Ọgụngụn 33:1 - Ika

¹ Alị ndịnị kẹ Izrẹlụ ziẹntọsọnmẹ kẹ wẹ gha alị Ijiptu pụla nọkẹ ndị-agha — okpuru Mozizi lẹ Ẹrọnụ.

Ọgụngụn 33:1 ပူးပေါင်းရင်းမြစ်များ

Ẹbụ-ọma 105:26

Osolobuẹ nọ zi odibo ẹ wụ Mozizi, ya lẹ Ẹrọnụ hụn Osolobuẹ họrị.

Ẹbụ-ọma 77:20

Ị nọ du ndị nke i kẹ atụnrụn ghahanị Mozizi lẹ Ẹrọnụ.

Ọpụpụ 12:37

Ndị Izrẹlụ nọ gha Ramsisi buli, shikọ Sukọtụ. Ikorọbịa rị imẹ wẹ rị ihiẹn nọ kẹ nnụ-uku ọgụn-iri-kwasị-nnụ (600,000) — cheni ndị ọzọ.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Ọpụpụ 12:51

Ụhụọhịn ohu ahụn kẹ Osolobuẹ gha alị Ijiptu wepụha ebọn ile rị Izrẹlụ.

Ọpụpụ 13:18

Ya Osolobuẹ nọ we wẹ ghashi ụzọ ọzọ, ụzọ hụn rị imẹ atụ hụn dọn ihun ibe Ohimin-ufie. Ndị Izrẹlụ dọnpụha kẹ ndị-agha kẹ wẹ pụla alị Ijiptu.

Ọpụpụ 6:26

Ẹrọnụ-nị lẹ Mozizi-ni kẹ Osolobuẹ sị, “D'a gha nị alị Ijiptu kịpụha ebọn ile rị Izrẹlụ uri-uri.”

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Ọgụngụn 33:2

Mozizi detu ebe ile wẹ ziẹntọsọnmẹ kẹ wẹ jẹnkọ; Osolobuẹ gwa a detu ẹ. Alị ndịnị wẹ kẹ wẹ ziẹntọsọnmẹ:

Joshụa 24:5

“M nọ zi Mozizi lẹ Ẹrọnụ ebẹhụ, gi ihiẹn m mẹ imẹ Ijiptu mẹshi ndị Ijiptu ikẹn; o mẹgụ, m nọ wepụha ụnụ.

Samuẹlụ Nke Ibuzọ 12:8

“Ogẹn Jekọpụ gi banyegụ alị Ijiptu, omẹgụ, ndị nke ụnụ nọ kwanghọsị Osolobuẹ, ọ nọ zi Mozizi lẹ Ẹrọnụ, wẹ nọ gha alị Ijiptu wepụha ndị nẹdi ụnụ kanị mẹ wẹ biri ebeni.