Ọpụpụ 15:2 - Ika

² Osolobuẹ wụ ikẹn m lẹ ẹbụ m; ọ zụọpụhagụọ m. Chuku m rọ, m jẹnkọ nwan d'a ja a mma; Chuku hụn nẹdi m fe rọ, m k'e tuchan a.

Ọpụpụ 15:2 ပူးပေါင်းရင်းမြစ်များ

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Samuẹlụ Nke Ẹbụọ 22:3

Chuku wụ Okẹn-ọmụma m, hụn m'a gbaban; akpaịn m lẹ mpịn hụn a zụọpụhanị m. Ịya wụ ebe m nọ e nwọn nchedọn, ebe m'a gbaban lẹ onyẹ a zụọpụhanị m — ịyụ zụọpụha m ẹka ndị egbu-lẹ-egbu.

Samuẹlụ Nke Ẹbụọ 22:47

Osolobuẹ rị ndụn! Ịja-mma ya rịnị Ọmụma m gi e che ẹhụ! Ọghọ ya rịnị Chuku, Ọmụma, Onyẹ-nzụọpụha m!

Samuẹlụ Nke Ẹbụọ 22:51

O yesọnmẹ eze ọ họrị okẹn mmẹri; o nwọnsọnmẹ ihiẹn-ọsụsụọ onyẹ hụn o tumẹ hụn wụ Defidi, kẹ ya kẹ ụmụ a ile jẹnrin ejẹn.”

Samuẹlụ Nke Ẹbụọ 7:24

Y'e gichanrịngụọ ndị nke i wụ Izrẹlụ họnrin ndị nke i jẹnrin-ejẹn; ịyụ lẹ enwẹn i wụ Osolobuẹ a wụrụgụọ Chuku wẹ.

Samuẹlụ Nke Ẹbụọ 7:5

“Jẹn d'a gwa odibo m wụ Defidi, sị, ‘Ọnwan wụ ihiẹn Osolobuẹ ku: Ịyụ jẹnkọ nwan d'a tụnnị m ụlọ m k'e bi ra?

Ndị-nze Nke Ibuzọ 8:13

“A tụngụọnị m'ị nwan Ụlọ-nsọ nwọn ọghọ, ebe i k'e bi jẹnrin ejẹn.”

Ndị-nze Nke Ibuzọ 8:27

“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!

Ihiẹn Mẹni Nke Ibuzọ 16:14

Ịya wụ Osolobuẹ, Chuku ẹnyi; ịya a hannị ụwa ile eṅẹn.

Ẹbụ-ọma 109:1

Chuku hụn m'a ja mma, dodo, agbakwọlẹ nkịtịn!

Ẹbụ-ọma 118:14

Osolobuẹ wụ ikẹn m lẹ onyẹ m gi a bụ ẹbụ; ọ zụọpụhagụọ m nwan!

Ẹbụ-ọma 118:21

M rị a kpanmịn ị makẹni y'a zagụọ m, zụọpụha m.

Ẹbụ-ọma 118:28

Ịyụ wụ Chuku m, m k'a kpanmịn ị; Chuku m, m k'a ja ị mma.

Ẹbụ-ọma 132:5

d'e ru n'a hụn m ebe Osolobuẹ jẹnkọ d'a nọdị, ebe Dikẹn ebọn Jekọpụ sikọ d'e bi.”

Ẹbụ-ọma 140:7

Dodo Osolobuẹ-nwọnni-ẹnyi, Ikẹn hụn a zụọpụhanị m; Okpu-agha hụn e kpumẹ m isi ọgbọ-agha.

Ẹbụ-ọma 145:1

M k'a ja ị mma, Chuku m hụn wụ Eze; m k'a ja ẹfan ị mma jẹnrin ejẹn.

Ẹbụ-ọma 18:46

Osolobuẹ rị ndụn! Ọjịja-mma ya rịnị Ọmụma m gbọnni! Ọghọ ya rịnị Chuku ahụn a zụọpụhanị m;

Ẹbụ-ọma 22:10

Ịyụ rị e lepụ m ẹnya kẹ m rịdẹ ẹfọ nnẹ m; kete nnẹ m mụlẹ m, ịyụ wụ Chuku m.

Ẹbụ-ọma 22:3

Kanị ịyụ wụ Eze, Onyẹ hụn rị nsọ! Ịyụ kẹ ndị Izrẹlụ rị a ja mma;

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 28:8

Osolobuẹ wụ ikẹn ndị nke ẹ, Ụlọ-nche hụn a zụọpụha onyẹ hụ o tumẹ.

Ẹbụ-ọma 30:1

M k'a ja ị mma, Osolobuẹ, makẹni i dọpụha m imẹ mgbugbu, y'a nịnị ndị-iṅẹnrẹn m mụ m ẹmụ.

Ẹbụ-ọma 34:3

Sọn ni m ja Osolobuẹ mma; nị ẹnyi bushi ni ẹfan a elu.

Ẹbụ-ọma 48:14

Makẹni, Chukuni wụ Chuku ẹnyi jẹnrin ejẹn; ịya k'e duzikwọ ẹnyi jẹnrin ejẹn.

Ẹbụ-ọma 59:17

Euu Ikẹn m, m k'e gi ẹbụ ja ị mma, makẹni Chuku kẹ m gbọnni, Chuku hụn nwọn ihiẹn-ọsụsụọ m.

Ẹbụ-ọma 68:20

Chuku ẹnyi wụ Chuku hụn a zụọpụhanị; Osolobuẹ-nwọnni-ẹnyi e mẹ ịhịan a wanahịn ọnwụn.

Ẹbụ-ọma 99:5

Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

Ẹbụ-ọma 99:9

Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Ọpụpụ 4:22

Ogẹn hụ, y'a sị a, ‘Lee ihiẹn Osolobuẹ ku: Izrẹlụ wụ okẹnnyẹ ibuzọ m.’

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 25:1

Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 66:1

Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?

Jerimaya 3:23

Eziẹ, ụzụn ile ẹnyi a zụn ebe ẹnyi rị a rụa mmọn elu òke lẹ elu-ugu enwọn isi; ezioku, ẹka Osolobuẹ wụ Chuku ẹnyi sụọ kẹ nzụọpụha k'a gha bịanị Izrẹlụ.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:38

Wẹ k'a wụ ndị nke m, mmẹ nwẹn a wụrụ Chuku wẹ.

Habakọkụ 3:13

Ị nọ jẹnpụha d'a zụọpụha ndị nke i, d'a zụọpụha onyẹ hụn i tumẹ. Ị nọ gweriẹn onyẹ-isi eje alị hụ, napụchanrịn wẹ ikẹn wẹ. Sẹla

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Luku 2:30

makẹni e gigụọ m ẹnya m hụn nzụọpụha ị,

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.

Jọnụ 5:23

kẹni ịhịan ile gbaye Nwa a kẹ wẹ dọn a gbaye Chuku-Nẹdi. Onyẹ gbayelẹni Nwa a agbayeni Chuku-Nẹdi zihẹn'ẹ.

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ndị Kọrẹntị Nke Ẹbụọ 5:19

Ya wụ nị Osolobuẹ rị imẹ Kraịstị e dọnzi ẹgbata ya lẹ ụwa, ara gizi njọ wẹ e sọn wẹ, o we ozi idọnzi-ẹgbata ahụn che ẹnyi ẹka zisọnmẹ.

Ndị Ẹfẹsọsụ 2:22

Hụnnị ụnụ rị imẹ Kraịstị, ụnụ nwẹn rịzị nwan ndị Osolobuẹ rị a tụn kẹ ụlọ, nị ụnụ wụrụ ebe Osolobuẹ e bi ghahanị Mmọn-nsọ a.

Ditrọnọmi 10:21

Ịya kẹ ụnụ k'a gha a ja mma; ịya wụ Chuku ụnụ — Onyẹ hụn rụn okẹn ọrụn atụmẹnya ndị ahụn a tụ egun ụnụ gi ẹnya ụnụ hụn.

Ndị Filipi 2:11

ọnụ ile k'e kurịrị a nị Jesu Kristi wụ Onyẹ nwọn ihiẹn ile, ọghọ e gi ẹ bịanị Chuku-Nẹdi.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Ndị Kolosị 2:9

Kanị, ihiẹn ile Osolobuẹ gi wụrụ Osolobuẹ zu oke ẹhụ Kraịstị.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 19:1

Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,

Ndị Han Eṅẹn 5:21

Iyi Kishọnụ e huruzighọ ndị o huru, Iyi Kishọnụ, iyi ẹdẹi ahụn! Umẹ-ndụn m, nje nwan; atụlẹ egun!