Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ọpụpụ 12:3 - Ika

3 Gwa ndị ebọn Izrẹlụ ile nị nke akpọhịn iri imẹ ifọnni, okẹnnyẹ ọwụlẹ jẹnkọ d'a họtọnị ezi-lẹ-ụlọ a anụ wẹ sikọ d'e gbu; ezi-lẹ-ụlọ ọwụlẹ jẹnkọ d'a họtọsọnmẹ anụ ohu-ohu.

အခန်းကိုကြည့်ပါ။ ကော်ပီ




Ọpụpụ 12:3
26 ပူးပေါင်းရင်းမြစ်များ  

Ya Ebraham nọ sị a, “Nwa m, Chuku k'e gi ẹka a wepụha atụnrụn ahụn wẹ k'e gi chụnyen'ẹ ẹjan w'a dụn ọkụn.” Ya wẹ nọ jẹnsọnmẹ.


Ebẹlụ nkẹ nọ gha imẹ ụmụ ibuzọ igunrun atụnrụn a mụ họrịsọnmẹ ndị kachanrịn e tutu, yezikwọ Osolobuẹ. Ya Osolobuẹ nọ nabanhan Ebẹlụ lẹ ihiẹn o ye.


Josaya ye ndị mmaka ile rị ebẹhụ atụnrụn lẹ ewu nnụ-uku iri-kwasị-ọgụn (30,000) kẹni wẹ gi ye oyiye Nghafe cheni efin nnụ-uku ẹtọ (3,000). Ẹka eze kẹ ihiẹn ndịnị ile gha pụha.


“Ifọnni m gi rị e wepụha ụnụ jẹnkọ a wụrụnị ụnụ ifọn ibuzọ imẹ ahụa.


Ya kẹ Mozizi nọ kpọgbama ndị-isi Izrẹlụ ile, sị wẹ, “Jẹnmẹ ni ozigbo d'a họrịsọnmẹni ezi-lẹ-ụlọ ụnụ anụ gbu nị ụnụ gi mẹ mmẹmmẹ Nghafe.


Ikpụlọ ọwụlẹ hụn o mẹni ndị rịn'a as'ẹka richanrịn anụ ohu, wẹ lẹ ezi-lẹ-ụlọ ọzọ nọkunmẹni wẹ k'a kịgbamarịrị keri anụ ohu, wẹ marịngụ mmadụ ole jẹnkọ d'e rin'ẹ lẹ hụn onyẹ-onyẹ k'a s'ẹka ri.


Lepụ anụ hụ ẹnya d'e ru nke akpọhịn mmẹnọ imẹ ifọn hụ, ogẹn ụnụ ndị Izrẹlụ ile k'e e gi gbu wẹ ebe ọhị nọ gbama ṅẹnrẹn-ṅẹnrẹn.


Ya kẹ Osolobuẹ nọ sị Mozizi, “Kị rị a kwanghọsịnị m? Sị ndị Izrẹlụ jẹnshi ihun.


sị, Mozizi, “Dodo, gi ọnụ ị gwa ẹnyi oku, nị ẹnyi gọnghọ ntịn. Osolobuẹ ya dodo egilẹ ọnụ a gwa ẹnyi oku, amamgbe ẹnyi a nwụnhụn!”


Ẹrọnụ nọ gwachanrịn wẹ ihiẹn ile Osolobuẹ gwa Mozizi. Ya Mozizi nọ rụn ọrụn atụmẹnya ndị hụ idẹnya ndị Izrẹlụ,


“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.


Ahụa nke isẹn kwasị ọgụn wẹ kpụnhan ẹnyi Babilọnụ, Osolobuẹ mẹtụ m ẹka, we m shi Jerusalẹm imẹ ọhụn. Nke akpọhịn iri daị imẹ ifọn ibuzọ kẹ ihiẹnni mẹ. Ahụa hụ mẹzi ẹ ahụa mmẹnọ wẹ tikpọ Jerusalẹm.


“Gwa ndị Izrẹlụ oku, sị wẹ: onyẹ ọwụlẹ imẹ ụnụ hụn welanị Osolobuẹ oyiye ya wẹhẹ efin mọbụ ewu mọbụ atụnrụn.


o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.


Ẹrịra kẹ w'e dọn e mẹ efin mọbụ ebulu lẹ nwa-atụnrụn mọbụ nwa-ewu ọwụlẹ.


Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!


Jọnụ hụ e lee Jesu ebe ọ ghafekọ, ya ọ nọ sị, “Lẹhụ Nwa-ebulu Osolobuẹ!”


Ọ họdụ akpọhịn isin nị wẹ mẹ Mmẹmmẹ-nghafe, Jizọsị nọ jẹn Bẹtani, ebe Lazarọsụ hụn ọ gha ọnwụn weli bi.


Ogẹn eki gi fọn, igunrun ahụn bịa Mmẹmmẹ-nghafe a nụ nị Jesu lala Jerusalẹm,


Wepụ nị nwan yisti akan, kẹni ụnụ wụrụ ogbe brẹdi ọhụn yisti rịlẹni, hụn ụnụ wụ nke-esi. Makẹni e gbugụọ wẹ Kraịstị wụ Ebulu-nghafe ẹnyi, gi ẹ chụn ẹjan Mmẹmmẹ-nghafe.


“O ru nwan ụzụtụntụn ụnụ k'a pụhama ebọn, ebọn. Ebọn Osolobuẹ nwụndọn, ikpụlọ ndị rịn'a a pụhama ohu-ohu; ikpụlọ Osolobuẹ nwụndọn, ezi-lẹ-ụlọ ndị rịn'a a pụhama ohu-ohu; ezi-lẹ-ụlọ Osolobuẹ nwụndọn ndị rịn'a a pụhama ohu-ohu.


Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.


Ya Samuẹlụ nọ weri atụnrụn kelẹni ha ẹran, gi ẹ chụnyeni Osolobuẹ ẹjan w'a dụn ọkụn. Ọ nọ kpọkuni Izrẹlụ Osolobuẹ, Osolobuẹ nọ za a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ