Ọpụpụ 2:16 - Ika

¹⁶ Onyẹ nchụn-ẹjan ohu rị alị Midianị mụ ikpoho ẹsa. Wẹ nọ bịa d'a dọrị mirin jun afẹrẹ ye ewu lẹ atụnrụn nẹdi wẹ ra.

Ọpụpụ 2:16 ပူးပေါင်းရင်းမြစ်များ

Jẹnẹsisi 14:18

Ya kẹ Mẹkizẹdẹkị, eze Salẹm, nọ wẹhẹ brẹdi lẹ manya. Onyẹ nchụn-ẹjan Osolobuẹ, Chuku kachanrịnnị, k'ọ wụ.

Jẹnẹsisi 24:11

O ru ẹ, ọ nọ mẹ anyịnyan ndị ahụn makpuru ẹhụ ọmị rị mkpẹnrẹn obodo hụ; ogẹn ẹnyasị rọ, ogẹn ikpoho gi a bịa d'a dọrị mirin.

Jẹnẹsisi 24:13

M wuzo nwan ẹhụ ọmịnị; ikpoho ndị alịnị hụ a bịa d'a dọrị mirin:

Jẹnẹsisi 29:2

o lee ẹnya, ọ nị legha ọmị rị imẹ ogige ebẹhụ. Igunrun atụnrụn ẹtọ dinẹ ẹhụ ọmị ahụn, makẹni ọmị hụ kẹ wẹ gha a dọrị mirin e ye atụnrụn ndị ahụn. Ọmụma wẹ gi dọkin ẹ hi-ogbe ọda-ọda.

Jẹnẹsisi 41:45

Fẹro nọ gụn Josẹfụ “Zafẹnatị-Panịa”; we Asenatị nwa Pọtifẹra ye ẹ lụrụ. Pọtifẹranị wụ ohẹn-mmọn alị Ọọnị imẹ Ijiptu. Ya kẹ Josẹfụ nọ kịma alị Ijiptu ile.

Ọpụpụ 18:1

Jẹtro, hụn wụ onyẹ nchụn-ẹjan alị Midianị, hụn wụzị nẹdi nwunyẹ Mozizi nọ nwan nụ ihiẹn ile Osolobuẹ mẹni Mozizi lẹ ndị nke ẹ, ndị Izrẹlụ, lẹzi kẹ Osolobuẹ dọn wepụha ndị Izrẹlụ imẹ Ijiptu.

Ọpụpụ 18:12

Ya Jẹtro nẹdi nwunyẹ Mozizi nọ wẹhẹ anụmanụ, gi ẹ chụnyeni Chuku ẹjan w'a kpọ ọkụn lẹ ẹjan ndị ọzọ; Ẹrọnụ lẹ ndị-ichẹn Izrẹlụ ile nọ bịa d'e du nẹdi nwunyẹ Mozizi ri ihiẹn-oriri ihun Chuku.

Ọpụpụ 3:1

Mozizi hụ e du anụ ọgọ a wụ Jẹtro, onyẹ nchụn-ẹjan alị Midianị. Ọ nọ dumi igunrun anụ ahụn imẹ atụ, du wẹ rukwọrị Horẹbụ wụ Saịnaị, ugu Chuku.

Samuẹlụ Nke Ibuzọ 9:11

Hụn Sọlụ lẹ odibo ẹ gi bankọ nwan obodo hụ rị elu òke, wẹ nọ zu ịgbagba pụla d'a kwọ mirin. Ya wẹ nọ jụ wẹ, sị, “Ebeni kẹ onyẹ nẹi a hụn ọhụn rị?”