Ọgụngụn 3:10 - Ika

¹⁰ Tumẹ Ẹrọnụ lẹ ụmụ a nị wẹ rụnma ọrụn ịchụn-ẹjan; wẹ k'e gbu onyẹ ọzọ ọwụlẹ nọkunmẹ Ọdụ-ozuzu hụ.”

Ọgụngụn 3:10 ပူးပေါင်းရင်းမြစ်များ

Samuẹlụ Nke Ẹbụọ 6:7

Osolobuẹ wụ Chuku nọ gi ọnụma sọn Uza makẹni o yen'ẹ mgbaye — Chuku a kụtu ẹ, ọ nọ nwụntọ ụsụọ Ẹkpẹti-nsọ Chuku ebẹhụ.

Ndị-nze Nke Ibuzọ 12:31

Jerobụam nọzịkwọ tụnsọnmẹ ụlọ-mmọn ye ebe jẹn elu, e tumẹsọnmẹ onyẹ ọwụlẹ ọ hụn n'ọ wụrụ ohẹn-mmọn, a chụn ẹjan, ọsụọn'a nị ẹlẹ wẹ ndị Livaị, ndị hụn Osolobuẹ ye ọrụn ndị nchụn-ẹjan.

Ihiẹn Mẹni Nke Ibuzọ 6:32

W'a rụn nị Osolobuẹ ọrụn ịbụ-ẹbụ lẹ ịkpọ-egu rịn'a ihun Ọdụ-Osolobuẹ, Ọdụ-Ozuzu, d'e ru ogẹn wẹ gi shi Ụlọ-nsọ Osolobuẹ imẹ Jerusalẹm kẹ Solomọnụ tụngụ a. Usọnrọn wẹ tumẹni wẹ kẹ wẹ gi rụn ọrụn wẹ.

Nehemiah 6:11

Kanị m nọ sị, “Nị onyẹ nọ kẹ mmẹ gbapụ? Nị onyẹ nọ kẹ mmẹ warị imẹ Ụlọ-NSỌ nị m rị e ghe isi? Ejẹnkọ m!”

Ọpụpụ 29:9

kẹnmẹ wẹ eriri-ukun, fụma wẹ okpu-isi. Ọrụn ndị nchụn-ẹjan jẹnkọ d'a wụsọnmẹ nke Ẹrọnụ lẹ ụmụ a ikẹnnyẹ: iwuni k'a rị jẹnrin-ejẹn. Ẹrịra kẹ y'e dọn tumẹ Ẹrọnụ lẹ ụmụ a ikẹnnyẹ.

Izikẹlụ 44:8

Ụnụ ekwọndọnni ihiẹn m ndị rị nsọ ọhụnma; ụnụ e tumẹrindẹ ndị ụnụ tumẹ nị wẹ lepụma ụlọ-nsọ m ẹnya.

Lẹvitikọsụ 22:10

“Onwọnni onyẹ wụlẹni onyẹ ikpụlọ onyẹ nchụn-ẹjan hụn k'e ri oyiye rị nsọ; kẹ ọbịa kẹ onyẹ-ọrụn a erikọ a.

Ọgụngụn 1:51

O ru obubu, ndị Livaị nwọn tọtu ẹ buru; o ru izumẹn'ẹ, ndị Livaị nwọn mẹ ẹ. Onyẹ ọwụlẹ wụlẹni onyẹ Livaị nọkunmẹ ẹ, wẹ gbu ẹ.

Ọgụngụn 16:10

O wegụọlẹ ụnụ lẹ ndị Livaị umunẹ ụnụ ile nọkunmẹ enwẹn ẹ; ụnụ rị nwan a chọ nị ụnụ wụrụ ndị nchụn-ẹjan?!

Ọgụngụn 16:35

Ọkụn nọ gha ebe Osolobuẹ rị bịa, dụnpụ wẹ madụ iri kwasị ọgụn-mmẹbụọ hụ rị a mụ nsẹnsi.

Ọgụngụn 16:40

nọkẹ kẹ Osolobuẹ dọn zi Mozizi zi ẹ. Ọnwan nwọn a nyanhannị ndị Izrẹlụ n'o nwọnni onyẹ ọzọ k'a bịa d'a mụyeni Osolobuẹ nsẹnsi — wezụka ụmụ Ẹrọnụ; onyẹ ọzọ mụ a, ihiẹn mẹ Kora lẹ ndị sọnn'ẹ e m'ẹ.

Ọgụngụn 18:3

Okpuru i kẹ wẹ k'a rị; wẹ k'a gha a rụn ọrụn ile rị imẹ Ọdụ-nsọ — kanị anọkunmẹkọ wẹ ihiẹn Ọdụ-nsọ ọwụlẹ mọbụ ukpo nchụn-ẹjan, amamgbe ịyụ lẹ wẹ a nwụnhụn.

Ọgụngụn 18:7

Kanị ịyụ lẹ ụmụ ị sụọ k'a wụ ndị a chụn ẹjan rịn'a hụn ihiẹn ile rị ukpo nchụn-ẹjan lẹ azụụn Ẹkwa-mgbọnkin rị imẹ Ọdụ-nsọ sikọ d'a rị ẹka wẹ. M rị e ye ụnụ ọrụn ịchụn-ẹjan n'ọ wụrụ ihiẹn m ye ụnụ. Onyẹ ọzọ nọkunmẹ Ọdụ-nsọ hụ, wẹ k'e gburịrị a.”

Ọgụngụn 3:11

Osolobuẹ sị Mozizi;

Ọgụngụn 3:38

Mozizi lẹ Ẹrọnụ lẹ ụmụ Ẹrọnụ k'e ziẹntọ ihun Ọdụ-ozuzu hụ, azụụn anwụn gha a wa. Uwẹ kẹ ọrụn ilepụnị ndị Izrẹlụ Ọdụ-nsọ ẹnya rịchanrịn ẹka. Onyẹ ọzọ buche ẹka, ọnwụn a rọ.

Ndị Rom 12:7

Omẹni ijẹn-ozi rọ, ya jẹnmẹ ozi; omẹni nkuzi rọ, ya kuzimẹ nkuzi;

Ndị Ẹfẹsọsụ 2:19

Ya wụ, ụnụ ndị alị ọzọ kwerini Jesu ẹlẹzi itumunyẹ; ụnụ ẹlẹzi ndị alị ọzọ. Ụnụ e sọngụọ ndị nke Osolobuẹ, ndị nsọ, wụrụ ụmụ di-alị Alị-eze, ndị ezi-lẹ-ụlọ Osolobuẹ,

Ditrọnọmi 18:5

makẹni Osolobuẹ wụ Chuku ụnụ a ghagụọ imẹ ebọn ụnụ ile họrị wẹ lẹ ụmụ wẹ nị wẹ hụn ụzọ e gi ẹfan Osolobuẹ e wuzo, a rụnn'a ọrụn ogẹn ile.

Hibru 8:4

Omẹni elu-ụwa k'o te rị, o ke wụ onyẹ nchụn-ẹjan kaka, ebe o mẹ ni ndị nchụn-ẹjan hụn a chụn ẹjan kẹ Iwu Mozizi dọn ku hụ a.

Ndị Han Eṅẹn 17:5

Maịka nwọn ụlọ wẹ nọ e fe Chuku; ọ kwa ẹwuru ẹfọdụ ndị nchụn-ẹjan Osolobuẹ; ọ pịnrịnzị mmọn ndị o pịnrịn; o we nwa a okẹnnyẹ ohu tumẹ ohẹn a.

Samuẹlụ Nke Ibuzọ 6:19

Kanị Osolobuẹ gbu ikẹnnyẹ ndị Bẹt-Shẹmẹshi iri kwasị ọgụn ẹtọ makẹni wẹ feye ẹnya imẹ Ẹkpẹti Osolobuẹ hụ. Ndị alị ahụn nọ kwan ọda-ọda yeni ẹka hụ zeni Osolobuẹ gi sọn wẹ.