Ọgụngụn 9:15 - Ika

¹⁵ Ụhụọhịn wẹ zumẹ Ọdụ-nsọ, orukpu hụ Osolobuẹ gi a bịa nọ kpumẹ Ọdụ-nsọ rịn'a, Ọdụ Ashịa-Ẹri. O ru ẹnyasị, orukpu hụ rị elu Ọdụ-nsọ nọ rị kẹ ọkụn d'e ru ụtụntụn.

Ọgụngụn 9:15 ပူးပေါင်းရင်းမြစ်များ

Nehemiah 9:12

Ị nọ gisọnmẹ orukpu mawuru kẹ adansụn du wẹ efinaị, gi ọkụn mawuru kẹ adansụn du wẹ uhinhin, nị wẹ e legha ebe wẹ ghakọ.

Nehemiah 9:19

“Makẹni y'e mẹkẹ omikẹn, y'a latọnị wẹ imẹ atụ alị-ọkpọnkụn ahụn. Orukpu hụ mawuru kẹ adansụn edubehini wẹ efinnaị ebe ọwụlẹ wẹ ghakọ, ọkụn hụ mawuru kẹ adansụn eyebehini wẹ ukpẹ imẹ uhinhin ebe ọwụlẹ wẹ ghakọ.

Ẹbụ-ọma 105:39

Osolobuẹ nọ gi orukpu kpumẹ ndị nke ẹ rịkẹ ịhara, ye wẹ ọkụn rị e nwunni w'e gi e legha ụzọ imẹ uhinhin.

Ẹbụ-ọma 78:14

Ọ nọ gi orukpu ahụn du wẹ efinnaị, gi ọkụn rị e nwunni ye wẹ ukpẹ imẹ uhinhin.

Ọpụpụ 13:21

Eki rị elu, Osolobuẹ e buruni wẹ ụzọ imẹ orukpu o gi e du wẹ, a ghọsị wẹ ụzọ; uhinhin, o buruni wẹ ụzọ imẹ ọkụn o gi e du wẹ, e ye wẹ ukpẹ, hụn o gi saẹka e jẹn kẹ uhinhin kẹ efinaị.

Ọpụpụ 13:22

Kẹ orukpu ahụn e duni wẹ ebe eki rị elu kẹ ọkụn ahụn e duni wẹ uhinhin, onwẹni hụn ghatu ihun wẹ ebe ọ nọ e du wẹ pụ.

Ọpụpụ 14:24

Eki gini d'e fọn, Osolobuẹ nọ gha ọkụn lẹ orukpu ahụn mawuruni o gi dukọ wẹ lee itu-agha ndị Ijiptu, bu isusu cheni wẹ.

Ọpụpụ 40:2

“O ru ụhụọhịn ibuzọ imẹ ifọn ibuzọ, y'e tumẹ Ọdụ-nsọ, Ọdụ-ozuzu.

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Ọpụpụ 40:35

Mozizi asazịnị ẹka banye Ọdụ-ozuzu, makẹni orukpu a nọkwasịgụọ a, ọghọ rị Osolobuẹ ẹhụ e jun imẹ Ọdụ-nsọ.

Ọpụpụ 40:38

Ya wụ, orukpu Osolobuẹ a nọ elu Ọdụ-nsọ ebe eki rị elu, o ru uhinhin, ọkụn hụ imẹ orukpu ahụn, hụn ikpụnọ Izrẹlụ ile e legha; ẹrịra k'ọ rị hụn ahụn ile wẹ rị ụzọ.

Azaya 4:5

Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Ọgụngụn 10:34

Wẹ gha ebe wẹ ziẹntọ bulikọ — ọsụọn'a ebe eki rị elu, orukpu Osolobuẹ sikọ d'a rịrịrị wẹ isi.

Ọgụngụn 14:14

O ru ẹ a gwa wẹ ndị bi alịnị — bụ a nụgụọ w'a nị ị nọyeni ndịnị anọyeni lẹni a hụngụọ wẹ ịyụ wụ Osolobuẹ elee-m elee-i, nị orukpu i a rị wẹ isi lẹni y'a nọ orukpu mawuruni e buruni wẹ ụzọ ebe eki rị elu, a nọ ọkụn mawuruni e buruni wẹ ụzọ imẹ uhinhin.

Ọgụngụn 17:7

Mozizi nọ kị ọkpọ ndị ahụn tọ ihun Osolobuẹ imẹ Ọdụ Ashịa-ẹri.

Ndị Kọrẹntị Ibuzọ 10:1

Umunẹ m, achọnị m nị ụnụ zọ ihiẹn mẹ ndị nẹdi ẹnyi: Wẹ ile kẹ Osolobuẹ gi orukpu hụ du; wẹ ile fetu Ohimin ufie hụ;

Ditrọnọmi 1:33

bụ ịya buruni ụnụ ụzọ ijẹn ụnụ: uhinhin ọ pụha kẹ ọkụn jẹn elu duru ụnụ; efinnaị, ọ pụha kẹ orukpu jẹn elu duru ụnụ; a chọtọnị ụnụ ebe ụnụ e ziẹntọ, a ghọsị ụnụ ụzọ.