Ọgụngụn 4:11 - Ika

¹¹ “Nke ukpo goru hụ w'a nọ a mụ nsẹnsi, wẹ k'e gi ẹkwa bru gbama elu ẹ, gi akpụkpọ efin-ohimin kpumẹ ẹ, bu akp'osisi ndị hụ wẹ gi e bu ẹ che ọnọdị wẹ.

Ọgụngụn 4:11 ပူးပေါင်းရင်းမြစ်များ

Ọpụpụ 39:38

lẹ ukpo-nsẹnsị hụ wẹ gi goru mẹmẹ, udẹn nsọ, nsẹnsi ahụn e shin ọhụnma lẹ ẹkwa wẹ gi tankin ọnụmụzọ Ọdụ-nsọ;

Ọpụpụ 40:5

Bu ukpo goru hụ wẹ nọ a mụ nsẹnsi che ihun Ẹkpẹti-Ashịa-ẹri, y'e bu ẹkwa wẹ gi a tankin ọnụmụzọ che ọnụmụzọ Ọdụ-nsọ.

Ọgụngụn 4:10

a bịa wẹ d'e gi akpụkpọ efin-ohimin fụma obu-ukpẹ hụ lẹ ihiẹn ile sọnn'ẹ, dọ a ye elu ihiẹn w'e gi e bu ẹ.

Ọgụngụn 4:12

“Wẹ k'e kpọnrin ihiẹn ile họdụnị wẹ gi a rụn ọrụn imẹ Ọdụ-ozuzu lẹ enwẹn ẹ, gi ẹkwa bru fụma wẹ, gi akpụkpọ efin-ohimin kpumẹ ẹkwa hụ, dọ wẹ ye elu ihiẹn wẹ gi e bu ẹ.

Ọgụngụn 4:6

E gizi wẹ akpụkpọ efin-ohimin kpumẹ hụn ahụn; gizi ẹkwa e nwun bru-bru kpumẹ elu wẹ; a bịa wẹ d'a fa akp'osisi ẹbụọ ndị hụ wẹ gi e bu ẹ ye ọnọdị wẹ.

Rẹvẹleshọnụ 8:3

Mmọn-ozi ọzọ hụn gi mkpu-sẹnsa goru wẹ gi a mụyeni Osolobuẹ nsẹnsi nọ bịa d'e turu ihun ukpo nchụn-ẹjan hụ. Wẹ nọ kpọnye ẹ nsẹnsi bu ọda, n'o gi nsẹnsi ahụn wụ ekpere ndị-nsọ ile chụn ẹjan elu ukpo nchụn-ẹjan ahụn wẹ gi goru mẹmẹ hụn rị ihun ukpo-eze ahụn;