Ọgụngụn 7:1 - Ika

¹ Ogẹn Mozizi gi tumẹgụ Ọdụ-nsọ, fekpugụ a udẹn-ntumẹ, dọngụ ya lẹ ihiẹn ile rị imẹ ẹ nsọ, fekpugụzị ukpo nchụn-ẹjan lẹ ihiẹn ile sọnn'ẹ udẹn, dọngụ wẹ nsọ,

Ọgụngụn 7:1 ပူးပေါင်းရင်းမြစ်များ

Jẹnẹsisi 2:3

Ya kẹ Chuku nọ gọzi ụhụọhịn nke ẹsa, dọn ẹ nsọ, makẹni ụhụọhịn hụ kẹ Chuku zu ikẹn ọrụn okike ile ọ rụn.

Ndị-nze Nke Ibuzọ 8:64

Ụhụọhịn ohu hụ kẹ eze gizi dọn ahanmahan ihun-ezi Ụlọ-nsọ Osolobuẹ hụ nsọ, nọ ebẹhụ chụnyesọnmẹ ẹjan ichẹn-ichẹn wẹ gi ọkụn a chụnye, kẹ hụn w'a dụnkwama ọkụn kẹ ẹjan-ọka kẹ ẹjan-ekele w'a dụn ụtọrọ a sụọ ọkụn, makẹni ukpo nchụn-ẹjan ahụn wẹ gi igwe-bronzu mẹmẹ e mẹkẹ ẹkẹrẹ w'a nọ chụn ẹjan ahụn ile bugbu enwẹn ẹ ọda — ẹjan-anụ lẹ ọka lẹ ụtọrọ hụ ile.

Ọpụpụ 13:2

“We ni okẹnnyẹ ibuzọ ọwụlẹ kwanị m. Nwa ibuzọ ọwụlẹ gha ẹfọ pụha imẹ igunrun ndị Izrẹlụ wụ nke m, kẹ ịhịan kẹ anụ.”

Ọpụpụ 29:36

Ọrọgbọ akpọhịn ẹsa hụ, gi efin ohu-ohu chụnsọnmẹ ẹjan-njọ wẹ gi e wepụ njọ ụhụọhịn-ụhụọhịn. Chụn ẹjan wẹ gi e wepụ njọ gi dọn ukpo nchụn-ẹjan hụ nsọ, y'e hukpu ukpo ahụn udẹn-nsọ, gi dọn ẹ nsọ.

Ọpụpụ 40:11

Fe udẹn-nsọ hụ ye afẹrẹ-mirin lẹ ụkụ a, dọn wẹ nsọ.

Ọgụngụn 17:2

“Gwa ndị Izrẹlụ oku, y'a nahan wẹ ọkpọ mmẹbụọ: nahansọnmẹ onyẹ-isi ebọn ohu-ohu ọkpọ ohu-ohu. De ẹfan onyẹ-onyẹ ye ọkpọ a.

Ọgụngụn 7:10

Ndị-isi e wẹhẹzighọ oyiye wẹ gi ha ukpo nchụn-ẹjan ye ẹka Osolobuẹ ogẹn wẹ gi fekpu ẹ udẹn dọn ẹ nsọ. Wẹ nọ bu oyiye wẹ tọ ihun ukpo nchụn-ẹjan ebẹhụ.

Ọgụngụn 7:84

Oyiye ile ndị-isi Izrẹlụ ye wẹ gi ha ukpo nchụn-ẹjan ye ẹka Osolobuẹ ogẹn wẹ gi fekpu ẹ udẹn-ntumẹ wụ mgbadọn mmẹbụọ wẹ gi siliva kpụ, afẹrẹ mmẹbụọ wẹ gi siliva kpụ wẹ gi e fekpu ihiẹn lẹ ugbẹgbẹ mmẹbụọ wẹ gi goru kpụ:

Ọgụngụn 7:88

Anụ ile wẹ gi chụn ẹjan ekele wụ okẹn-efin ẹnọ kwasị ọgụn, ebulu ọgụn-ẹtọ ka ẹhụ, mkpịn ọgụn-ẹtọ lẹ ụmụ ebulu ọgụn-ẹtọ rịsọnmẹ ahụa ohu-ohu. Uwẹ wụ oyiye wẹ gi ha ukpo nchụn-ẹjan ye ẹka Osolobuẹ ogẹn wẹ gi fekpugụ a udẹn-nsọ.

Matiu 23:19

Ndị ẹnya-ishi! Elee hụn ka? Oyiye ra ukpo nchụn-ẹjan hụn mẹ oyiye hụ rị nsọ?