Ọgụngụn 24:6 - Ika

⁶ A shịshịapụ wẹ nọkẹ odoro-ọkẹtẹ rị ọdanmgbugbu; rịkẹ ugbo rịsọnmẹ mkpẹnrẹn mirin; nọkẹ alo-vẹra Osolobuẹ lẹ enwẹn ẹ kụn; nọkẹ osisi sida rịsọnmẹ mkpẹnrẹn mirin!

Ọgụngụn 24:6 ပူးပေါင်းရင်းမြစ်များ

Jẹnẹsisi 13:10

Lọtụ e lee ẹnya, hụn a nị alị-aradan Jọdanị, ibe sikọ Zụa, e nwọnhẹn mirin ọhụnma-ọhụnma nọkẹ ugbo-nta Osolobuẹ, nọkẹ alị Ijiptu. (Osolobuẹ eke tikpọ alị Sodọm lẹ Gomora ogẹn ahụn.)

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Ẹbụ-ọma 104:16

Osisi Osolobuẹ kụn a hụnzịkwọ mirin a ra ọhụnma-ọhụnma okẹn-osisi sida alị Lẹbanọnụ hụn Osolobuẹ kụn.

Ẹbụ-ọma 45:8

Ẹwuru i ile hụ e kun fuẹin yeni maa lẹ alo lẹ kashịa junni wẹ; ndị egu i hụ a kpọn'ị ụbọ imẹ obi-eze wẹ gi ihiẹn eze-enyichọ mma.

Ẹbụ Solomọnụ 6:11

M jẹn odoro osisi wọnọtụ d'e lee ihiẹn-akụnkụn ndị rị e sue nke ọhụn imẹ ọdanmgbugbu, kẹni m hụn kẹ vaịnị a fọmagụọ ẹhụhụọ kẹ gova-pomegraneti e mẹmẹgụọ obobo.

Azaya 41:19

M k'e mẹ atụ họnrin ẹgboko mẹ okẹn-osisi sida lẹ akashịa lẹ mẹtụlụ lẹ olivu suemẹ ebẹhụ; mẹ osisi-paịnị jun alị ọkpọ-nkụn, ya lẹ osisi fẹ lẹ saịprẹsị,

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Jerimaya 17:18

Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Izikẹlụ 47:12

“Ụdị osisi ọwụlẹ a mị mkpụrụ w'e ri k'a rị e sue mkpẹnrẹn iyini azụụnnị lẹ azụụnnị. Agbụkọ wẹ ẹhụhụọ, mkpụrụ agụkọ elu wẹ. Ifọn ile kẹ w'e gi a mị mkpụrụ, makẹni mirin wẹ rị a ra gha Ụnọ-NSỌ e hupụha. Mkpụrụ wẹ k'a wụ ihiẹn-oriri, ẹhụhụọ wẹ a wụrụ ọgụn.”

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Ọgụngụn 24:5

“Euu ebọn Jekọpụ, ọdụ ị ile a maka mma! Euu ndị Izrẹlụ, ebe ile ụnụ ziẹntọsọnmẹ a maka mma!