Ọpụpụ 1:7 - Ika

⁷ Kanị ụmụ wẹ, ndị Izrẹlụ, hụ a mụ ọmụmụ-ọmụmụ, a ba ụba, barahị, alị hụ nọ mẹ wẹ wẹ.

Ọpụpụ 1:7 ပူးပေါင်းရင်းမြစ်များ

Jẹnẹsisi 1:20

Chuku nọzị sị, “Ihiẹn rị ichẹn-ichẹn rị ndụn ya jun imẹ mirin; nnụnụ ya junzikwọ elu, e fehunmẹ.”

Jẹnẹsisi 1:28

Chuku nọ gọzi wẹ: ọ sị wẹ, “Mụ nị ụmụ; mụba nị; jun ni elu-ụwa, ụnụ e bu elu-ụwa che okpuru ụnụ. We ni azụn rị imẹ mirin lẹ nnụnụ rị elu lẹ ihiẹn ile rị ndụn a kpa elu-ụwa che okpuru ụnụ.”

Jẹnẹsisi 12:2

M k'e gi i mẹmẹ okẹn alị; m k'a gọzi i; m k'e mẹ wẹ nụ ẹfan ị — kẹni ị wụrụ ngọzi.

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Jẹnẹsisi 15:5

Ọ nọ wepụha Ebram ihun-ezi, sị a, “Lee ẹnya elu-igwere, n'ị hụn ụzọ gụn kokisẹ ndị rị elu omẹni n'ị sa ẹka gụn wẹ.” Ọ nọzị sị a, “Ẹrịra kẹ ụmụ ị k'e bu ọda.”

Jẹnẹsisi 17:16

M k'a gọzi ẹ; m k'a gha ẹka a ye i okẹnnyẹ. Ẹghẹẹ, m k'a gọzi ẹ; alị ichẹn-ichẹn k'a gha ẹfọ a pụha; ndị-nze alị ichẹn-ichẹn k'a gha ẹfọ a pụha.”

Jẹnẹsisi 22:17

m k'a gọzi i ọhụnma-ọhụnma, mẹ ụmụ ị bu ọda nọkẹ kokisẹ rị elu-igwere lẹ ẹjan rị mkpẹnrẹn ohimin; ụmụ ị k'e mẹri ndị-iṅẹnrẹn wẹ, kị wẹ;

Jẹnẹsisi 26:22

Ọ nọ gha ebahụn kwarị. O guzi ọmị, kanị eduzini wẹ ẹ nwan zụọ hụnnị; ọ nọ nwan kpọ a “Rẹhobọtụ”, ya ọ nị sị, “Echẹn kẹ Osolobuẹ mẹ wẹ yeni ẹnyi efe; ebeni kẹ ẹnyi a nọ ban ihiẹn.”

Jẹnẹsisi 26:4

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ —

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Jẹnẹsisi 35:11

Chuku nọ sị a, “Mmẹ wụ Chuku Hụn nwọn ikẹn ile; mụba; alị k'a gha ẹhụ ị pụha — alị hụn nwọnsọnmẹ alị ichẹn-ichẹn; ndị-nze k'a gha ẹhụ ị pụha.

Jẹnẹsisi 46:3

Ya Osolobuẹ nọ sị a, “Mmẹ wụ Chuku, Chuku hụn nẹdi i fe. Atụlẹ egun n'i jẹnkọ alị Ijiptu, makẹni m k'e gi i họnrin okẹn alị hi-ogbe ebẹhụ.

Jẹnẹsisi 47:27

Ndị Izrẹlụ e birigụọ nwan alị Ijiptu, imẹ Goshẹni, e nwọnrin alị ebẹhụ, a mụ mmụ ọda-ọda, a barahị.

Jẹnẹsisi 48:16

‘Mmọn-ozi’ ahụn gbapụha m imẹ eje-ihiẹn ile, ya gọzi ụmụ-ẹkanị. Wẹ za ẹfan m lẹ ẹfan ndị nẹdi m wụ Ebraham lẹ Aziki. Wẹ ba ụba ọda-ọda elu-ụwanị.”

Jẹnẹsisi 48:4

Ọ sị m, ‘Lee ẹnya, m k'e mẹ i mụba, ba ụba ọda-ọda; m k'e gi i họnrin alị hụn nwọn alị ichẹn-ichẹn; m k'e we alịnị ye ụmụ ị n'ọ wụrụ nke wẹ jẹnrin-ejẹn.’

Jẹnẹsisi 9:1

Osolobuẹ nọ gọzi Nụa lẹ ụmụ a, sị wẹ, “Mụ nị ụmụ; ba nị ụba; jun ni ụwa.

Nehemiah 9:23

“Ị nọ mẹ ụmụ wẹ ba ụba, e bu wẹ ọda nọkẹ kokisẹ rị elu-igwere, wẹhẹ wẹ imẹ alị hụn ị gwa ndị mụnị wẹ banye d'e weri.

Ẹbụ-ọma 105:24

Osolobuẹ nọ mẹ ndị nke ẹ mụba ọda-ọda, mẹ wẹ karị ndị-iṅẹnrẹn wẹ ọda;

Ẹbụ-ọma 107:38

Ọ gọzi wẹ, a mụba wẹ; ọ nịnị igwe efin wẹ belụa.

Ọpụpụ 1:12

Kanị, kẹ wẹ dọn rị a bịangbu ndị Izrẹlụ kẹ ndị Izrẹlụ dọn rị a bawaye, a shịshịapụ; egun ndị Izrẹlụ nọ tụma ndị Ijiptu.

Ọpụpụ 12:37

Ndị Izrẹlụ nọ gha Ramsisi buli, shikọ Sukọtụ. Ikorọbịa rị imẹ wẹ rị ihiẹn nọ kẹ nnụ-uku ọgụn-iri-kwasị-nnụ (600,000) — cheni ndị ọzọ.

Ọpụpụ 5:5

Ọ sịzị wẹ, “Lee kẹ ndịnị buhan ọda, ụnụ hụ e mẹ wẹ arụnzịlẹ ọrụn wẹ rị a rụn!”

Izikẹlụ 16:7

M nọ mẹ i du, lekẹ ihiẹn rị imẹ ugbo. Ị nọ himẹ, sue, wụrụ ihiẹn-mma pụ ichẹn hụn mma a zu oke. Ị nọ kpụ ẹran; ntutu i nọ suepụ. Kanị, ị gbahụkwọ ọtọ, onwọnni ihiẹn i yi ẹhụ.

Ọrụn Ndị-ozi 13:17

Chuku ndị Izrẹlụ họrị ndị nẹdi ẹnyi kanị kẹ wẹ rị alị Ijiptu, o mẹ wẹ wụrụ okẹn alị; o mẹgụ, ọ nọ kpa ikẹn hi-ogbe wepụha wẹ alị Ijiptu.

Ditrọnọmi 10:22

Ndị nẹdi ụnụ rịhụ madụ iri kwasị ọgụn ẹtọ sụọ kẹ wẹ shi alị Ijiptu, kanị Osolobuẹ wụ Chuku ụnụ e mẹgụọ nwan ụnụ bu ọda kẹ kokisẹ rị elu-igwere.

Ditrọnọmi 26:5

y'a nọ ihun Osolobuẹ wụ Chuku i ebẹhụ sị, “Nẹdi m kanị wụ onyẹ Aram te rị a kwahunmẹni; omẹgụ ọ nọ shi alị Ijiptu, ya lẹ ndị bulẹni ọda, wẹ nọ biri ebahụn, họnrin okẹn alị hụn shi ikẹn, bu ọda.