Ọpụpụ 16:3 - Ika

³ wẹ sị Mozizi lẹ Ẹrọnụ, “O te ka ẹnyi mma nị Osolobuẹ gbu ẹnyi tọ imẹ Ijiptu! Ebahụn, ẹnyi a nọdịyeni ite-anụ, e rijundẹ ẹfọ kẹ ẹnyi chọ — ụnụ nọ nwan wepụha ẹnyi imẹ atụnị nị ọnụ gi ẹgụn gbu igunrunni ile.”

Ọpụpụ 16:3 ပူးပေါင်းရင်းမြစ်များ

Samuẹlụ Nke Ẹbụọ 18:33

Ihiẹn o ku nọ mẹhunmẹ eze. Ọ nọ nyinshi mmughẹ hụ rị elu ọnụmụzọ rị ọnụ-mgbọn, a kwan. K'o jẹnkọ, ọ hụ a sị, “Absalọm nwa m-ee! Euu, nwa m-ee! Absalọm nwa m-ee!! K'ọ rị m, mmẹ nwụnhụn, ẹlẹ ịyụ — Euu Absalọm; nwa m-ee! Nwa m-ee!”

Jobu 3:1

Omẹgụ, Jobu nọ shịapụ ọnụ bụ ụhụọhịn wẹ mụ a ọnụ.

Jobu 3:10

makẹni ọ kpọkinni m ye imẹ ẹfọ nnẹ m, amamgbe ẹnya m a hụn nsọngbu.

Jobu 3:20

“Kị w'e yeni ndị rị e ri ụya ukpẹ, e ye ndị elu rị a fụ ndụn e bi?

Ẹbụ-ọma 107:5

Ẹgụn ihiẹn-oriri lẹ ẹgụn-mirin hụ a gụn wẹ, e te sụọhịdẹ wẹ.

Ẹbụ-ọma 78:19

E fọnjama wẹ Chuku, sị, “Nị Chuku saẹka wepụha ihiẹn-oriri imẹ atụnị?

Ẹbụ-ọma 78:25

Wẹ ile nọ ri ihiẹn ndị mmọn-ozi e ri! Chuku ye wẹ ihiẹn-oriri ọhụnma-ọhụnma!!

Ọpụpụ 14:11

Wẹ nọ sị Mozizi, “Ili arịdẹ alị Ijiptu haịn i gi wẹhẹ ẹnyi imẹ atụnị d'a nwụn ra? Elee ụdị eje-ihiẹn k'i mẹ ẹnyi ihiẹnni, gha alị Ijiptu wepụha ẹnyi!

Ọpụpụ 17:3

Kanị, ẹgụn mirin hụkwọ a gụn ndị hụ; wẹ nọ dusọnmẹ Mozizi e kpe, a sị, “Kịnị haịn i gi gha alị Ijiptu wepụha ẹnyi n'i gi ẹgụn mirin gbupụ ẹnyi lẹ ụmụ ẹnyi lẹ anụ ẹnyi?”

Ọpụpụ 2:23

Ọ nọbe, eze Ijiptu nọ nwụnhụn. Ndị Izrẹlụ nkẹ hụkwọ a sụn udẹn makẹ ọnọdị igbọn ahụn wẹ rị imẹ ẹ; wẹ nọ kwan ẹkwan. Ẹkwan hụ wẹ rị a kwan ebe wẹ rị a chọ eyemẹka nọ ru Osolobuẹ ntịn imẹ elu-igwee.

Ọpụpụ 5:21

Wẹ nọ sị Mozizi lẹ Ẹrọnụ “Osolobuẹ ya hụn ihiẹn ụnụ mẹ, gi ẹ hannị ẹnyi eṅẹn, makẹni ụnụ e segụọ ẹnyi ye oku Fẹro lẹ ihu ẹ; ụnụ e bugụọ ọpịa che wẹ ẹka nị wẹ gi gbu ẹnyi.”

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Jerimaya 42:14

a sị, ‘Mba, alị Ijiptu kẹ ẹnyi shikọ d'e biri. Agha akpọkọ ẹnyi ihun ebẹhụ, ẹnyi anụkọ opi-agha ndị-iṅẹnrẹn, ẹgụn egbukọ ẹnyi.’

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Ọgụngụn 11:15

Omẹni ẹnịna k'i k'e mẹ m, gbupụkwọ m nwan ozigbo. Omẹni ihiẹn m a sụọghọ ị, dodo anịlẹ m gi ẹnya m legha ụya sikọ d'e kunrunni m.”

Ọgụngụn 11:20

kaka — ụnụ k'e ri ẹ ọrọgbọ ifọn, ri ẹ d'e runi ọ ghama ụnụ imi pụha, d'e ru ni ọ gbụ ụnụ — ebe o mẹ ni ụnụ e lelịagụọ Osolobuẹ hụn rị imẹ igunrun ụnụ, a kwann'a ụya, a sị, ‘Kị ẹnyi ghanị nwan Ijiptu pụha?’ ”

Ọgụngụn 14:2

Ndị Izrẹlụ nọ kọrịamanị Mozizi lẹ Ẹrọnụ, igunrun ahụn ile hụ a sị wẹ, “O te ka mma nị ẹnyi nwụntọ imẹ alị Ijiptu mọbụ imẹ alị ọkpọ-nkụnnị!

Ọgụngụn 14:3

Kị Osolobuẹ wẹhẹdẹni ẹnyi nwan alịnị nị wẹ gi agha gbupụ ẹnyi — kịrị inyẹnmẹ ẹnyi lẹ ụmụ ẹnyi. Ọ kanị mma nị ẹnyi lakin alị Ijiptu?”

Ọgụngụn 16:13

Hụnnị ị gha alị Ijiptu mirin-ẹran lẹ mirin-ẹnwụn rị e hu wepụha ẹnyi d'a nwụntọ imẹ alị ọkpọ-nkụnnị eke hi? Ị chọ nwan n'ị kị ẹnyi che okpuru i?

Ọgụngụn 16:41

Eki e fọn ndị Izrẹlụ ile nọ dẹnnwịnwịnmanị Mozizi lẹ Ẹrọnụ, a sị, “Ụnụ e gbugụọ ndị nke Osolobuẹ.”

Ọgụngụn 21:5

wẹ nọ kọrịamanị Osolobuẹ lẹ Mozizi, sị, “Kị ụnụ ghanị Ijiptu wepụha ẹnyi d'a nwụntọ imẹ atụnị? Brẹdi arịa! Mirin arịa! Ndụn ihiẹn-oririni nwọnlẹni-isi a gụgụọ ẹnyi!”

Ọrụn Ndị-ozi 26:29

Pọlụ nọ shịarị, sị, “Ihiẹn m rị a rịọ Osolobuẹ wụ nị ẹlẹdẹ yụ sụọ, kanị, kẹ ịyụ kẹ ndị ọzọ ile rị e gọn m ntịn tannị rị kẹ mmẹ — wezụka ẹgan ndịnị wẹ kpọma m, k'o mẹ ẹgwa, k'o mẹni ẹgwa!”

Ndị Kọrẹntị Ibuzọ 4:8

Enwẹn ụnụ e jungụọ nwan ụnụ ẹfọ nụ! Ụnụ e higụọlẹ ọdanfịn nụ! Ụnụ e họnringụọlẹ nwan ndị-nze ọsụọn'a nị ụnụ ajụnị ẹnyi?! Euu, omẹni ụnụ te wụ ndị-nze nke-esi, kẹni ẹnyi sọn ụnụ kị!

Ndị Kọrẹntị Nke Ẹbụọ 11:1

K'ọ rị m ụnụ e din ndidin nị m zuzu ẹkẹrẹ. Dodo ni, nwọn ni ni m ndidin!

Ditrọnọmi 28:67

Ụtụntụn, ụnụ sị, “Ọhị mẹdẹ nwan n'ọ gba!” Ẹnyasị, ụnụ sị, “Eki mẹdẹ nwan n'o fọn!” makẹni uhue rị e hue ụnụ ọda, ihiẹn-egun ụnụ rị e gi ẹnya a hụn a karị ụnụ ẹka.

Ditrọnọmi 8:3

O gi ẹgụn welụa ụnụ isi alị, yemẹ ụnụ mana ri, ihiẹn ụnụ lẹ ndị nẹdi ụnụ marịnlẹni, kẹn'o gi ẹ kuzi ụnụ nị ẹlẹ ihiẹn-oriri sụọ kẹ ịhịan gi a rị ndụn kanị ihiẹn ile gha Osolobuẹ ọnụ pụha.

Joshụa 7:7

Joshụa nọ sị, “Euu, Di-nwọnni ẹnyi wụ Osolobuẹ, k'i weni ndịnị fetu Iyi-Jọdanị, bịa ebeni d'e we ẹnyi ye ndị Amọ gbu? Euu, k'o furu ẹnyi nị azụụn Iyi-Jọdanị hụn ẹbọ ahụn jun ẹnyi ẹfọ!!