Ọgụngụn 28:2 - Ika

² “Ye ndị Izrẹlụ iwuni, ‘Hụnn'a nị ụnụ e wẹhẹsọnmẹni m ihiẹn-oriri m w'e gi ọkụn e ye m hụn ishin ẹ a sụọ m, hụn ọwụlẹ lẹ ogẹn wẹ tumẹn'ẹ.’

Ọgụngụn 28:2 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ihiẹn Mẹni Nke Ibuzọ 23:31

lẹ ogẹn ọwụlẹ ndị nchụn-ẹjan gi e wẹhẹni Osolobuẹ ẹjan w'a dụn ọkụn, kẹ Ụhụọhịn Ezumikẹn kẹ Mmẹmmẹ Ifọn-ọhụn kẹ mmẹmmẹ ọwụlẹ wẹ tumẹ imẹ Iwu. Wẹ k'a gha a rụn ọrụn ihun Osolobuẹ ogẹn ile, e zu ọnụ a rụn ọrụn a, e gi usọnrọn wẹ tumẹni wẹ a rụn a.

Ihiẹn Mẹni Nke Ẹbụọ 23:18

Jehoyada nọ bu ọrụn ilepụ Ụlọ-nsọ Osolobuẹ ẹnya che ẹka ndị nchụn-ẹjan makẹni wẹ wụ ndị ebọn Livaị, ndị hụn Defidi keni ọrụn rị Ụnọ-nsọ nị w'a chụnyeni Osolobuẹ ẹjan w'a dụn ọkụn nọkẹ kẹ wẹ dọn de ẹ imẹ Iwu Mozizi, e gi ịghọghọ lẹ ẹbụ e mẹ ẹ nọkẹ kẹ Defidi dọn ku.

Ihiẹn Mẹni Nke Ẹbụọ 31:3

Eze nọ gha imẹ ihiẹn o nwọn ye ihiẹn ndị wẹ gi a chụn ẹjan w'a dụn ọkụn ụtụntụn lẹ ẹnyasị imẹ Ụlọ-nsọ lẹ hụn w'a dụn ọkụn Ụhụọhịn Ezumikẹn ọwụlẹ lẹ Ifọn-Ọhụn lẹ Mmẹmmẹ ndị ọzọ wẹ de imẹ Iwu Osolobuẹ.

Ẹzra 3:2

Jeshụa nwa Jozadakị lẹ ndị nchụn-ẹjan ibe ẹ lẹ Zerubabẹlụ nwa Shiẹtiẹlụ lẹ ibe ẹ nọ rụn ukpo nchụn-ẹjan Chuku Izrẹlụ kẹ w'a rụn a, kẹni wẹ nọ elu ẹ chụmazị ẹjan w'a kpọ ọkụn kẹ wẹ dọn de ẹ imẹ Iwu Mozizi odibo Chuku.

Ẹzra 3:3

A rụnghọ wẹ ukpo nchụn-ẹjan hụ, ọsụọn'a nị egun ndị fihunmẹni wẹ rị a tụ wẹ. Wẹ rụn ye ebẹhụ ukpo nchụn-ẹjan Osolobuẹ rị mbụ. Ya wẹ nọ chụnyemẹni Osolobuẹ ẹjan w'a dụn ọkụn elu ẹ — kẹ ẹjan ụtụntụn kẹ nke ẹnyasị.

Nehemiah 10:34

Ẹnyi ile, kẹ ndị nchụn-ẹjan kẹ ndị Livaị kẹ ndị alị — ẹnyi a nyangụọ utẹn Osolobuẹ gi họrịsọnmẹ ogẹn onyẹ-onyẹ lẹ ikpụlọ a sikọ d'e gi wẹhẹ nkụn imẹ ahụa ụlọ Chuku ẹnyi, nkụn hụn w'e gi a dụn ihiẹn ọkụn elu ukpo nchụn-ẹjan Osolobuẹ Di-nwọnni ẹnyi — kẹ wẹ dọn de ẹ imẹ Iwu.

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ọpụpụ 23:15

“E mẹ ni Mmẹmmẹ Brẹdi Nwẹlẹni Yisti o gi a fụ; ri ni brẹdi wẹ gilẹni yisti mẹmẹ akpọhịn ẹsa, nọkẹ kẹ m dọn gwa ọnụ. Gi ni ogẹn ahụn wẹ tumẹn'ẹ imẹ ifọn ibuzọ wụ Abibu e mẹ ẹ, makẹni ogẹn ahụn kẹ ụnụ gi gha Ijiptu pụha. “Onyẹ ọwụlẹ agbakwọlẹ ẹka bịa ihun m.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Izikẹlụ 16:19

Y'e werizi ihiẹn-oriri m ye i, ezigbo ọka wẹ gweriẹn lẹ ofugbọn-olivu lẹ mirin-ẹnwụn hụn m ye i e ri, kwayesọnmẹni wẹ ese n'o kuntụ wẹ. Mmẹ Osolobuẹ Nwọn Ihiẹn ile rị e ku.

Izikẹlụ 20:41

M k'a nabanhan ụnụ nọkẹ nsẹnsi e kun fuẹin ogẹn m'e gi wepụha ụnụ imẹ ndị alị ichẹn-ichẹn lẹ alị ichẹn-ichẹn wẹ feyesọnmẹ nwan ụnụ, a nọ m idẹnya ndị alị ichẹn-ichẹn ghọsị ụnụ nị m rị nsọ.

Izikẹlụ 45:17

“ ‘Onyẹ-ọkịkị nwọn wepụha ihiẹn wẹ gi chụn ẹjan w'a dụn ọkụn, oyiye-ọka lẹ oyiye-manya — oyiye ndịnị w'e ye ogẹn Mmẹmmẹ ndị ahụn m tumẹni ụnụ, Ifọn Pụ lẹ Ezumikẹn ichẹn-ichẹn lẹ mmẹmmẹ ile Izrẹlụ e mẹ. Onyẹ-ọkịkị sikọ d'e wẹhẹ ẹjan-njọ lẹ oyiye-ọka lẹ oyiye-manya lẹ ẹjan w'a dụn ọkụn lẹ ẹjan-ekele, nị wẹ gi gbarị isi ndị Izrẹlụ.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17

Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 21:6

Wẹ k'a rịnị Osolobuẹ nsọ; wẹ ebudankwọlẹ ẹfan Osolobuẹ. Ebe o mẹ ni uwẹ a chụnyeni Osolobuẹ ẹjan ndị hụ wẹ gi ọkụn e ye ẹ, ihiẹn-oriri Osolobuẹ wẹ, wẹ k'a rị nsọ.

Lẹvitikọsụ 21:8

Weri ni wẹ kẹ ndị rị nsọ, makẹni uwẹ nwọn e bu ihiẹn-oriri Chuku ụnụ e ye ẹ. Weri ni wẹ kẹ ndị rị nsọ, makẹni Mmẹ hụn wụ Osolobuẹ, m rị nsọ — mmẹ hụn mẹ ụnụ a rị nsọ.

Lẹvitikọsụ 3:11

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye Osolobuẹ.

Malakaị 1:12

Kanị ụnụ hụ e budan ẹfan m ebe ụnụ rị e mẹ teburu Onyẹ-nwọn ihiẹn ile nọkẹ ihiẹn rụnị, e lelịa ihiẹn-oriri ẹ;

Malakaị 1:7

Ẹjan ndịnị rụnị ụnụ rị a chụnyeni m elu ukpo nchụn-ẹjan m kẹ ụnụ gi e budan ẹfan m. “Ụnụ sị, ‘Nanị ẹnyi dọn mẹrụ ihiẹn i?’ Teburu Osolobuẹ ụnụ rị a kpọ ihiẹn mmakalaka kẹ ụnụ gi e mẹrụ ihiẹn m.

Ọgụngụn 15:24

ụnụ dan a bụ onwọnni onyẹ rị imẹ igunrun ụnụ ẹnya a ru, ụnụ akpachanpụnị ẹnya mẹ ẹ, alị ile jẹnkọ d'e wẹhẹ okoro-efin d'e ye oyiye wẹ gi ọkụn e ye n'ọ wụrụ oyiye hụn ishin ẹ a sụọ Osolobuẹ — ịya lẹ oyiye-ọka a lẹ oyiye manya w'e wechen'ẹ lẹ mkpịn wẹ k'e gi chụn ẹjan-njọ.

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 15:7

wezi ni oyiye-manya chen'ẹ, manya k'e jun mkpu kọstadị ohu lẹ nkirishi, ụnụ e gi wẹ ile chụnyeni Osolobuẹ ẹjan hụn ishin ẹ a sụọ a.

Ọgụngụn 28:1

Osolobuẹ sị Mozizi,

Ọgụngụn 29:39

“Ihiẹn ndị hụ ile kẹ ụnụ sikọ d'a gha e ye Osolobuẹ, ogẹn wẹ ru — cheni ndị hụ ụnụ gi e mẹzu nkwa ụnụ kwe Osolobuẹ lẹ oyiye ndị hụn gha ụnụ obi a pụha; uwẹ kẹ ụnụ e gi chụn ẹjan w'a dụn ọkụn lẹ oyiye-ọka lẹ oyiye-manya lẹ ẹjan-ekele.”

Ọgụngụn 9:13

Kanị omẹni ịhịan enwọn ihiẹn o gi rụ, omẹni onwọnni ebe ịhịan jẹn, bụ o mẹni Mmẹmmẹ-nghafe, wẹ k'e bepụ onyẹ hụ imẹ ndị nke ẹ, makẹni o yeni oyiye Osolobuẹ ogẹn oyiye hụ. Onyẹ hụ k'e gi isi ẹ buru njọ a.

Ọgụngụn 9:7

sị Mozizi, “Ẹhụ ẹnyi a hụarịọlẹ ozun, mẹrụ enwẹn ẹnyi — kanị nị wẹ gi nwan ọhụn gbọndọn ẹnyi esọnlẹ ndị Izrẹlụ ibe ẹnyi ye oyiye Osolobuẹ ogẹn oyiye hụ?”

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.