Ọgụngụn 31:3 - Ika

³ Ya Mozizi nọ sị ndị Izrẹlụ, “Han nị ikẹnnyẹ imẹ ụnụ nị ụnụ kwademẹ wẹ agha, nị wẹ jẹn d'a lụsọn ndị Midianị agha, mẹgwarị wẹ mmẹgwarị Osolobuẹ.

Ọgụngụn 31:3 ပူးပေါင်းရင်းမြစ်များ

Ndị-nze Nke Ẹbụọ 10:30

Osolobuẹ sị Jehu, “Ebe i mẹ ọhụnma mẹchanrịn ihiẹn rị m mma ẹnya, mẹchanrịn ikpụlọ Ehabụ ihiẹn ile rị m obi, ụmụ ị k'a nọdị ukpo-eze Izrẹlụ d'e ru agbọ nke ẹnọ.”

Ndị-nze Nke Ẹbụọ 9:7

I jẹnkọ d'e gbupụ ikpụlọ di-nwọnni i wụ Ehabụ: m k'e gbugwarị wẹ ogbugbu Jezibẹlụ gbu idibo m ndị-amụma lẹ idibo Osolobuẹ ile hụn o gbu.

Ọpụpụ 17:16

Mozizi sị, “Ẹghẹẹ, makẹni wẹ weshi ẹka ẹbụbụọ elu zinmẹ ukpo-Osolobuẹ, Osolobuẹ k'a gha a lụsọn ndị Amalẹki agha gha agbọ pụ agbọ.”

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Lẹvitikọsụ 26:25

M k'e wẹhẹni ụnụ agha, gi ẹ mẹgwarị ụnụ omẹgwarị ndị tikpọ nkwerigbama. Ụnụ gbaban imẹ obodo ụnụ, e zi m eje-emu e feni ye imẹ igunrun ụnụ, mẹ ụnụ danban ẹka ndị iṅẹnrẹn ụnụ.

Ọgụngụn 25:11

“Finẹhasị nwa Ẹliẹza nwa Ẹrọnụ onyẹ nchụn-ẹjan a rọgụọ olulu m rị e busọn ndị Izrẹlụ, makẹni o giọlẹ ụdị ẹnya rị a ụfụnị m shi ọnwụn kẹni wẹ ye m ọghọ m; ịya haịn m gizilẹni gi ẹnya-ụfụ gbupụ wẹ.

Ọgụngụn 25:13

Ya lẹ ebozo ẹ sikọ nwan d'e nwọnrin ọrụn ndị nchụn-ẹjan jẹnrin ejẹn, makẹni ẹnya a fụghọ a n'e yeni wẹ Chuku ẹ ọghọ, ihiẹn ahụn o mẹ k'o gi gbarị isi ndị Izrẹlụ.”

Ọgụngụn 31:4

Họrị nị madụ nnụ-uku ebọn ohu-ohu rị Izrẹlụ zijẹn aghanị.”

Ndị Han Eṅẹn 5:2

“Ebe ndị-ndu Izrẹlụ nọ buru ụzọ; ebe ndị họdụnị nọ wepụha obi za oku-agha — ọjịja-mma ya rịnị Osolobuẹ!

Ndị Han Eṅẹn 5:23

Mmọn ozi Osolobuẹ sị, ‘Bụ nị Mẹrọzụ ọnụ! Bụ nị ndị Mẹrọzụ eje-ọnụ, nị abịanị wẹ d'e yeni Osolobuẹ ẹka, yeni Osolobuẹ ẹka lụsọn ndị odogun-agha.’