Ọgụngụn 28:1 - Ika

¹ Osolobuẹ sị Mozizi,

Ọgụngụn 28:1 ပူးပေါင်းရင်းမြစ်များ

Ihiẹn Mẹni Nke Ibuzọ 23:31

lẹ ogẹn ọwụlẹ ndị nchụn-ẹjan gi e wẹhẹni Osolobuẹ ẹjan w'a dụn ọkụn, kẹ Ụhụọhịn Ezumikẹn kẹ Mmẹmmẹ Ifọn-ọhụn kẹ mmẹmmẹ ọwụlẹ wẹ tumẹ imẹ Iwu. Wẹ k'a gha a rụn ọrụn ihun Osolobuẹ ogẹn ile, e zu ọnụ a rụn ọrụn a, e gi usọnrọn wẹ tumẹni wẹ a rụn a.

Ihiẹn Mẹni Nke Ẹbụọ 2:4

M jẹnkọ nwan d'a tụn Ụlọ-nsọ makẹ Ẹfan Osolobuẹ wụ Chuku m, we ẹ kwan'a, nị w'a nọ a a mụn'a nsẹnsi e shin ọhụnma, e bu brẹdi w'e wepụhan'a ogẹn ile a tọn'a ebẹhụ; nị w'a nọzị ebahụn a chụnyen'ẹ ẹjan ndị w'a dụn ọkụn ụtụntụn lẹ ẹnyasị ile lẹ ụhụọhịn Ezumikẹn lẹ Ifọn-Ọhụn ile lẹ ogẹn mmẹmmẹ ndị wẹ tumẹsọnmẹ hụn wẹ mẹni Osolobuẹ wụ Chuku ẹnyi. Ọnwan wụ ọdịnalị o sị ndị Izrẹlụ k'e mẹferi.

Ihiẹn Mẹni Nke Ẹbụọ 23:18

Jehoyada nọ bu ọrụn ilepụ Ụlọ-nsọ Osolobuẹ ẹnya che ẹka ndị nchụn-ẹjan makẹni wẹ wụ ndị ebọn Livaị, ndị hụn Defidi keni ọrụn rị Ụnọ-nsọ nị w'a chụnyeni Osolobuẹ ẹjan w'a dụn ọkụn nọkẹ kẹ wẹ dọn de ẹ imẹ Iwu Mozizi, e gi ịghọghọ lẹ ẹbụ e mẹ ẹ nọkẹ kẹ Defidi dọn ku.

Ihiẹn Mẹni Nke Ẹbụọ 31:3

Eze nọ gha imẹ ihiẹn o nwọn ye ihiẹn ndị wẹ gi a chụn ẹjan w'a dụn ọkụn ụtụntụn lẹ ẹnyasị imẹ Ụlọ-nsọ lẹ hụn w'a dụn ọkụn Ụhụọhịn Ezumikẹn ọwụlẹ lẹ Ifọn-Ọhụn lẹ Mmẹmmẹ ndị ọzọ wẹ de imẹ Iwu Osolobuẹ.

Ihiẹn Mẹni Nke Ẹbụọ 8:13

nọkẹ kẹ Mozizi dọn gwa wẹ imẹ Iwu nị w'a chụn ẹjan ụhụọhịn ichẹn-ichẹn, kẹ Ụhụọhịn Ezumikẹn kẹ Ifọn-Ọhụn kẹ Mmẹmmẹ ẹtọ hụ w'e mẹ ahụa-ahụa: Mmẹmmẹ Brẹdi Nwọnlẹni yisti o gi a fụ, Mmẹmmẹ Izuka-nke-ẹsa (Ịghọkwama Ihiẹn-ugbo) lẹ Mmẹmmẹ Ibi-imẹ-ọdụ.

Ẹzra 6:9

Ihiẹn ọwụlẹ wẹ chọ — kẹ okoro-efin kẹ ebulu kẹ atụnrụn w'e gi chụnyeni Chuku elu-igwee ẹjan w'a kpọ ọkụn, kẹ ọka-witi kẹ nnu kẹ manya kẹ ofugbọn-olivu — wẹ ye ndị nchụn-ẹjan rị imẹ Jerusalẹm ya ụhụọhịn-ụhụọhịn kẹ wẹ dọn ku, egberikwọlẹ ni,

Nehemiah 10:33

kẹ imẹmẹsọnmẹ brẹdi hụ w'e butọ elu teburu ihun Osolobuẹ kẹ ọka lẹ ẹjan w'a dụn ọkụn hụn w'a chụnye ụhụọhịn-ụhụọhịn kẹ oyiye ndị w'e ye Ụhụọhịn Ezumikẹn rị ichẹn-ichẹn lẹ ifọn ọhụn ọwụlẹ lẹ mmẹmmẹ ndị wẹ tumẹsọnmẹ imẹ Iwu; kẹ oyiye ichẹn-ichẹn rị nsọ w'e yesọnmẹ kẹ ẹjan-njọ wẹ gi a gbarị isi ndị Izrẹlụ; wẹ gizikwọ a a rụn ihiẹn ile w'a rụn imẹ ụlọ Chuku ẹnyi.

Azaya 1:13

Wẹhẹbehi ni ni m oyiye nwọnlẹni-isi! Nsẹnsi ụnụ a rụgụọdẹ ẹnya m. Kẹ Mmẹmmẹ Ifọn-ọhụn ụnụ kẹ Ụhụọhịn Ezumikẹn ichẹn-ichẹn ụnụ gi e fe m kẹ Ozuzu ofufe ichẹn-ichẹn ụnụ, Asa m ẹka dinzi: e mẹ njọ e zuzi ozuzu-nsọ ndịnị!!

Izikẹlụ 44:24

“ ‘Ndị nchụn-ẹjan k'a gha e dọnzi oku, e gi iwu m a hannị wẹ eṅẹn. Wẹ k'a gha e gi iwu m lẹ usọnrọn m tumẹni wẹ e mẹ mmẹmmẹ nsọ ichẹn-ichẹn, e dọnmẹ Ụhụọhịn Ezumikẹn m rị ichẹn-ichẹn nsọ.

Izikẹlụ 45:17

“ ‘Onyẹ-ọkịkị nwọn wepụha ihiẹn wẹ gi chụn ẹjan w'a dụn ọkụn, oyiye-ọka lẹ oyiye-manya — oyiye ndịnị w'e ye ogẹn Mmẹmmẹ ndị ahụn m tumẹni ụnụ, Ifọn Pụ lẹ Ezumikẹn ichẹn-ichẹn lẹ mmẹmmẹ ile Izrẹlụ e mẹ. Onyẹ-ọkịkị sikọ d'e wẹhẹ ẹjan-njọ lẹ oyiye-ọka lẹ oyiye-manya lẹ ẹjan w'a dụn ọkụn lẹ ẹjan-ekele, nị wẹ gi gbarị isi ndị Izrẹlụ.

Izikẹlụ 46:11

“ ‘Ogẹn mmẹmmẹ lẹ ogẹn ichẹn-ichẹn wẹ kaye wẹ gi e mẹ wẹ, adana ọka ohu lẹ okẹn-efin ohu k'a wị, adana ohu lẹ ebulu ohu, o weri ọka hụn o k'a saẹka ye cheni ụmụ atụnrụn ndị hụ, we galọnụ ofugbọn-olivu cheni adana ọka ohu-ohu.

Lẹvitikọsụ 9:15

Ya ọ nọ wẹhẹ hụn wẹ k'e gi chụnnị ndị alị ẹjan: o weri ewu wẹ gi chụn ẹjan-njọ wẹ, gbu ẹ, gi chụn ẹjan-njọ k'o dọn mẹ nke ibuzọ.

Ọgụngụn 27:23

Mozizi nọ bu ẹka kwasị a isi tumẹ ẹ, nọkẹ kẹ Osolobuẹ dọn ku ghahanị Mozizi.

Ọgụngụn 28:2

“Ye ndị Izrẹlụ iwuni, ‘Hụnn'a nị ụnụ e wẹhẹsọnmẹni m ihiẹn-oriri m w'e gi ọkụn e ye m hụn ishin ẹ a sụọ m, hụn ọwụlẹ lẹ ogẹn wẹ tumẹn'ẹ.’

Ọgụngụn 7:15

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Ndị Galeshịa 4:10

Ụnụ rị nwan a gbaye ụhụọhịn lẹ ifọn lẹ ogẹn lẹ ahụa ichẹn-ichẹn!

Ndị Kolosị 2:16

Anịlẹ ni wẹ nwan gi oku ihiẹn-oriri lẹ ihiẹn-ọrịra ma ụnụ ikpe, mọbụ oku mmẹmmẹ ọwụlẹ mọbụ Mmẹmmẹ ifọn-ọhụn mọbụ Ụhụọhịn Ezumikẹn rị ichẹn-ichẹn.