Ọgụngụn 4:14 - Ika

¹⁴ A bịa wẹ d'e bu ihiẹn ile wẹ gi a rụn ọrụn gbashịarị ukpo hụ che elu ẹ: kẹ ibe ihiẹn ndị wẹ gi e bi ọkụn, ndụndụn ndị wẹ gi a dụn anụ, ọsẹkẹ wẹ gi e kpọnpụ ntụn, afẹrẹ ndị hini. Wẹ k'e gi akpụkpọ efin-ohimin kpumẹ elu ẹ, bu akp'osisi ndị wẹ gi e bu ẹ che ọnọdị wẹ.

Ọgụngụn 4:14 ပူးပေါင်းရင်းမြစ်များ

Ihiẹn Mẹni Nke Ẹbụọ 4:19

Solomọnụ mẹmẹchanrịnzịkwọ ihiẹn ndịnị ile rị imẹ Ụlọ Osolobuẹ: Ukpo nchụn-ẹjan goru, teburu goru wẹ gi e butọnị Osolobuẹ Brẹdi;

Ọpụpụ 27:1

“Gi osisi zeni, osisi akashịa, rụn ukpo nchụn-ẹjan. Usue ẹ k'a wụ ọbụkụ ẹsa lẹ nkirishi, ụshịa a ọbụkụ ẹsa lẹ nkirishi: k'o suehan k'o k'a shịahan; ojijẹn-elu ẹ k'a wụ ọbụkụ ẹnọ lẹ nkirishi.

Ọpụpụ 27:3

Gi igwe-bronzu mẹmẹchanrịn arịa ile sọn ukpo nchụn-ẹjan hụ: kẹ ite wẹ gi e kpọnpụ ntụn lẹ ọsẹkẹ sọnn'ẹ kẹ afẹrẹ w'e gi e fekpu ihiẹn kẹ ndụndụn wẹ gi a weri anụ, kẹ ugbẹgbẹ ndị wẹ gi e ghe ihiẹn.

Ọgụngụn 4:13

“Wẹ k'e kpọnpụ ntụn rị elu ukpo igwe-bronzu ahụn rị ihun-ezi wẹ nọ a dụn ẹjan ọkụn, gi ẹkwa e nwun pọpụ kpumẹ elu ẹ.

Ọgụngụn 4:15

“Ẹrọnụ lẹ ụmụ a kpumẹchanrịngụ Ebẹhụ rị nsọ lẹ ihiẹn ile rị imẹ ẹ, nị ndị Izrẹlụ a kwademẹgụ hụn w'e gi buli, ndị Kohatị a bịa nwan d'e buru ihiẹn ndị hụ. Kanị ẹka wẹ a hụarịkọkwọ ihiẹn ndị hụ rị nsọ, kaka, amamgbe w'a nwụn. Ndị Kohatị nwọn e bu ihiẹn ndị hụ ile rị imẹ Ọdụ-nsọ lẹ enwẹn ẹ.

Ọgụngụn 4:6

E gizi wẹ akpụkpọ efin-ohimin kpumẹ hụn ahụn; gizi ẹkwa e nwun bru-bru kpumẹ elu wẹ; a bịa wẹ d'a fa akp'osisi ẹbụọ ndị hụ wẹ gi e bu ẹ ye ọnọdị wẹ.