Ọgụngụn 24:9 - Ika

⁹ Izrẹlụ a makpuru, o dinẹ, nọkẹ ẹwọrọ, rịkẹ onyẹnnyẹ-ẹwọrọ: onyẹ kẹ egun a nị kpọtiẹn ẹ?! Ngọzi ya rịnị ndị gọzini ụnụ, ịbụ-ọnụ ya rịnị ndị bụ ụnụ ọnụ!”

Ọgụngụn 24:9 ပူးပေါင်းရင်းမြစ်များ

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 27:29

Ndị alị ichẹn-ichẹn wẹ wụrụ idibo i, alị ichẹn-ichẹn wẹ kụn'ị isi alị; umunẹ i wẹ rị okpuru i — ẹghẹẹ, ụmụ ile nnẹ i mụ wẹ kụn'ị isi alị. Ọbụbụ-ọnụ ya rịnị onyẹ ọwụlẹ hụn k'a bụ ị ọnụ; ngọzi ya rịnị onyẹ ọwụlẹ hụn k'a gọzin'i.”

Jẹnẹsisi 49:9

Juda, okoro ẹwọrọ k'ị wụ, nwa m: o gbu, o ri, o lihi; ọ tịn ẹhụ, makpuru nọkẹ onyẹnnyẹ-ẹwọrọ; onyẹ kẹ egun a nị kpọtiẹn ẹ?!

Ndị-nze Nke Ibuzọ 10:20

Ẹwọrọ mmẹbụọ wẹ kpụ wuzosọnmẹ mgbanyinrin isin ahụn: mgbanyinrin ohu-ohu nwọnsọnmẹ ẹwọrọ ohu-ohu azụụnnị lẹ azụụnnị. Emẹmẹtuni wẹ ụdị a imẹ alị-eze ọwụlẹ.

Ihiẹn Mẹni Nke Ẹbụọ 9:18

Mkpọnyin isin kẹ w'e nyinrin d'a nọdị alị ukpo-eze ahụn; ukpo-eze ahụn nwọn ihiẹn-goru rịn'a w'a tụkwasị ụkụ hụn wẹ rụngbama ya lẹ ịya. Ẹka rị ocho ahụn ụsụọnị lẹ ụsụọnị; ẹwọrọ ohu-ohu wẹ kpụ wuzo ụsụọ ohu-ohu.

Ẹsta 6:13

ọ nọ gwa nwunyẹ ẹ wụ Zẹrẹshi lẹ ndị ọwụ a ihiẹn ile mẹn'ẹ. Ndị a dụn a ọdụn lẹ Zẹrẹshi nwunyẹ ẹ nọ sị a, “Omẹni onyẹ Ju kẹ Mọdikaya wụ bụ oku ẹ e gbumẹgụọlẹ ị, onwọnni nwan ihiẹn i k'a saẹka mẹ ẹ — n'o mẹdẹ i nwan dangungwọn!”

Jobu 41:10

Onwọnni onyẹ egun a nị a kpọtiẹn ẹ. “Onyẹ kẹ egun k'a nị nwan che m ọgụn?

Ẹbụ-ọma 122:6

A rịọ nị n'ọ rịnị Jerusalẹm mma: sị nị, “Ya rịnị ndị ihiẹn i a sụọ mma.

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ọpụpụ 23:22

I gọn ẹ ntịn ọhụnma-ọhụnma, mẹchanrịn ihiẹn ile m ku, m k'a wụ eṅẹnrẹn ndị iṅẹnrẹn i, wụrụ onyẹ iwe ndị iwe i.

Azaya 31:4

Kanị, nke Osolobuẹ, ọ sị m, “Ẹwọrọ mọbụ nwa-ẹwọrọ gbu anụ, o ri ẹ, e dẹn; ọsụọn'a nị wẹ zidẹ igunrun ndị e du anụ d'a maye ẹ, onwọnni oro wẹ yi e mẹhunmẹn'ẹ; onwọnni ụzụn wẹ zụn o gi e dọn — o risọnmẹ ihiẹn ọ rị e ri. Ẹrịra kẹ Osolobuẹ k'a dọn lụnị ugu Zayọnụ ọgụn, o lekọ ẹnya azụụn.

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Ọgụngụn 22:12

Kanị Osolobuẹ nọ sị Balaam, “Y'e esọnkọ wẹ; y'a bukọ ndị ahụn ọnụ, makẹni wẹ wụ ndị wẹ gọzi agọzi.”

Ọgụngụn 22:6

Bịa nwan d'a bụ ndịnị ọnụ, n'a karịka wẹ m ẹka! Ikẹnkwọ ị bụgụ wẹ ọnụ, ọ nị m mẹri wẹ chụpụ. Makẹni, a marịnghọ m nị ị gọzi ịhịan, ọ wụrụ onyẹ wẹ gọzi; ị bụ ịhịan ọnụ, ọ wụrụ onyẹ wẹ bụ ọnụ.”

Ọgụngụn 23:24

“Ndịnị k'e heli nọkẹ onyẹnnyẹ-ẹwọrọ; wẹ k'e lihi nọkẹ ẹwọrọ — ẹwọrọ hụn ghalẹni e zu ikẹn d'e ru mgbe o rigụ ihiẹn o gbu, ragụ ẹdeke ihiẹn hụ o gbu.”

Ọgụngụn 24:10

Ya kẹ Balakị nọ bumẹni Balaam olulu ọda-ọda: ọ kpọ ẹka, sị Balaam, “M kpọ ị d'a bụ ndị-iṅẹnrẹn m ọnụ, kanị ngọzi k'i gọzi wẹ mgbe ẹtọnị!

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 25:45

O jẹnkọ d'a za wẹ, sị, ‘Ezioku kẹ m rị a gwa ụnụ, ebe ụnụ nọlẹni mẹni onyẹ hụn kachanrịndẹ ntịn imẹ ndịnị ya, ụnụ emẹnini m'ẹ.’

Ọrụn Ndị-ozi 9:5

Ọ nọ sị, “Di-nwọnni m, onyẹ k'ị wụ?” Olu hụ nọ sị, “Mmẹ wụ Jizọsị ị rị e kpokpo.

Ditrọnọmi 30:7

Osolobuẹ wụ Chuku ụnụ k'e bu ọnụ-ẹsọn ndịnị ile kwasị ndị-iṅẹnrẹn ụnụ hụn e we iwe ụnụ, e kpokpo ụnụ.