Ọgụngụn 30:12 - Ika

¹² “Kanị di ẹ sị mba ogẹn o gi nụ wẹ, di ẹ a kagbugụọ ihiẹn ile gha a ọnụ pụha, kẹ nkwa o kwe Osolobuẹ kẹ ihiẹn ile o ku. Di ẹ a kagbugụọ wẹ; Osolobuẹ k'a hatu okpoho hụ ye.

Ọgụngụn 30:12 ပူးပေါင်းရင်းမြစ်များ

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 44:19

Ikpoho ndị ahụn nọzị sị, “Kẹ ẹnyi rị a chụnyeni Eze-okpoho Elu-igwee ẹjan w'a dụn ọkụn, a tụyen'ẹ manya, a kpụ donọtụ yin'ẹ, onwọnni hụn ndị di ẹnyi kwadọnlẹni.”

Ọgụngụn 15:25

Onyẹ nchụn-ẹjan sikọ d'e gi wẹ chụn ẹjan gi gbarị isi ndị Izrẹlụ ile, Osolobuẹ a gbagharị wẹ, makẹni ẹlẹ wẹ kpachanpụ ẹnya mẹ ẹ lẹni e gigụọ wẹ ufiri mmẹfie wẹ wẹhẹni Osolobuẹ oyiye w'a dụn ọkụn lẹ ẹjan-njọ.

Ọgụngụn 15:28

Onyẹ nchụn ẹjan k'a nọ ihun Osolobuẹ chụnnị onyẹ ahụn kachanpụlẹni ẹnya mẹ njọ ẹjan gi gbarị isi ẹ. Wẹ gbarịgụ isi ẹ, Osolobuẹ a gbagharị a.

Ọgụngụn 30:11

nị di ẹ a nụ a, kanị onwọnni ihiẹn ọ gwa nwunyẹ ẹ, okpoho hụ k'e mẹrịrị ihiẹn o kwe Osolobuẹ nkwa a lẹ ihiẹn ile o ku.

Ọgụngụn 30:13

Di ẹ nwọn ikẹn kwadọn mọbụ kagbu nkwa ọwụlẹ o kwe Osolobuẹ lẹ ihiẹn ọwụlẹ ọ sị o k'a napụ enwẹn ẹ mọbụ mẹ.

Ọgụngụn 30:5

Kanị, nẹdi ẹ sị mba ogẹn ahụn o gi nụ a, a kagbugụọ wẹ kẹ nkwa kẹ ihiẹn ile ọ sị o k'e mẹ; Osolobuẹ k'a hatu ẹ ye, makẹni nẹdi ẹ a jụgụọ.

Ọgụngụn 30:8

“Kanị, di ẹ nụ a sị mba ogẹn ahụn o gi nụ a, di ẹ a kagbugụọ kẹ nkwa kẹ ihiẹn hụ ile ẹhụ tụ a d'e ku; Osolobuẹ k'a hatu ẹ ye.

Ndị Kọrẹntị Ibuzọ 11:3

M chọ nwan nị ụnụ ghọta nị Kraịstị wụ onyẹ-isi okẹnnyẹ ọwụlẹ, di wụ onyẹ-isi nwunyẹ ẹ, Osolobuẹ wụ onyẹ-isi Kraịstị.

Samuẹlụ Nke Ibuzọ 1:23

Ẹl'kana nọ sị a, “Mẹ hụn ọwụlẹ ka mma ẹnya ị. Nọdị nwan n'ị hagụ a ẹran. Osolobuẹ ya dodo yeni i ẹka mẹzu nkwa ị.” Ya Hana nọ nọdị ụlọ zụn nwata ahụn d'e ru mgbe ọ ha a ẹran.