Ọpụpụ 11:8 - Ika

⁸ Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị.

Ọpụpụ 11:8 ပူးပေါင်းရင်းမြစ်များ

Ndị-nze Nke Ibuzọ 20:10

Bẹn-Hadadị nọ zi ozi ọzọ jẹnni Ehabụ, sị, “Mmọn ndị ẹnyi e fe wẹ mẹ m ihiẹn, mẹshi m'ẹ ikẹn, omẹni a nịdẹ m ẹjan k'e junsọnmẹ onyẹ-onyẹ imẹ ndị-agha m ọb'ẹka ohu họdụ imẹ Sameria.”

Ndị-nze Nke Ẹbụọ 3:9

Ya eze Izrẹlụ ẹbamịn-ugu nọ buli, ya lẹ eze Juda lẹ eze Ẹdọm. A ghapụ wẹ ụzọ hụn tegbu enwẹn ẹ rị imẹ alị ọkpọ-nkụn ọrọgbọ akpọhịn ẹsa, mirin wẹ nọ gụ, ahụnzịnị wẹ kẹ hụn ndị-agha k'a ra kẹ hụn anụ wẹ k'a ra.

Nehemiah 5:6

Iwe we m ọda-ọda ogẹn m gi nụ ẹkwan wẹ lẹ ihiẹn wẹ rị e kin.

Ẹbụ-ọma 6:1

Euu Osolobuẹ, egikwọlẹ olulu i jụgbọ m mọbụ gi ọnụma ị fịan m mkpịnsịn!

Ọpụpụ 10:29

Mozizi nọ sị, “Y'e gigụọ ọnụ ị ku ẹ, y'a hụnkọzị m ebeni.”

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Daniẹlụ 3:19

Ya kẹ Nebukadineza nọ gi okẹn olulu sọn Shẹdrakị, Mishakị lẹ Abẹdnego, ihun asụọzịn'a ẹmụ kaka. Ọ nọ sị wẹ kpọyekẹnmẹ ọkụn hụ, n'ọ nụkarị k'o dọn rị a nụ mbụ ụzọ ẹsa.

Ọgụngụn 12:3

(Okẹnnyẹ hụ wụ Mozizi e welụakẹnmẹkẹ enwẹn ẹ alị; ịya kachanrịn ịhịan ile rị elu ụwa enwẹn ẹ alị e welụa.)

Makị 3:5

Jizọsị nọ gi iwe lehunmẹ wẹ, makẹni ọ fụka a nị obi wẹ e zekẹ. Ya ọ nọ sị okẹnnyẹ hụ, “Tịnpụ ẹka ị.” Ọ tịnpụ a, ẹka a nọ rị mma.

Ditrọnọmi 29:24

Ndị alị ile rị ụwa k'a rị a jụ, “Kị Osolobuẹ mẹni alịnị ihiẹnni?! Kị buhẹ okẹn-ọnụmanị a dụn kẹ ọkụn?!”

Ditrọnọmi 32:24

M k'e zihẹni wẹ eje-ụnwụn hụn e wiwi ihiẹn, emu e rikpọ ịhịan ẹhụ lẹ eje-emu e gbuni. M k'e zijẹnni wẹ eje-anụ eze tụ nkọ, agwọ nwọnsọnmẹ eje-ẹdide.

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Ndị Han Eṅẹn 4:10

E ru w'ẹ, Barakị nọ kpọkikomẹ ebọn Zẹbulọnụ lẹ Naf'tali imẹ Kẹdẹshi, ikẹnnyẹ nnụ-uku iri (10,000) nọ sọnmẹ ẹ. Debọra nkẹ sọnzikwọ a.

Ndị Han Eṅẹn 8:5

Ya Gidiọnụ nọ sị ndị obodo Sukọtụ, “Dodo ni, ye ni ndị-agha m brẹdi ri, nị ndụn a gụgụọ wẹ, bụ echẹn kẹ m chụkọ Zẹba lẹ Zal'muna, ndị-nze Midianị.”