Ọpụpụ 13:3 - Ika

³ Mozizi nọ sị ndị Izrẹlụ, “A nyanhan nị ụhụọhịnnị: ụhụọhịn ụnụ gha alị Ijiptu pụha, ụlọ ahụn ụnụ nọ wụ igbọn, makẹni Osolobuẹ gi ikẹn hi-ogbe wepụha ụnụ. Erikwọlẹ ni ihiẹn ọwụlẹ wẹ gi yisti shi.

Ọpụpụ 13:3 ပူးပေါင်းရင်းမြစ်များ

Jẹnẹsisi 15:16

O ru agbọ nke ẹnọ, a lụakinhẹn wẹ ebeni, makẹni njọ ndị Amọ, ndị alịnị, eke jun mkpu.”

Ndị-nze Nke Ibuzọ 8:42

makẹni wẹ k'a nụ okẹn Ẹfan ị lẹ ikẹn i lẹ ikẹn hụn ị kpasọnmẹ; ọ bịa ebeni, bu ihun zinmẹ Ụlọ-nsọnị, mẹ ekpere,

Ihiẹn Mẹni Nke Ibuzọ 16:12

Nyanhan nị ihiẹn ndị a tụ ẹnya o mẹ, ọrụn atụmẹnya a lẹ ihiẹn o gi hangbu ndị-iṅẹnrẹn ẹ eṅẹn.

Nehemiah 1:10

“Idibo i lẹ ndị nke i kẹ ndị Izrẹlụ wụ, ndị hụn i gi ikẹn i hi ogbe lẹ ẹka ị ahụn zeni gbapụha.

Nehemiah 9:10

Ị nọ rụnsọnmẹ ihiẹn bu ọda i gi ghọsị ẹka ị lẹ ọrụn atụmẹnya rị ichẹn-ichẹn, gi wẹ mẹshi Fẹro lẹ ndị-ọrụn a ile lẹ ndị alị hụ ile ikẹn, makẹni y'a marịnghọ nị uwẹ wụ ndị Ijiptu kpari ndị nẹdi ẹnyi wẹ ọda-ọda, gi ẹ mẹkarị enwẹn wẹ. Ị nọ gi ikẹn i kpa nwọnrin ẹfan d'e rukwọ tannị.

Ẹbụ-ọma 105:5

Nyanhankwọ nị ọrụn-atụmẹnya ọ rụn, ihiẹn ile o gi ghọsị ikẹn ẹ lẹ eṅẹn ile o gi ọnụ a han,

Ẹbụ-ọma 114:1

Ogẹn ndị Izrẹlụ gi gha alị Ijiptu pụha, ogẹn ụmụ Jekọpụ gi gha imẹ ndị ahụn pụha, ndị ahụn a sụ asụsụ ọzọ pụha,

Ẹbụ-ọma 136:11

Ọ gha imẹ Ijiptu wepụha Izrẹlụ; ihiẹn-ọsụsụọ a rị jẹnrin ejẹn.

Ẹbụ-ọma 136:12

Ẹka zeni lẹ ẹka o gi a kpa ikẹn k'o gi mẹ ẹ; ihiẹn-ọsụsụọ a rị jẹnrin ejẹn.

Ẹbụ-ọma 89:14

Imẹ ihiẹn rị mma lẹ imẹ ịhịan k'o furu wụ ikẹn ukpo-eze i; imẹ hụn run'i lẹ ịwụ onyẹ wẹ e gi dọn ẹnya a kwanị ị ụzọ.

Ọpụpụ 12:15

“Osolobuẹ nọ sị: Ụnụ jẹnkọ d'a gha e ri brẹdi nwọnlẹni yisti o gi a fụ akpọhịn ẹsa. O ru ụhụọhịn ibuzọ rịn'a, ụnụ e wepụ yisti rị iwe ụnụ, makẹni onyẹ ri ihiẹn ọwụlẹ yisti rị gha ụhụọhịn ibuzọ d'e ru nke ẹsa, e bepụ w'a imẹ igunrun ndị Izrẹlụ.

Ọpụpụ 12:17

“Mẹsọnmẹ ni Mmẹmmẹ brẹdi nwọnlẹni yisti o gi a fụ, makẹni ụhụọhịn hụ daị kẹ m gha alị Ijiptu wepụha ebọn ụnụ ile. Gi ni mmẹmmẹ ụnụ gi a nyanhan tannị họnrin iwu ụnụ k'e dọnmẹferi agbọ ụnụ ile lalanị.

Ọpụpụ 12:19

Yisti y'a rịkwọlẹ iwe ụnụ ọrọgbọ akpọhịn ẹsa hụ. Onyẹ ri ihiẹn ọwụlẹ yisti rị, e bepụ w'a imẹ igunrun ndị Izrẹlụ — kẹ nwa-di-alị rọ kẹ abịamabịa rọ.

Ọpụpụ 12:2

“Ifọnni m gi rị e wepụha ụnụ jẹnkọ a wụrụnị ụnụ ifọn ibuzọ imẹ ahụa.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 12:42

Makẹni Osolobuẹ che nche abalị uhinhin ahụn wepụha wẹ imẹ alị Ijiptu, ndị Izrẹlụ ile jẹnkọ d'a a gha e cheni Osolobuẹ nche abalị uhinhinni ahụa-ahụa jẹnrin ejẹn.

Ọpụpụ 12:8

Imẹ uhinhin ohu ahụn kẹ wẹ k'a hụnma anụ hụ, ri, ya lẹ ẹhụhụọ e lu ilu lẹ brẹdi yisti rịlẹni.

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 13:9

Ọdịnalịnị jẹnkọ d'a nọ kẹ ahịma rị ị ẹka lẹ ihiẹn-nnyanhan rị ị ezimezi ihun, kẹni Iwu Osolobuẹ rịsọnmẹ i ọnụ ogẹn ile, makẹni Osolobuẹ gi ikẹn hi-ogbe wepụha ụnụ imẹ alị Ijiptu.

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 20:8

“A nyanhan nị Ụhụọhịn Ezumikẹn kẹni ụnụ e dọnmẹ ẹ nsọ.

Ọpụpụ 23:15

“E mẹ ni Mmẹmmẹ Brẹdi Nwẹlẹni Yisti o gi a fụ; ri ni brẹdi wẹ gilẹni yisti mẹmẹ akpọhịn ẹsa, nọkẹ kẹ m dọn gwa ọnụ. Gi ni ogẹn ahụn wẹ tumẹn'ẹ imẹ ifọn ibuzọ wụ Abibu e mẹ ẹ, makẹni ogẹn ahụn kẹ ụnụ gi gha Ijiptu pụha. “Onyẹ ọwụlẹ agbakwọlẹ ẹka bịa ihun m.

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 34:18

“E mẹ ni Mmẹmmẹ brẹdi nwọnlẹni yisti o gi fụ. Ri ni brẹdi nwọnlẹni yisti akpọhịn ẹsa, kẹ m dọn gwa ụnụ. E mẹ n'ẹ ogẹn ahụn m kaye imẹ ọnwan Abibu, makẹni ọnwan ahụn kẹ ọnụ gi gha Ijiptu pụha.

Ọpụpụ 6:1

Ya kẹ Osolobuẹ nọ sị Mozizi “I jẹnkọ nwan d'a hụn ihiẹn m k'e mẹ Fẹro. M mẹgụọ a ihiẹn m k'e mẹ ẹ, o k'e gi ẹ hatu ndị nke m nị wẹ la; m mẹgụọ a ihiẹn m k'e mẹ ẹ, ọchụchụ k'o k'a chụdẹ wẹ alị a.”

Ọpụpụ 6:6

“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Ọpụpụ 7:4

o gọnkọ ụnụ ntịn. Ogẹn hụ kẹ m'e gi mẹ alị Ijiptu ihiẹn, yesọnmẹ wẹ ezigbo afụnfụn, gi e wepụha itu-agha m ile, ndị nke m ndị Izrẹlụ.

Jerimaya 34:13

“Osolobuẹ wụ Chuku Izrẹlụ sị: Mmẹ lẹ enwẹn m tini ndị nẹdi ụnụ kanị iwu ogẹn m gi gha alị Ijiptu wepụha wẹ, alị wẹ nọ wụ igbọn, sị wẹ,

Daniẹlụ 9:15

“Dodo nwan, Di-nwọnni-ẹnyi wụ Chuku ẹnyi, hụn gi ikẹn hi-ogbe gha Ijiptu wepụha ndị nke i, gi ẹ nwọnrin ẹfan d'e ru tannị, ẹnyi e mẹọlẹ njọ, ẹnyi e mẹọlẹ ihiẹn jọgbu enwẹn ẹ.

Matiu 10:12

Ụnụ bankọnị imẹ ụlọ hụ, kele ni wẹ, sị, ‘Ya rịnị ụnụ mma.’

Luku 22:19

Ya ọ nọ weri ogbe brẹdi, ọ kpanmịn Osolobuẹ, bebe ẹ, we ẹ ye wẹ, sị, “Ọnwan wụ ẹhụ m, hụn wẹ rị e gi ufiri ụnụ e ye. E mẹ ni ihiẹnni e gi a nyanhan m.”

Ndị Kọrẹntị Ibuzọ 11:24

ọ kpanmịngụ Osolobuẹ, ọ nọ bebe ẹ; ọ nọ sị, “Ọnwan wụ ẹhụ m wẹ gi ufiri ụnụ ye; e mẹ ni ihiẹnni e gi ẹ a nyanhan m.”

Ndị Kọrẹntị Ibuzọ 5:8

Ya wụ, nị ẹnyi gi nwan brẹdi yisti rịlẹni, hụn wụ ịshịapụ-ẹfọ lẹ ezioku, mẹ mmẹmmẹ hụ, ẹlẹ yisti akan hụn wụ iwe lẹ eje-obibi.

Ndị Ẹfẹsọsụ 1:19

ụnụ a ghọtazị ikẹn ahụn ka ikẹn ile hụn o gi a rụnnị ẹnyi ndị kwerini ọrụn, ikẹn hụ hi ogbe o gi e mẹ ihiẹn,

Ditrọnọmi 13:10

Magbu n'ẹ, makẹni o te chọ n'o mẹ i gbakitọ Osolobuẹ wụ Chuku ụnụ azụụn, Onyẹ hụn gha Ijiptu, alị ụnụ nọ wụ igbọn, wepụha ụnụ.

Ditrọnọmi 13:11

Ogẹn ahụn, Izrẹlụ ile k'a nụ a, egun a tụ wẹ; onwọnkọzị onyẹ rị imẹ ụnụ k'e mẹ eje-ihiẹn nọ ẹrịra.

Ditrọnọmi 13:5

Wẹ k'e gburịrị onyẹ-amụma ahụn mọbụ onyẹ ahụn nrọ a a bụn, makẹni ọ sị wẹ nupụ isi okpuru Osolobuẹ wụ Chuku ụnụ, Onyẹ hụn gha Ijiptu wepụha ụnụ, gha alị ụnụ nọ wụ igbọn gbarị ụnụ! Hụnyẹ a chọgụọ n'o wepụ ụnụ imẹ ihiẹn Osolobuẹ wụ Chuku ụnụ sị ụnụ mẹ. Ụnụ k'e wepụrịrị eje-ihiẹn ahụn imẹ igunrun ụnụ, wepụchanrịn.

Ditrọnọmi 13:6

Omẹdẹni nwẹnẹ ẹfọ ị mọbụ nwa ị okẹnnyẹ mọbụ nwa ị okpoho mọbụ nwunyẹ i hụn ihiẹn ẹ a sụọ ị mọbụ ọwụ ị kẹnkẹnkẹn e gi nzuzue rẹrẹ i, sị ị, “Nị ẹnyi jẹn d'e fe mmọn-lẹ-iyi”, ọ chọkọ n'o mẹ i fe mmọn-lẹ-iyi ndị o mẹ ni kẹ ịyụ kẹ ndị nẹdi i ghalẹni e fe,

Ditrọnọmi 15:15

Nyanhankwọ nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gbapụha ụnụ; ịya kẹ m gi rị e ye ụnụ iwuni tannị.

Ditrọnọmi 16:1

A nyanhan nị ifọn Abibu, e gi ẹ e mẹni Osolobuẹ wụ Chuku ụnụ Mmẹmmẹ-nghafe, makẹni ifọn Abibu k'o nọ gi abalị wepụha ụnụ imẹ alị Ijiptu.

Ditrọnọmi 16:12

Nyanhankwọ n'ị te wụ igbọn imẹ alị Ijiptu, dọnrin ẹnya sọnchanrịn iwu ndịnị.

Ditrọnọmi 16:3

Egikwọlẹ ni brẹdi yisti rị ri ẹ, ka ri ni brẹdi yisti rịlẹni, brẹdi ụya; rin'ẹ akp'ọhịn ẹsa, makẹni ọhụn ghọsị nị ụnụ rị a hụhụ ogẹn ụnụ gi gha alị Ijiptu pụ. E mẹn'ẹ nị ụnụ hụn ụzọ a nyanhan ogẹn ụnụ gi gha alị Ijiptu pụ, ụnụ e we nwụn.

Ditrọnọmi 24:18

Nyanhankwọnị nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gha ebẹhụ gbarị ụnụ. Ịya haịn m gi a sị ụnụ mẹ ihiẹnni.

Ditrọnọmi 24:22

Nyanhankwọ n'i te wụ igbọn imẹ alị Ijiptu. Ya haịn m gi a gwa ụnụ mẹ ihiẹnni.

Ditrọnọmi 26:8

Ya Osolobuẹ nọ gi ẹka zeni lẹ ikẹn ọ kpa wepụha ẹnyi imẹ Ijiptu hụ, wẹ lẹ okẹn ihiẹn-egun lẹ ọrụn-atụmẹnya ọ rụn hụn o gisọnmẹ ghọsị ikẹn ẹ lẹ ahụnlele ile o rụn.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 5:15

Nyanhankwọ nị igbọn kẹ ụnụ te wụ imẹ alị Ijiptu, Osolobuẹ wụ Chuku ụnụ nọ gi ẹka a zeni lẹ ikẹn ọ kpa wepụha ụnụ. Ya haịn Osolobuẹ wụ Chuku ụnụ gi nwan sị ụnụ zu ikẹn Ụhụọhịn Ezumikẹn.

Ditrọnọmi 5:6

“Mmẹ wụ Osolobuẹ, Chuku ụnụ hụn gha alị Ijiptu, alị ụnụ nọ wụ igbọn, wepụha ụnụ.

Ditrọnọmi 6:12

kpachanpụkwọ nị ẹnya makẹ ụnụ gha a zọ Osolobuẹ hụn gha alị Ijiptu, alị ahụn ụnụ nọ wụ igbọn, wepụha ụnụ.

Ditrọnọmi 6:21

Sị a, “Ẹnyi te wụ igbọn Fẹro eze alị Ijiptu, Osolobuẹ nọ gi ikẹn hi-ogbe ọ kpa gha Ijiptu wepụha ẹnyi,

Ditrọnọmi 7:8

Kanị, makẹni ụnụ rị Osolobuẹ obi lẹn'ọ chọ n'o mẹ ihiẹn o kun enwẹn ẹ kwe ndị nẹdi ụnụ kanị nkwa a haịn o gi gi ẹka-ikẹn wepụha ụnụ, gha imẹ alị ụnụ nọ wụ igbọn, ẹka Fẹro eze alị Ijiptu, gbarị ụnụ.

Ditrọnọmi 8:14

isi e bumẹ ụnụ, ụnụ a zọ Osolobuẹ wụ Chuku ụnụ, hụn gha Ijiptu, alị ụnụ nọ wụ igbọn, wepụha ụnụ.

Ditrọnọmi 9:12

Osolobuẹ nọ sị m, “Hidan ozigbo, nị ndị nke i hụn i gha Ijiptu wepụha a rụọlẹ. Ọ kẹrẹọlẹni wẹ latọ ihiẹn m sị wẹ mẹ, kpụrụ mmọn.”

Joshụa 24:17

Osolobuẹ wụ Chuku ẹnyi gha alị Ijiptu, alị ahụn ẹnyi nọ wụ igbọn, wepụha ẹnyi lẹ ndị nẹdi ẹnyi; ịya nọ idẹnya ẹnyi rụn ihiẹn ndị ahụn a tụ ẹnya ọda-ọda o gi ghọsịsọnmẹ ikẹn ẹ; ịya chemẹ ẹnyi ijẹn ahụn ile ẹnyi jẹn lẹ ẹka ndị rị alị ile ẹnyi ghasọnmẹ;

Ndị Han Eṅẹn 2:12

A la wẹ Osolobuẹ tọ, Chuku ndị nẹdi wẹ, hụn gha alị Ijiptu wepụha wẹ. Wẹ nọ femẹ mmọn-lẹ-iyi, mmọn-lẹ-iyi ndị nọkunmẹni wẹ e fe, gi ẹ kpasu Osolobuẹ iwe,

Ndị Han Eṅẹn 6:8

Osolobuẹ nọ zihẹni ndị Izrẹlụ onyẹ-amụma. Onyẹ-amụma hụ nọ sị wẹ, “Ọnwan wụ ihiẹn Osolobuẹ, Chuku Izrẹlụ, ku, ọ sị: Mmẹ gha alị Ijiptu, alị hụ ụnụ nọ wụ igbọn, wepụha ụnụ.