Ọgụngụn 7:89 - Ika

⁸⁹ Ogẹn Mozizi gi banye Ọdụ-ozuzu d'e sọn Osolobuẹ ku, ọ nọ nụ olu ẹ k'ọ gha elu okun Ẹkpẹti Ashịa-ẹri ahụn, ẹgbata ndị chẹrobu ẹbụọ hụ, a gwa a oku. Ọ nọ sọn ẹ ku.

Ọgụngụn 7:89 ပူးပေါင်းရင်းမြစ်များ

Ndị-nze Nke Ibuzọ 6:23

O gi osisi olivu tụ chẹrobu ẹbụọ nwọn nku, bu wẹ che imẹ Ebẹhụ Kachanrịn Nsọ; ojijẹn-elu wẹ wụsọnmẹ ụbụkụ mmisẹn.

Ẹbụ-ọma 80:1

Dodo, gọn ẹnyi ntịn, Onyẹ-ndu Izrẹlụ, ịyụ hụn e du ẹnyi ndị ebọn Josẹfụ nọkẹ atụnrụn! Ịyụ hụn nọdị alị elu chẹrobu ẹbụọ ahụn nwọn nku; dodo, ghọsị ẹka ị!

Ẹbụ-ọma 99:1

Osolobuẹ wụ eze, egun ya tụma alị ile! Ọ rị ukpo-eze ẹ elu chẹrobu ndị ahụn nwọn nku, alị ya zinzinmẹ!

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Ọpụpụ 40:35

Mozizi asazịnị ẹka banye Ọdụ-ozuzu, makẹni orukpu a nọkwasịgụọ a, ọghọ rị Osolobuẹ ẹhụ e jun imẹ Ọdụ-nsọ.

Lẹvitikọsụ 1:1

Osolobuẹ gha imẹ Ọdụ-ozuzu kpọ Mozizi oku; sị a,

Ọgụngụn 1:1

Osolobuẹ gwa Mozizi oku imẹ Ọdụ-ozuzu imẹ atụ Saịnaị, ụhụọhịn ibuzọ imẹ ifọn mẹ ẹ ẹbụọ ndị Izrẹlụ gha alị Ijiptu pụha, ọ sị a:

Ọgụngụn 11:17

M k'e hidan d'a gwa ụnụ oku ebẹhụ. M k'e weribelụa mmọn hụn nọkwasịn'ị, bu ẹ kwasị wẹ kẹni wẹ sọn i bu ibu igunrunni, makẹ ịyụ sụọ a ghazị e bu ẹ.

Ọgụngụn 12:8

M'e du ẹ e ku elee-m elee-i, a kpọpụ ihiẹn ẹfan, m'a ra gi ilu gwa a oku; Ọ hụndẹ kẹ Osolobuẹ nọ. Ya kẹ egun nọ nwan a nị ụnụ e kuja oku odibo m wụ Mozizi?”

Ọgụngụn 8:1

Osolobuẹ sị Mozizi,

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Samuẹlụ Nke Ibuzọ 4:4

Wẹ nọ zi ikẹnnyẹ, wẹ nọ jẹn Shilo d'e buhẹ Ẹkpẹti-nsọ Osolobuẹ, Onyẹ hụ nwọn ikẹn ile, Onyẹ hụ ukpo ẹ rị ẹgbata mmọn-ozi ẹbụọ rị elu Ẹkpẹti hụ. Ụmụ Ẹlaị ẹbụọ hụ wụ Hof'ni lẹ Finẹhasị sọnhẹn Ẹkpẹti-nsọ Chuku.