Ọpụpụ 10:2 - Ika

² kẹni ụnụ saẹka gwa ụmụ ụnụ lẹ ụmụ-ụmụ ụnụ kẹ m dọn gi ndị Ijiptu gu egu lẹ kẹ m dọn rụn ọrụn atụmẹnya ndịnị m gi ghọsị wẹ ikẹn m — kẹni ụnụ marịn nị m wụ Osolobuẹ.”

Ọpụpụ 10:2 ပူးပေါင်းရင်းမြစ်များ

Samuẹlụ Nke Ẹbụọ 7:22

“Euu Osolobuẹ nwọn ihiẹn ile, y'e hikẹkwọ ogbe-o! Onwọnni onyẹ rịkẹ ịyụ; ịyụ sụọ wụ Chuku — kẹ ẹnyi dọn gi ntịn ẹnyi nụ.

Ẹbụ-ọma 44:1

Chuku, ẹnyi e gigụọ ntịn nụ a; ndị nẹdi ẹnyi wẹ a gwagụọ ẹnyi ihiẹn i mẹ ogẹn wẹ mbụ-mbụ:

Ẹbụ-ọma 44:2

kẹ ị dọn gi ẹka ị chụpụ ndị alị ichẹn-ichẹn, gbọ wẹ nwẹn ye; k'i dọn mẹshi alị ndị ahụn ikẹn, mẹ n'ọ rịnị Izrẹlụ mma.

Ẹbụ-ọma 58:11

Onyẹ ọwụlẹ k'a sị, “Ezioku, onyẹ ezi-omumẹ nwọn ụgwọ-ọrụn; Chuku hụn a han ezigbo eṅẹn elu-ụwa rị arị.”

Ẹbụ-ọma 71:18

M kagụdẹ ẹgẹdi, pugụ ẹwọ, Chuku dodo, alakwọlẹ m tọ d'e ru mgbe m gwagụ agbọ lalanị oku ikẹn i, gwagụ ndị lalanị nị y'e hikẹ ogbe.

Ẹbụ-ọma 78:3

ihiẹn ẹnyi gi ntịn nụ, ihiẹn ẹnyi ile marịn, ihiẹn ndị nẹdi ẹnyi gwa ẹnyi.

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 14:18

Ndị Ijiptu jẹnkọ d'a marịn nị mmẹ wụ Osolobuẹ ogẹn m k'e gi gi eze wụ Fẹro lẹ ụgbọ-anyịnyan a lẹ ndị-agha a bu ẹshin nwọnrin ọghọ.”

Ọpụpụ 14:4

M jẹnkọ d'a kpọkin Fẹro obi; o k'a chụma ndị Izrẹlụ. M k'e gi kẹ Fẹro kẹ ndị-agha a nwọnrin ọghọ, ndị Ijiptu e gi ẹ marịn nị m wụ Osolobuẹ.” Ya ndị Izrẹlụ nọ mẹ ihiẹnni Osolobuẹ gwa wẹ.

Ọpụpụ 7:17

Osolobuẹ rị nwan a sị ị, “M jẹnkọ nwan d'a ghọsị ị nị m wụ Osolobuẹ: Lee ẹ, m jẹnkọ d'e gi ọkpọnị rị m ẹka fịan mirin Naịlịnị, mirin ẹ e họnrin ẹdeke.

Ọpụpụ 7:5

Ogẹn hụ kẹ ndị Ijiptu e gi marịn nị m wụ Osolobuẹ — ogẹn m k'e gi mẹshi wẹ ikẹn, gha imẹ alị Ijiptu wepụha ndị Izrẹlụ.”

Ọpụpụ 8:6

Ya kẹ Ẹrọnụ nọ tịnpụ ẹka zinmẹ mirin rị alị Ijiptu, ẹwọ ndị ahụn nọ pụha, jun alị hụ.

Azaya 38:19

Ndị rị ndụn — ndị rị ndụn sụọ a ja ị mma — kẹ m dọn rị a ja ị mma tannị; nẹdi a gwa ụmụ a k'i mẹhan onyẹ wẹ gi e dọn ẹnya.

Izikẹlụ 20:26

e mẹ m wẹ gi oyiye ndị hụ wẹ rị e ye mmọn rụ — ẹjan ndị hụ wẹ gi nwa-ibuzọ wẹ a chụn, kẹni ize enwẹn wẹ ban wẹ, e gi w'ẹ marịn nị mmẹ wụ Osolobuẹ.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Juwẹlụ 1:3

Gwa nị ụmụ ụnụ ihiẹnni, wẹ nwẹn a gwa ụmụ wẹ, ụmụ wẹ a gwazị ndị sọnni we —

Ndị Ẹfẹsọsụ 6:4

Nẹdi lẹ nnẹ, atọlẹ ni akpasu ụmụ ụnụ iwe, ka e gi ni ọzụnzụn lẹ nkuzi Di-nwọnni-ẹnyi a zụn wẹ.

Ditrọnọmi 4:9

Ka we ni ẹnya ru alị! Kpachanpụ ẹnya: hụn a nị y'a zọnị ihiẹn ndị ahụn ẹnya ị hụn mọbụ nị wẹ gha ị obi pụ y'e we bigụ. Kuzi ụmụ ị lẹ ụmụ-oyẹ i ya.