Ọgụngụn 29:1 - Ika

¹ “O ru ụhụọhịn ibuzọ imẹ ifọn nke ẹsa, ụnụ e zu ozuzu rị nsọ. Arụnlẹ ni ọrụn ụnụ ụhụọhịn ahụn. Ụhụọhịn ụnụ sikọ d'e gbu opi (ọdụn) k'ọ wụ.

Ọgụngụn 29:1 ပူးပေါင်းရင်းမြစ်များ

Zẹkaraya 9:14

Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Ẹzra 3:6

Ụhụọhịn ibuzọ imẹ ifọn nke ẹsa kẹ wẹ chụnyemẹni Osolobuẹ ẹjan ahụn w'a dụn ọkụn, kanị wẹ eke gbedọnzimẹ iyetọ Ụlọ-NSỌ Osolobuẹ lẹ enwẹn ẹ ogẹn hụ.

Ihiẹn Mẹni Nke Ibuzọ 15:28

Ẹrịra kẹ ndị Izrẹlụ ile dọn bulụa Ẹkpẹti Nkwerigbama Osolobuẹ, e yi oro, e gbu opi igwe lẹ ọdụ, a kụ kpajaị (simbalụ), a kpọ ụbọ rị ichẹn-ichẹn.

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Nehemiah 7:73

Ẹrịra kẹ ndị nchụn-ẹjan lẹ ndị Livaị lẹ ndị e che nche ọnụ-mgbọn Ụlọ-nsọ lẹ ụfọdụ ndị-mmaka lẹ ndị ọkụ-ẹbụ lẹ ndị e jẹn ozi Ụlọ-nsọ lẹ ndị Izrẹlụ ndị ọzọ dọn lụahasọnmẹ obodo wẹ. Ifọn nke ẹsa, ndị Izrẹlụ e birigụọ obodo wẹ rị ichẹn-ichẹn,

Ọpụpụ 23:16

“E mẹzikwọ nị Mmẹmmẹ Mkpụrụ-ibuzọ: ihiẹn ibuzọ ụnụ ghọ imẹ ugbo ụnụ kẹ ụnụ e gi e mẹ ẹ. “E mẹ ni Mmẹmmẹ Ịghọkwanma Ihiẹn-ugbo: njẹndemẹ ahụa kẹ ụnụ e gi e mẹ ẹ, ụnụ ghọchanrịngụ ihiẹn ugbo ụnụ.

Ọpụpụ 34:22

“E mẹ ni Mmẹmmẹ Izuka-nke-ẹsa hụn wụ Mmẹmmẹ Mkpụrụ-ibuzọ. Gi ni ọka-witi ibuzọ ụnụ ghọ mẹ ẹ; o ru njẹndemẹ ahụa ụnụ e mẹzikwọ Mmẹmmẹ Ịghọkwanma Ihiẹn-ugbo.

Lẹvitikọsụ 23:23

Osolobuẹ sị Mozizi,

Ọgụngụn 28:26

“O ruzi Ụhụọhịn Ihiẹn-ugbo ibuzọ, hụn ụnụ gi e ye Osolobuẹ oyiye-ọka ọhụn ogẹn mmẹmmẹ Izuka-nke-ẹsa, zu ni ozuzu rị nsọ; arụnlẹ ni ọrụn ụnụ.

Ọgụngụn 29:2

Ihiẹn ụnụ k'e gi chụn ẹjan ishin ẹ a sụọ Osolobuẹ wụ nwa-efin ohu, ebulu ohu lẹ ụmụ-atụnrụn ẹsa rịsọnmẹ ahụa ohu-ohu. Wẹ ile sikọ d'a wụchanrịn anụ ẹhụ zu oke.

Ọgụngụn 29:12

“Ifọn nke ẹsa rị akp'ọhịn mmisẹn, ụnụ e zu ozuzu rị nsọ. Arụnlẹ ni ọrụn ụnụ ụhụọhịn hụ. Ụnụ sikọ d'e mẹni Osolobuẹ mmẹmmẹ akpọhịn ẹsa gha ụhụọhịn hụ jẹnmẹ.

Lẹvitikọsụ 23:7

O ru ụhụọhịn ibuzọ mmẹmmẹ hụ, ụnụ e zu iko rị nsọ; arụnlẹ ni ọrụn ụnụ gi e bi;

Ọgụngụn 29:35

“Nke akp'ọhịn ẹsatọ rịn'a, zu ni ozuzu rị nsọ; arụnlẹ ni ọrụn ụnụ ụhụọhịn hụ.

Nehemiah 8:2

Ya kẹ Ẹzra hụn wụzị onyẹ nchụn-ẹjan nọ wepụha Ẹkụkwọ Iwu ihun igunrun hụ zuni: kẹ ikẹnnyẹ kẹ ikpoho rị ebẹhụ, wẹ lẹ ndị ile k'a sa ẹka ghọta ihiẹn wẹ sikọ d'a gụnnị wẹ. Ihiẹnni mẹ ụhụọhịn ibuzọ imẹ ifọn nke ẹsa.