Ọpụpụ 13:9 - Ika

⁹ Ọdịnalịnị jẹnkọ d'a nọ kẹ ahịma rị ị ẹka lẹ ihiẹn-nnyanhan rị ị ezimezi ihun, kẹni Iwu Osolobuẹ rịsọnmẹ i ọnụ ogẹn ile, makẹni Osolobuẹ gi ikẹn hi-ogbe wepụha ụnụ imẹ alị Ijiptu.

Ọpụpụ 13:9 ပူးပေါင်းရင်းမြစ်များ

Nehemiah 1:10

“Idibo i lẹ ndị nke i kẹ ndị Izrẹlụ wụ, ndị hụn i gi ikẹn i hi ogbe lẹ ẹka ị ahụn zeni gbapụha.

Ẹbụ-ọma 136:11

Ọ gha imẹ Ijiptu wepụha Izrẹlụ; ihiẹn-ọsụsụọ a rị jẹnrin ejẹn.

Ẹbụ-ọma 136:12

Ẹka zeni lẹ ẹka o gi a kpa ikẹn k'o gi mẹ ẹ; ihiẹn-ọsụsụọ a rị jẹnrin ejẹn.

Ẹbụ-ọma 89:13

Ẹka ị ze eze; ẹka ị ze eze, ẹka-nni i hụ a kpa ikẹn!

Ọpụpụ 12:14

“Ụnụ k'a gha a nyanhan ụhụọhịnnị; e gi n'ẹ e mẹni Osolobuẹ mmẹmmẹ agbọ ụnụ ile lalanị. Iwu ụnụ jẹnkọ d'e dọnmẹ jẹnrin ejẹn rọ.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 13:16

Ọdịnalịnị jẹnkọ d'a wụ ahịma ụnụ yi ẹka lẹ ihiẹn i kẹnmẹye ezimezi ihun, hụn y'e gi a nyanhan nị Osolobuẹ gi ikẹn ẹ hi-ogbe wepụha ẹnyi alị Ijiptu.”

Ọpụpụ 13:3

Mozizi nọ sị ndị Izrẹlụ, “A nyanhan nị ụhụọhịnnị: ụhụọhịn ụnụ gha alị Ijiptu pụha, ụlọ ahụn ụnụ nọ wụ igbọn, makẹni Osolobuẹ gi ikẹn hi-ogbe wepụha ụnụ. Erikwọlẹ ni ihiẹn ọwụlẹ wẹ gi yisti shi.

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 7:4

o gọnkọ ụnụ ntịn. Ogẹn hụ kẹ m'e gi mẹ alị Ijiptu ihiẹn, yesọnmẹ wẹ ezigbo afụnfụn, gi e wepụha itu-agha m ile, ndị nke m ndị Izrẹlụ.

Itẹn 1:9

wẹ k'a wụrụn'ị ihiẹn wẹ gi tu i ugọn lẹ ihiẹn-olu wẹ gi chọ ị mma.

Itẹn 3:21

Nwa m, anịkwọlẹ ihiẹn ndịnị nahịn ị; kwọnkẹnmẹ amamihiẹn lẹ igi ezigbo uche e mẹ ihiẹn.

Itẹn 7:23

d'e runi a gba w'a ụta zupu ẹ imegi — ọ nọ kẹ nnụnụ zụnbankọ ọnyan, bụ ọ marịn ni isi ẹ k'a tọ a.

Ẹbụ Solomọnụ 8:6

Bi m ye akpobi i nọkẹ ihiẹn ahịma; bi m kẹ ahịma ye ẹka ị; makẹni ihiẹn-ọsụsụọ zehan kẹ ọnwụn, ẹnya-ụfụ di mọbụ nwunyẹ nọ kẹ ọnwụn ghalẹni a nụ dodo, ọ dụn kẹ ọkụn rị e nwunni, nọkẹ okẹn ọkụn.

Azaya 27:1

O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 40:10

Lee n'ẹ, Di-nwọnni-ẹnyi wụ Osolobuẹ gi ikẹn ẹ lala, ọ kpala ikẹn. Lee n'ẹ, o gi ihiẹn ọ rụnpụha lala, ihiẹn ọ rụn sọnla a.

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Azaya 49:16

Lee ẹ, e segụọ m'ị ye ọbẹka m ẹbụbụọ sechanrịn; mgbọn i aghanị m ẹnya pụ.

Azaya 51:9

Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Jerimaya 22:24

Osolobuẹ sị, “Ma isi m! Ọsụọn'a nị eze Juda wụ Jehoyakini nwa Jehoyakim wụ ọla rị m mkpịnsịn-ẹka ẹka-nni m hụn m gi e biye ẹka, m jẹnkọ nwan d'a gbụ ị tuhu.

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Ọgụngụn 15:39

Tasẹlụ ndịnị wẹ kẹ ụnụ k'a gha e lee kẹni ụnụ hụn ụzọ a nyanhan ihiẹn ile Osolobuẹ ku, nị ụnụ hụn ụzọ e mẹ wẹ, makẹ ụnụ gha a gbakịtọ m azụụn, mẹsọnmẹ ihiẹn rị ụnụ obi lẹ ihiẹn ndị hụ a la ụnụ ẹnya nọkẹ ndị ughẹrẹ.

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Ndị Rom 10:8

K'ọ sị ịhịan mẹ? Ọ sị, “Oku Osolobuẹ rị ụnụ nsue — ọ rịdẹ ụnụ ụgb'ọnụ, rị ụnụ obi.” Elee oku rọ? Oku okukweni ẹnyi rị e kusọnmẹ:

Ditrọnọmi 30:14

Mba; oku-Osolobuẹ rị ụnụ nsue ọda-ọda, ọ hụ ụnụ ọnụ lẹ obi, kẹni ụnụ hụn ụzọ mẹ ẹ.

Ditrọnọmi 5:15

Nyanhankwọ nị igbọn kẹ ụnụ te wụ imẹ alị Ijiptu, Osolobuẹ wụ Chuku ụnụ nọ gi ẹka a zeni lẹ ikẹn ọ kpa wepụha ụnụ. Ya haịn Osolobuẹ wụ Chuku ụnụ gi nwan sị ụnụ zu ikẹn Ụhụọhịn Ezumikẹn.

Ditrọnọmi 6:21

Sị a, “Ẹnyi te wụ igbọn Fẹro eze alị Ijiptu, Osolobuẹ nọ gi ikẹn hi-ogbe ọ kpa gha Ijiptu wepụha ẹnyi,

Ditrọnọmi 6:6

Bu ni iwu ndịnị m rị e ye ụnụ tannị che obi ụnụ.

Ditrọnọmi 6:8

Kẹn ni wẹ ye ẹka lẹ ezimezi ihun nị wẹ wụrụ ihiẹn a nyanhannị ụnụ.

Rẹvẹleshọnụ 18:8

Afụnfụn ile furun'ẹ k'e gi akpọhịn ohu bịachanrịn — kẹ ọnwụn, kẹ ihiẹn-ẹkwan, kẹ ụnwụn. Wẹ k'a kpọ a ọkụn. Ẹghẹẹ, makẹni Chuku-nwọnni-ẹnyi hụn rị e ye afụnfụn wụ dikẹn.”

Ndị Han Eṅẹn 2:12

A la wẹ Osolobuẹ tọ, Chuku ndị nẹdi wẹ, hụn gha alị Ijiptu wepụha wẹ. Wẹ nọ femẹ mmọn-lẹ-iyi, mmọn-lẹ-iyi ndị nọkunmẹni wẹ e fe, gi ẹ kpasu Osolobuẹ iwe,