Ọgụngụn 4:20 - Ika

²⁰ Kanị ndị Kohatị abanyekọkwọ d'e gi ẹnya hụn ihiẹn ndị hụ rị nsọ, kaka — ọsụọn'a njube-ẹnya ohu, amamgbe w'a nwụn.”

Ọgụngụn 4:20 ပူးပေါင်းရင်းမြစ်များ

Ọpụpụ 19:21

Osolobuẹ nọ sị a, “Hidan d'a gbakwọ wẹ mkpịnsịn-ẹka amamgbe w'a zụnghafe okẹn wẹ tumẹni wẹ, ebe wẹ rị e mẹ nị wẹ legha Osolobuẹ, ndị bu ọda a nwụnhụn.

Lẹvitikọsụ 10:2

Ya ọkụn nọ gha ebe Osolobuẹ rị pụha d'a dụngbu wẹ, wẹ nọ nwụntọ ihun Osolobuẹ.

Lẹvitikọsụ 16:13

O kpọn nsẹnsi hụ ye imẹ ọkụn hụ rị ihun Osolobuẹ; ẹnwụnrụn nsẹnsi hụ a lọkpumẹ okun hụ wẹ nọ a gbarị isi, okun Ẹkpẹti Ashịa-ẹri, makẹ ọ gha a nwụn.

Ọgụngụn 1:51

O ru obubu, ndị Livaị nwọn tọtu ẹ buru; o ru izumẹn'ẹ, ndị Livaị nwọn mẹ ẹ. Onyẹ ọwụlẹ wụlẹni onyẹ Livaị nọkunmẹ ẹ, wẹ gbu ẹ.

Ọgụngụn 18:3

Okpuru i kẹ wẹ k'a rị; wẹ k'a gha a rụn ọrụn ile rị imẹ Ọdụ-nsọ — kanị anọkunmẹkọ wẹ ihiẹn Ọdụ-nsọ ọwụlẹ mọbụ ukpo nchụn-ẹjan, amamgbe ịyụ lẹ wẹ a nwụnhụn.

Ọgụngụn 4:15

“Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.

Ọgụngụn 4:19

lee nwan ihiẹn ụnụ jẹnkọ d'e mẹ makẹ wẹ gha a nwụn ebe wẹ rị a nọkunmẹ ihiẹn ndị ahụn rịchanrịn nsọ: Ẹrọnụ lẹ ụmụ a k'a banye d'a ghọsịgụ onyẹ-onyẹ ọrụn a lẹ ihiẹn o k'e bu.

Ọgụngụn 4:21

Osolobuẹ nọ sị Mozizi,

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.

Samuẹlụ Nke Ibuzọ 6:19

Kanị Osolobuẹ gbu ikẹnnyẹ ndị Bẹt-Shẹmẹshi iri kwasị ọgụn ẹtọ makẹni wẹ feye ẹnya imẹ Ẹkpẹti Osolobuẹ hụ. Ndị alị ahụn nọ kwan ọda-ọda yeni ẹka hụ zeni Osolobuẹ gi sọn wẹ.