Ọgụngụn 30:2 - Ika

² Okẹnnyẹ kwe Osolobuẹ nkwa mọbụ kun ẹfan Osolobuẹ n'o sikọ d'e mẹ ihiẹn, ọ kagbukọkwọ nkwa hụ; o jẹnkọ e mẹrịrị ihiẹn ile o kwe nkwa a.

Ọgụngụn 30:2 ပူးပေါင်းရင်းမြစ်များ

Jobu 22:27

I mẹ ekpere kpọku ẹ, ọ nụ olu i; yụ nwẹn k'e mẹzu nkwa ndị i kwe ẹ.

Ẹbụ-ọma 116:14

A nọ m idẹnya ndị nke Osolobuẹ ile mẹzu nkwa m kwe ẹ.

Ẹbụ-ọma 116:18

M k'e mẹzu nkwa m kwe Osolobuẹ, mẹ ẹ idẹnya ndị nke ẹ ile;

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ẹbụ-ọma 15:3

hụn ghalẹni e kuja oku ịhịan; onyẹ hụn ghalẹni e mẹ ibe ẹ eje-ihiẹn; hụn ghalẹni e wiwi ẹfan ibe ẹ;

Ẹbụ-ọma 22:25

M k'e gi ihiẹnni i mẹni m ja ị mma imẹ ozuzu-uku ndị nke i, m k'a nọ idẹnya ndị hụn e fen'i mẹzu nkwa m kwe i.

Ẹbụ-ọma 50:14

Chụnyeni Chuku ẹjan-ekele, y'e mẹzuni Onyẹ Kachanrịnnị nkwa hụn i kwe ẹ;

Ẹbụ-ọma 55:20

Onyẹ mmẹ lẹ ya te wị e mẹgbama e bugụọ nụmanị m; o tikpọgụọ nkwa o kwe.

Ẹbụ-ọma 56:12

M k'e mẹzu nkwa m kwe i, Chuku; m k'a chụnyen'i ẹjan-ekele,

Ẹbụ-ọma 76:11

Kwe ni Osolobuẹ wụ Chuku ụnụ nkwa, mẹzu ẹ; ndị ile nọhunmẹn'ẹ, wẹhẹsọnmẹ ni oyiye d'a gbaye Onyẹ Ahụn Rị Egun,

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Itẹn 20:25

Ọnyan rọ nị ịhịan hụhụ kwe Osolobuẹ nkwa, o kebe leban ẹnya nkwa o kwe.

Lẹvitikọsụ 5:4

Ịhịan kun Osolobuẹ sị o k'e mẹ ihiẹn, kẹ mma rọ kẹ njọ rọ, bụ o ron'ẹ, hụn o gihụ marịn n'o kwegụọ nkwa furulẹni, ikpe a magụọ a.

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Ọgụngụn 21:2

Ya ndị Izrẹlụ nọ gi ihiẹnni wẹ mẹ wẹ kwe Osolobuẹ nkwa, sị, “Omẹni y'a nị ẹnyi mẹri ndịnị, ẹnyi jẹnkọ d'e tikpọn'ị obodo wẹ rị ichẹn-ichẹn rụ alị, a wụrụ wẹ ihiẹn wẹ gichanrịn kwanị Osolobuẹ!”

Ọgụngụn 30:10

“Omẹni ya lẹ di ẹ bi k'o kwe nkwa mọbụ kun ẹfan Osolobuẹ n'o k'e mẹ ihiẹn,

Ọgụngụn 32:24

“Tụnnị nị nwan ikpoho ụnụ lẹ ụmụ ụnụ ebe w'e bi imẹ alị ndịnị, ụnụ a tụnrụnsọnmẹ ụlọ-anụ anụ ụnụ k'e bi: ka mẹkwọ nị ihiẹn ụnụ gi ọnụ ụnụ ku!”

Matiu 23:16

“Nsọngbu rị e che ụnụ ndị ẹnya-ishi rị e du ịhịan, a sị, ‘Onyẹ kun Ụlọ-NSỌ, onwọnni ihiẹn ọ wụ; kanị, o kun goru rị imẹ Ụlọ-NSỌ, o jẹnkọ d'e mẹzurịrị ihiẹn o kunn'ẹ.’

Matiu 23:18

Ụnụ a sị nị ‘Ịhịan kun ukpo nchụn-ẹjan, onwọnni ihiẹn ọ wụ; kanị o kun oyiye rị elu ẹ, o sikọ d'e mẹzurịrị ihiẹn o kunn'ẹ.’

Ọrụn Ndị-ozi 23:12

Eki e fọn ụtụntụn, ụfọdụ ndị Ju nọ zugbama, kun Osolobuẹ, sị erikọ wẹ, arakọ wẹ, d'e ru ni e gbugụ wẹ Pọlụ.

Ọrụn Ndị-ozi 23:14

Ya wẹ nọ jẹnburu Ndị-isi nchụn-ẹjan lẹ Ndị-isi, sị wẹ, “Ẹnyi e kungụọ Osolobuẹ kwe nkwa nị ẹnyi erikọ ihiẹn ọwụlẹ d'e ru ni ẹnyi e gbugụ Pọlụ.

Ọrụn Ndị-ozi 23:21

Kanị, egọnkwọlẹ wẹ ntịn, makẹni ikẹnnyẹ wẹ karị ọgụnnaị warị ọfịa e che ẹ. E kungụọ wẹ Osolobuẹ, nị erikọ wẹ, arakọ wẹ d'e ru mgbe wẹ gbugụ a; a kwademẹgụọ wẹ nwan e che n'i kweri wẹhẹ ẹ.”

Ndị Kọrẹntị Nke Ẹbụọ 1:23

M rị a kpọ Osolobuẹ n'ọ shịagbu m ẹri omẹni ẹlẹ makẹ m gha a jụgbọka ụnụ haịn m gilẹni bịazị Kọrẹntị.

Ndị Han Eṅẹn 11:11

Ya Jẹfta nọ sọnrin ndị-ichẹn Gilẹdị, ndị Gilẹdị nọ tumẹ ẹ onyẹ-isi wẹ lẹ onyẹ-ọkịkị wẹ. E ru wẹ imẹ Mizpa, Jẹfta nọ nọ ihun Osolobuẹ kudọnzi ihiẹn ile o ku.

Ndị Han Eṅẹn 11:39

Ifọn ẹbụọ ahụn e zugụ, ọ lụaha d'e kunrun nẹdi ẹ. Nẹdi ẹ nọ mẹ ẹ ihiẹn ahụn o kwe nkwa. Ọ marịn okẹnnyẹ. Ebeni kẹ ndị Izrẹlụ gha mẹmẹ ọdịnalịnị hụn