Ọgụngụn 28:11 - Ika

¹¹ “O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ọgụngụn 28:11 ပူးပေါင်းရင်းမြစ်များ

Ndị-nze Nke Ẹbụọ 4:23

Di ẹ nọ sị a, “K'i k'e kunrunn'ẹ tannị? Onwọnni ofufe rị ichẹn rị tannị — kẹ mmẹmmẹ ifọn-ọhụn kẹ ụhụọhịn Ezumikẹn.” Okpoho hụ nọ sị a, “Nsọngbu arịa.”

Ihiẹn Mẹni Nke Ibuzọ 23:31

lẹ ogẹn ọwụlẹ ndị nchụn-ẹjan gi e wẹhẹni Osolobuẹ ẹjan w'a dụn ọkụn, kẹ Ụhụọhịn Ezumikẹn kẹ Mmẹmmẹ Ifọn-ọhụn kẹ mmẹmmẹ ọwụlẹ wẹ tumẹ imẹ Iwu. Wẹ k'a gha a rụn ọrụn ihun Osolobuẹ ogẹn ile, e zu ọnụ a rụn ọrụn a, e gi usọnrọn wẹ tumẹni wẹ a rụn a.

Ihiẹn Mẹni Nke Ẹbụọ 2:3

Ya Solomọnụ nọ zi ozini jẹnni Hiram wụ eze Taya: Sị a, “Zihẹni m ogwe sida k'i dọn mẹni nẹdi m wụ Defidi ogẹn ahụn i gi zihẹn'ẹ sida o gi tụn obi-eze ẹ.

Ihiẹn Mẹni Nke Ẹbụọ 2:4

M jẹnkọ nwan d'a tụn Ụlọ-nsọ makẹ Ẹfan Osolobuẹ wụ Chuku m, we ẹ kwan'a, nị w'a nọ a a mụn'a nsẹnsi e shin ọhụnma, e bu brẹdi w'e wepụhan'a ogẹn ile a tọn'a ebẹhụ; nị w'a nọzị ebahụn a chụnyen'ẹ ẹjan ndị w'a dụn ọkụn ụtụntụn lẹ ẹnyasị ile lẹ ụhụọhịn Ezumikẹn lẹ Ifọn-Ọhụn ile lẹ ogẹn mmẹmmẹ ndị wẹ tumẹsọnmẹ hụn wẹ mẹni Osolobuẹ wụ Chuku ẹnyi. Ọnwan wụ ọdịnalị o sị ndị Izrẹlụ k'e mẹferi.

Ihiẹn Mẹni Nke Ẹbụọ 8:13

nọkẹ kẹ Mozizi dọn gwa wẹ imẹ Iwu nị w'a chụn ẹjan ụhụọhịn ichẹn-ichẹn, kẹ Ụhụọhịn Ezumikẹn kẹ Ifọn-Ọhụn kẹ Mmẹmmẹ ẹtọ hụ w'e mẹ ahụa-ahụa: Mmẹmmẹ Brẹdi Nwọnlẹni yisti o gi a fụ, Mmẹmmẹ Izuka-nke-ẹsa (Ịghọkwama Ihiẹn-ugbo) lẹ Mmẹmmẹ Ibi-imẹ-ọdụ.

Ẹzra 3:5

Omẹgụ, wẹ nọ chụnye ẹjan w'a kpọ ọkụn: kẹ hụn w'a chụn ogẹn ile kẹ ẹjan Ifọn-ọhụn kẹ ndị w'a chụn ogẹn Mmẹmmẹ nsọ Osolobuẹ ile lẹzi oyiye ndị gha wẹ obi pụha hụn wẹ wẹhẹsọnmẹ d'e ye Osolobuẹ.

Nehemiah 10:33

kẹ imẹmẹsọnmẹ brẹdi hụ w'e butọ elu teburu ihun Osolobuẹ kẹ ọka lẹ ẹjan w'a dụn ọkụn hụn w'a chụnye ụhụọhịn-ụhụọhịn kẹ oyiye ndị w'e ye Ụhụọhịn Ezumikẹn rị ichẹn-ichẹn lẹ ifọn ọhụn ọwụlẹ lẹ mmẹmmẹ ndị wẹ tumẹsọnmẹ imẹ Iwu; kẹ oyiye ichẹn-ichẹn rị nsọ w'e yesọnmẹ kẹ ẹjan-njọ wẹ gi a gbarị isi ndị Izrẹlụ; wẹ gizikwọ a a rụn ihiẹn ile w'a rụn imẹ ụlọ Chuku ẹnyi.

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ẹbụ-ọma 81:4

Iwu alị Izrẹlụ rọ, omẹnalị hụn Chuku Jekọpụ sị wẹ mẹsọnmẹ.

Azaya 66:23

Osolobuẹ sị, “Ịhịan ile rị elu-ụwa k'a rị a bịa d'e fe m gha ifọn d'e ru ifọn, gha Ụhụọhịn Ezumikẹn d'e ru Ụhụọhịn Ezumikẹn.

Izikẹlụ 46:1

“ ‘Osolobuẹ Nwọn Ihiẹn Ile sị: Wẹ k'a kpọkin ọnụ-mgbọn hụn rị ezi ọgwa rị imẹ, hụn rị ibe ọwụwa-ẹnyanwụn, ọrọgbọ akpọhịn isin wẹ gi a rụn ọrụn. Kanị, wẹ k'a kpọpụ a ụhụọhịn Ezumikẹn lẹ ụhụọhịn mmẹmmẹ ifọn gi pụ.

Izikẹlụ 46:6

“ ‘Ụhụọhịn ifọn pụ, o k'e wẹhẹ nwa okẹn-efin ẹhụ a zu oke, ụmụ atụnrụn isin lẹ ebulu ohu ẹhụ wẹ zu oke.

Izikẹlụ 46:7

Ọka jun adana-ẹfa k'e sọn nwa okẹn-efin ahụn, hụn jun ẹfa ohu e sọn ebulu hụ, o we hụn o k'a saẹka ye cheni mmụ atụnrụn isin ahụn, o we galọnụ ofigbọn-olivu cheni adana ọka ohu-ohu.

Hosia 2:11

M k'a kụsị mmẹmmẹ wẹ ile: kẹ ndị wẹ e mẹ ahụa-ahụa, kẹ hụn Ifọn gi pụ kẹ Ụhụọhịn Ezumikẹn, mmẹmmẹ-ofufe ile wẹ tumẹni wẹ.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:3

“Omẹni ẹjan w'a dụn ọkụn rọ, nị efin k'o wela d'e gi chụn ẹjan ahụn, o sikọ d'a wụrịrị okẹn efin ẹhụ a zu oke, o wẹhẹ ẹ ọnụ-mgbọn Ọdụ-nsọ kẹni Osolobuẹ kweri narịn a.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Emọsụ 3:5

Nị nnụnụ dan ọnyan omẹni onwọnni ọnyan wẹ shitọn'a? Nị ọnyan tifie omẹni onwọnni ihiẹn dann'a?

Emọsụ 8:5

a sị, “Mmẹmmẹ Ifọn gi pụ ya mẹdẹ nwan n'ọ gụ, nị ẹnyi hụn ụzọ re ọka ẹnyi! Ụhụọhịn Ezumikẹn ya mẹdẹ nwan n'ọ gụ, nị ẹnyi d'e remẹzi ọka! Ẹnyi k'e bebelụa mkpu ẹnyi, bushi ọnụ a elu, gidẹ eje-mkpu zụ afịa-mmẹgbu;

Ọgụngụn 10:10

E gbuzikwọ nị opi ndị ahụn ogẹn ụnụ gi a ghọghọ — ogẹn mmẹmmẹ ndị ahụn wẹ kayesọnmẹ ni ụnụ lẹ mmẹmmẹ Ifọn Ọhụn; e gbu ni opi ndị ahụn ụnụ gha a chụn ẹjan ụnụ w'a dụn ọkụn lẹ ẹjan-ekele ụnụ, a wụrụ wẹ ihiẹn Chuku ụnụ e gi nyanhan ụnụ. Mmẹ wụ Osolobuẹ, Chuku ụnụ.”

Ọgụngụn 28:19

Ye ni Osolobuẹ oyiye wẹ gi ọkụn e ye, oyiye w'a dụn ọkụn hụn k'a wụ okoro-efin ẹbụọ, ebulu ohu ka ẹhụ lẹ ụmụ-ebulu ẹsa rịsọnmẹ ahụa ohu-ohu ẹhụ zu oke.

Ndị Galeshịa 4:10

Ụnụ rị nwan a gbaye ụhụọhịn lẹ ifọn lẹ ogẹn lẹ ahụa ichẹn-ichẹn!

Ndị Kolosị 2:16

Anịlẹ ni wẹ nwan gi oku ihiẹn-oriri lẹ ihiẹn-ọrịra ma ụnụ ikpe, mọbụ oku mmẹmmẹ ọwụlẹ mọbụ Mmẹmmẹ ifọn-ọhụn mọbụ Ụhụọhịn Ezumikẹn rị ichẹn-ichẹn.

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Samuẹlụ Nke Ibuzọ 20:5

Defidi nọ sị a, “Lee ẹ, eki wụ Mmẹmmẹ Ifọn-ọhụn, mmẹ lẹ eze te k'e ri ihiẹn-oriri; kanị, nị m jẹn d'a warị imẹ ugbo d'e ru ẹnyasị nwẹnẹ-eki.

Samuẹlụ Nke Ibuzọ 9:12

Wẹ nọ sị, “Ọ hụ a; ọ rị ụnụ ihun. Jẹnkẹrinkwọ nị; ọ rịhụ a banhan imẹ obodoni tannị, makẹni ndị nke ẹnyi jẹnkọ d'a chụn ẹjan elu-ugu.