Ọgụngụn 6:12 - Ika

¹² O k'e we enwẹn ẹ kwadọnzini Osolobuẹ ọkwụkwanị pụ-ichẹn; o wẹhẹgụ ebulu rị nwa ahụa ohu d'a chụn ẹjan onyẹ ikpe ma, ọ ghazị isi gụnma, nọzu ọrọgbọ hụn o kwe nkwa mbụ. Ya wụnị agụnyekọzị wẹ ọrọgbọ ile ọ nọpụ — makẹni o mẹrụọlẹ enwẹn ẹ hụn o te gi kwanị Osolobuẹ.

Ọgụngụn 6:12 ပူးပေါင်းရင်းမြစ်များ

Ọpụpụ 12:5

“Anụ wẹ k'a họtọ jẹnkọ d'a wụrịrị okẹn rị ahụa ohu hụn ẹhụ a ile zu oke; wẹ nwọn ikẹn weri atụnrụn mọbụ ewu.

Izikẹlụ 18:24

“Kanị, omẹni onyẹ ezi-omumẹ e bihutọ ẹka, mẹmẹ njọ, mẹmẹ arụ ndị hụ onyẹ-njọ e mẹ, n'ọ rịdẹ nwan ndụn ra? Ezi-omumẹ ile o mẹ, onwọnni hụn m k'a nyanhan, ebe o mẹni o hutọgụọ, mẹmẹ njọ; isi ẹ k'a tọ a.

Lẹvitikọsụ 14:24

Onyẹ nchụn-ẹjan k'e weri ebulu hụ onyẹ hụ wẹhẹ n'o gi chụn ẹjan-njọ cheni ofugbọn-olivu hụ mẹ ẹkẹrẹ, finfin wẹ ghọsị Osolobuẹ n'ọ wụrụ ẹjan w'e finfin.

Lẹvitikọsụ 5:6

o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.

Lẹvitikọsụ 5:7

“Omẹni mbụọ a epuni atụnrụn, o wẹhẹni Osolobuẹ nduru ẹbụọ mọbụ ụmụ oluikuku ẹbụọ makẹ njọ a: ohu wụ nke ẹjan njọ, ohu wụ nke ẹjan w'a dụn ọkụn.

Ọgụngụn 6:11

Onyẹ nchụn-ẹjan k'e gi ohu chụn ẹjan-njọ, gi ohu chụn ẹjan w'a dụn ọkụn, gi ẹ gbarị isi onyẹ ahụn yeni iwu ọ dan ebe ọ nọ rị ebe ozun rị. Ụhụọhịn ohu hụ, o k'e gi ntutu k'e rupụha isi ẹ kwadọnzini Osolobuẹ.

Ọgụngụn 6:13

“Lee nwan ihiẹn onyẹ we enwẹn ẹ kwanị Osolobuẹ ọkwụkwanị pụ-ichẹn Nazịraịtị sikọ d'e mẹ ọ nọzugụ ogẹn ọkwụkwanị: o k'e jẹn ọnụ-mgbọn Ọdụ-ozuzu.

Matiu 24:13

Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.

Matiu 3:15

Kanị Jesu nọ sị, “Hapụ a nọ rị ẹrịra kikẹnni; o furu ni ẹnyi mẹkwama ihiẹn ile Osolobuẹ chọ.” Ya kẹ Jọnụ nọ nwan kweri mẹ ẹ mirin-Chuku.

Jemisi 2:10

Makẹni, onyẹ dọnmẹchanrịn iwu ile, dan ohu, a danchanrịnọlẹ iwu ile.

Jọnụ Nke Ẹbụọ 1:8

Kpachanpụ nị nwan ẹnya, amamgbe ụnụ e tuhu ihiẹn ẹnyi rụngụ; turusọnmẹ ni kẹni ụnụ nwọnhẹn ụgwọ ọrụn zu oke.