Ọgụngụn 4:15 - Ika

¹⁵ “Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.

Ọgụngụn 4:15 ပူးပေါင်းရင်းမြစ်များ

Samuẹlụ Nke Ẹbụọ 15:24

Ebẹhụ kẹ Zadọkụ onyẹ nchụn-ẹjan nọzị pụha; ya lẹ ndị Livaị ile ya lẹ wẹ wị bukọ Ẹkpẹti Nkwerigbama Chuku. E butu wẹ Ẹkpẹti Chuku alị, Abiata nọ chụnma ẹjan. Ọ hụ a chụn a d'e runi ndị ile pụkọnị a ghachanrịn Jerusalẹm pụ.

Samuẹlụ Nke Ẹbụọ 6:13

Ndị bu Ẹkpẹti-nsọ Osolobuẹ hanpụ amụkụ isin, Defidi e gi okẹn-efin ohu lẹ nwa-efin ohu wẹ zụntọ chụnyeni Osolobuẹ ẹjan.

Ndị-nze Nke Ibuzọ 8:3

Ogẹn ndị-ichẹn Izrẹlụ ile gi bịagụ, ndị nchụn-ẹjan nọ buru Ẹkpẹti Osolobuẹ.

Ihiẹn Mẹni Nke Ibuzọ 15:15

Ndị Livaị nọ fayesọnmẹ akp'osisi ndị hụ wẹ gi e bu Ẹkpẹti Chuku, gi wẹ buru ẹ isi-uvun kẹ Mozizi hụn Osolobuẹ zi dọn gwa wẹ.

Ihiẹn Mẹni Nke Ibuzọ 15:2

Defidi nọ sị, “Onwọnni onyẹ ọzọ e bu Ẹkpẹti Chuku karị ndị Livaị, makẹni uwẹ kẹ Osolobuẹ họrị k'a gha e bu Ẹkpẹti Osolobuẹ, a nọ ihun Osolobuẹ a rụn jẹnrin ejẹn.”

Ihiẹn Mẹni Nke Ibuzọ 23:26

ẹlẹzi hụn ndị Livaị e gi e buhunmẹ Ọdụ-nsọ mọbụ ihiẹn ọwụlẹ wẹ gi a rụn ọrụn imẹ ẹ.”

Ọpụpụ 19:12

Gbọnhunmẹ uguni, y'a sị wẹ, ‘Kpachanpụkwọ nị ẹnya amamgbe ụnụ e nyinrin uguni mọbụ we ẹhụ hụarị a. Wẹ k'e gburịrị onyẹ ọwụlẹ ẹhụ a hụarị uguni.

Ọpụpụ 19:21

Osolobuẹ nọ sị a, “Hidan d'a gbakwọ wẹ mkpịnsịn-ẹka amamgbe w'a zụnghafe okẹn wẹ tumẹni wẹ, ebe wẹ rị e mẹ nị wẹ legha Osolobuẹ, ndị bu ọda a nwụnhụn.

Ọpụpụ 27:7

Wẹ jẹnkọ d'a fa ẹgbe ndị hụ ye ẹgba ndị hụ, ẹgbe ndị ahụn a rị ukpo hụ azụụnnị lẹ azụụnnị wẹ gha e bu ẹ.

Lẹvitikọsụ 16:13

O kpọn nsẹnsi hụ ye imẹ ọkụn hụ rị ihun Osolobuẹ; ẹnwụnrụn nsẹnsi hụ a lọkpumẹ okun hụ wẹ nọ a gbarị isi, okun Ẹkpẹti Ashịa-ẹri, makẹ ọ gha a nwụn.

Ọgụngụn 1:50

Ka tumẹ ndị Livaị nị w'e lepụ Ọdụ Ashịa-ẹri ẹnya — ya lẹ ihiẹn ẹ ile lẹ ihiẹn ọwụlẹ ya lẹ ịya wị. Uwẹ nwọn e bu Ọdụ hụ lẹ ihiẹn ẹ ile; wẹ sikọ d'e lepụ a ẹnya, bihunmẹ ẹ.

Ọgụngụn 1:51

O ru obubu, ndị Livaị nwọn tọtu ẹ buru; o ru izumẹn'ẹ, ndị Livaị nwọn mẹ ẹ. Onyẹ ọwụlẹ wụlẹni onyẹ Livaị nọkunmẹ ẹ, wẹ gbu ẹ.

Ọgụngụn 10:21

Ya ndị Kohatị nọ buli, buru ihiẹn ndị rị Ọdụ-nsọ. Wẹ ru ebe wẹ k'e ziẹntọ, ndị hụn buni wẹ ụzọ sikọ d'e zumẹgụ Ọdụ-nsọ, ndịnị kebe pụha.

Ọgụngụn 18:3

Okpuru i kẹ wẹ k'a rị; wẹ k'a gha a rụn ọrụn ile rị imẹ Ọdụ-nsọ — kanị anọkunmẹkọ wẹ ihiẹn Ọdụ-nsọ ọwụlẹ mọbụ ukpo nchụn-ẹjan, amamgbe ịyụ lẹ wẹ a nwụnhụn.

Ọgụngụn 3:38

Mozizi lẹ Ẹrọnụ lẹ ụmụ Ẹrọnụ k'e ziẹntọ ihun Ọdụ-ozuzu hụ, azụụn anwụn gha a wa. Uwẹ kẹ ọrụn ilepụnị ndị Izrẹlụ Ọdụ-nsọ ẹnya rịchanrịn ẹka. Onyẹ ọzọ buche ẹka, ọnwụn a rọ.

Ọgụngụn 4:14

A bịa wẹ d'e bu ihiẹn ile wẹ gi a rụn ọrụn gbashịarị ukpo hụ che elu ẹ: kẹ ibe ihiẹn ndị wẹ gi e bi ọkụn, ndụndụn ndị wẹ gi a dụn anụ, ọsẹkẹ wẹ gi e kpọnpụ ntụn, afẹrẹ ndị hini. Wẹ k'e gi akpụkpọ efin-ohimin kpumẹ elu ẹ, bu akp'osisi ndị wẹ gi e bu ẹ che ọnọdị wẹ.

Ọgụngụn 4:19

lee nwan ihiẹn ụnụ jẹnkọ d'e mẹ makẹ wẹ gha a nwụn ebe wẹ rị a nọkunmẹ ihiẹn ndị ahụn rịchanrịn nsọ: Ẹrọnụ lẹ ụmụ a k'a banye d'a ghọsịgụ onyẹ-onyẹ ọrụn a lẹ ihiẹn o k'e bu.

Ọgụngụn 4:20

Kanị ndị Kohatị abanyekọkwọ d'e gi ẹnya hụn ihiẹn ndị hụ rị nsọ, kaka — ọsụọn'a njube-ẹnya ohu, amamgbe w'a nwụn.”

Ọgụngụn 7:9

Kanị Mozizi eyeni ebozo Kohatị hụn ọwụlẹ, makẹni uvun kẹ w'e bu ihiẹn ndị ahụn rị nsọ wẹ keye wẹ e bu.

Ditrọnọmi 31:9

Ya Mozizi nọ detu iwuni, w'ẹ ye ndị nchụn-ẹjan, ụmụ Livaị, ndị e bu Ẹkpẹti-nkwerigbama Osolobuẹ, uwẹ lẹ ndị ichẹn Izrẹlụ ile k'o w'ẹ ye.

Joshụa 4:10

Ndị nchụn-ẹjan hụn bu Ẹkpẹti hụ turu etintinnaị Jọdanị d'e ru ni ndị Izrẹlụ e mẹchanrịn ihiẹn ile Osolobuẹ gwa Joshụa, nọkẹ kẹ Mozizi dọn gwa Joshụa ya. Ndị Izrẹlụ hụhụ ahụhụ fetu;

Samuẹlụ Nke Ibuzọ 6:19

Kanị Osolobuẹ gbu ikẹnnyẹ ndị Bẹt-Shẹmẹshi iri kwasị ọgụn ẹtọ makẹni wẹ feye ẹnya imẹ Ẹkpẹti Osolobuẹ hụ. Ndị alị ahụn nọ kwan ọda-ọda yeni ẹka hụ zeni Osolobuẹ gi sọn wẹ.