ wẹ ọrọgbọ ahụa ọgụn.

Samuẹlụ Nke Ibuzọ 12:8

“Ogẹn Jekọpụ gi banyegụ alị Ijiptu, omẹgụ, ndị nke ụnụ nọ kwanghọsị Osolobuẹ, ọ nọ zi Mozizi lẹ Ẹrọnụ, wẹ nọ gha alị Ijiptu wepụha ndị nẹdi ụnụ kanị mẹ wẹ biri ebeni.

Samuẹlụ Nke Ibuzọ 9:16

“Mgbeni eki, m jẹnkọ d'e zihẹn'i onyẹ alị Bẹnjamini. Hukpu ẹ udẹn-ntumẹ, n'ọ wụrụ onyẹ-ndu ndị nke m wụ Izrẹlụ; ịya nwọn zụọpụha ndị nke m ẹka ndị Filistia, makẹni a hụngụọ m k'ọ rị ndị nke m, makẹni ẹkwan wẹ e rugụọ m ẹhụ.”