Ọgụngụn 29:2 - Ika

² Ihiẹn ụnụ k'e gi chụn ẹjan ishin ẹ a sụọ Osolobuẹ wụ nwa-efin ohu, ebulu ohu lẹ ụmụ-atụnrụn ẹsa rịsọnmẹ ahụa ohu-ohu. Wẹ ile sikọ d'a wụchanrịn anụ ẹhụ zu oke.

Ọgụngụn 29:2 ပူးပေါင်းရင်းမြစ်များ

Ẹzra 3:6

Ụhụọhịn ibuzọ imẹ ifọn nke ẹsa kẹ wẹ chụnyemẹni Osolobuẹ ẹjan ahụn w'a dụn ọkụn, kanị wẹ eke gbedọnzimẹ iyetọ Ụlọ-NSỌ Osolobuẹ lẹ enwẹn ẹ ogẹn hụ.

Lẹvitikọsụ 1:3

“Omẹni ẹjan w'a dụn ọkụn rọ, nị efin k'o wela d'e gi chụn ẹjan ahụn, o sikọ d'a wụrịrị okẹn efin ẹhụ a zu oke, o wẹhẹ ẹ ọnụ-mgbọn Ọdụ-nsọ kẹni Osolobuẹ kweri narịn a.

Ọgụngụn 28:19

Ye ni Osolobuẹ oyiye wẹ gi ọkụn e ye, oyiye w'a dụn ọkụn hụn k'a wụ okoro-efin ẹbụọ, ebulu ohu ka ẹhụ lẹ ụmụ-ebulu ẹsa rịsọnmẹ ahụa ohu-ohu ẹhụ zu oke.

Ọgụngụn 28:27

Gi ni ụmụ-efin ẹbụọ lẹ ebulu ohu lẹ ụmụ-atụnrụn ẹsa rịsọnmẹ ahụa ohu-ohu chụn ẹjan w'a dụn ọkụn hụn ishin ẹ a sụọ Osolobuẹ.

Ọgụngụn 29:1

“O ru ụhụọhịn ibuzọ imẹ ifọn nke ẹsa, ụnụ e zu ozuzu rị nsọ. Arụnlẹ ni ọrụn ụnụ ụhụọhịn ahụn. Ụhụọhịn ụnụ sikọ d'e gbu opi (ọdụn) k'ọ wụ.

Ọgụngụn 29:3

Oyiye-ọka wẹ sikọ d'e wecheni okẹn-efin ọwụlẹ wụ ọka wẹ gweriẹn k'e jun mkpu kọstadị-nta isin hụn wẹ gi ofugbọn-olivu gwọ; nke ebulu ohu-ohu k'e jun mkpu kọstadị-nta ohu-lẹ-mkpikpi,

Ọgụngụn 29:36

Chụn ni ẹjan w'a dụn ọkụn, oyiye wẹ gi ọkụn ye hụn ishin ẹ a sụọ Osolobuẹ: okẹn-efin ohu, ebulu ohu lẹ ụmụ-ebulu ẹsa rịsọnmẹ ahụa ohu-ohu. Wẹ ile k'a wụrịrị anụ ẹhụ zu oke.

Ọgụngụn 29:8

Ụnụ a chụn ẹjan w'a dụn ọkụn ishin ẹ a sụọ Osolobuẹ: nwa-efin ohu, ebulu ohu ka ẹhụ lẹ ụmụ-ebulu ẹsa rịsọnmẹ ahụa ohu-ohu. Wẹ ile k'a wụrịrị anụ ẹhụ zu oke.