Ọgụngụn 4:19 - Ika

¹⁹ lee nwan ihiẹn ụnụ jẹnkọ d'e mẹ makẹ wẹ gha a nwụn ebe wẹ rị a nọkunmẹ ihiẹn ndị ahụn rịchanrịn nsọ: Ẹrọnụ lẹ ụmụ a k'a banye d'a ghọsịgụ onyẹ-onyẹ ọrụn a lẹ ihiẹn o k'e bu.

Ọgụngụn 4:19 ပူးပေါင်းရင်းမြစ်များ

Samuẹlụ Nke Ẹbụọ 6:6

E ru wẹ ẹhụ ebe Nakọnụ a nọ a fụchanpụ ọka, Uza nọ tịnpụ ẹka, ghọdọn Ẹkpẹti-nsọ Osolobuẹ, makẹni okẹn-efin dọkpụnkọn'a kpọgburu akpọgburu.

Ọpụpụ 19:21

Osolobuẹ nọ sị a, “Hidan d'a gbakwọ wẹ mkpịnsịn-ẹka amamgbe w'a zụnghafe okẹn wẹ tumẹni wẹ, ebe wẹ rị e mẹ nị wẹ legha Osolobuẹ, ndị bu ọda a nwụnhụn.

Ọgụngụn 1:51

O ru obubu, ndị Livaị nwọn tọtu ẹ buru; o ru izumẹn'ẹ, ndị Livaị nwọn mẹ ẹ. Onyẹ ọwụlẹ wụlẹni onyẹ Livaị nọkunmẹ ẹ, wẹ gbu ẹ.

Ọgụngụn 18:3

Okpuru i kẹ wẹ k'a rị; wẹ k'a gha a rụn ọrụn ile rị imẹ Ọdụ-nsọ — kanị anọkunmẹkọ wẹ ihiẹn Ọdụ-nsọ ọwụlẹ mọbụ ukpo nchụn-ẹjan, amamgbe ịyụ lẹ wẹ a nwụnhụn.

Ọgụngụn 4:15

“Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.

Ọgụngụn 4:18

“Anịkwọlẹ nị m gbupụ ndị ebọn Kohatị imẹ ebọn Livaị —