Ọpụpụ 12:2 - Ika

² “Ifọnni m gi rị e wepụha ụnụ jẹnkọ a wụrụnị ụnụ ifọn ibuzọ imẹ ahụa.

Ọpụpụ 12:2 ပူးပေါင်းရင်းမြစ်များ

Ẹsta 3:7

Imẹ ahụa nke mmẹbụọ eze wụ Ahazẹrusu kịma, imẹ ifọn nke ibuzọ hụ wụ ọnwan Nisanị, wẹ nọ gi Puri hụn wụ ịtụ-mkpọ gi uri-uri họye Hamanị ụhụọhịn lẹ ifọn o k'e gi mẹ ihiẹn o romẹni ndị Ju. Mkpọ wẹ tụ hanrịn ụhụọhịn nke mmẹtọ imẹ ifọn nke mmẹbụọ, ọnwan Ada.

Ọpụpụ 12:1

Ya kẹ Osolobuẹ nọ nọ imẹ alị Ijiptu ebẹhụ sị Mozizi lẹ Ẹrọnụ,

Ọpụpụ 12:18

Ifọn ibuzọnị, ụnụ jẹnkọ d'e risọnmẹ brẹdi nwọnlẹni yisti o gi a fụ, gha ẹnyasị nke akpọhịn mmẹnọ rịn'a d'e ru ẹnyasị nke akpọhịn ohu kwasị ọgụn rịn'a.

Ọpụpụ 12:3

Gwa ndị ebọn Izrẹlụ ile nị nke akpọhịn iri imẹ ifọnni, okẹnnyẹ ọwụlẹ jẹnkọ d'a họtọnị ezi-lẹ-ụlọ a anụ wẹ sikọ d'e gbu; ezi-lẹ-ụlọ ọwụlẹ jẹnkọ d'a họtọsọnmẹ anụ ohu-ohu.

Ọpụpụ 13:3

Mozizi nọ sị ndị Izrẹlụ, “A nyanhan nị ụhụọhịnnị: ụhụọhịn ụnụ gha alị Ijiptu pụha, ụlọ ahụn ụnụ nọ wụ igbọn, makẹni Osolobuẹ gi ikẹn hi-ogbe wepụha ụnụ. Erikwọlẹ ni ihiẹn ọwụlẹ wẹ gi yisti shi.

Ọpụpụ 13:4

Tannị, imẹ ọnwan Abibu, kẹ ụnụ pụkọ Ijiptu.

Ọpụpụ 23:15

“E mẹ ni Mmẹmmẹ Brẹdi Nwẹlẹni Yisti o gi a fụ; ri ni brẹdi wẹ gilẹni yisti mẹmẹ akpọhịn ẹsa, nọkẹ kẹ m dọn gwa ọnụ. Gi ni ogẹn ahụn wẹ tumẹn'ẹ imẹ ifọn ibuzọ wụ Abibu e mẹ ẹ, makẹni ogẹn ahụn kẹ ụnụ gi gha Ijiptu pụha. “Onyẹ ọwụlẹ agbakwọlẹ ẹka bịa ihun m.

Ọpụpụ 34:18

“E mẹ ni Mmẹmmẹ brẹdi nwọnlẹni yisti o gi fụ. Ri ni brẹdi nwọnlẹni yisti akpọhịn ẹsa, kẹ m dọn gwa ụnụ. E mẹ n'ẹ ogẹn ahụn m kaye imẹ ọnwan Abibu, makẹni ọnwan ahụn kẹ ọnụ gi gha Ijiptu pụha.

Ọpụpụ 40:17

Ụhụọhịn ibuzọ imẹ ifọn ibuzọ ahụa nke ẹbụọ kẹ wẹ tumẹ Ọdụ-nsọ hụ.

Izikẹlụ 45:18

“ ‘Osolobuẹ Nwọn Ihiẹn Ile sị: Ụhụọhịn ibuzọ imẹ ifọn ibuzọ, i sikọ d'e weri nwa okẹn-efin ẹhụ a zu oke, gi jụ Ụlọ-nsọ gi ẹ wepụ a ụrụ.

Izikẹlụ 45:21

“ ‘Nke akpọhịn mmẹnọ imẹ ifọn ibuzọ, ụnụ k'e mẹ Mmẹmmẹ-nghafe, ọrọgbọ izuka kẹ ụnụ e gi ri brẹdi yisti rịlẹni.

Lẹvitikọsụ 23:5

“Ọhị gbama ẹkẹrẹ-ẹkẹrẹ nke akp'ọhịn mmẹnọ imẹ ifọn ibuzọ Mmẹmmẹ Nghafe Osolobuẹ e bidọn.

Ọgụngụn 28:16

“Ifọn ibuzọ rị akpọhịn mmẹnọ wụ Mmẹmmẹ-nghafe Osolobuẹ.

Ditrọnọmi 16:1

A nyanhan nị ifọn Abibu, e gi ẹ e mẹni Osolobuẹ wụ Chuku ụnụ Mmẹmmẹ-nghafe, makẹni ifọn Abibu k'o nọ gi abalị wepụha ụnụ imẹ alị Ijiptu.