Ọgụngụn 24:17 - Ika

¹⁷ M hụ a hụn a — kanị ẹlẹ ihiẹn kikẹnni; m hụ e legha a — kanị ẹlẹ ihiẹn ẹhụ nsue. Kokisẹ ohu k'a gha ebọn Jekọpụ pụha; Ọkpọ-eze k'a gha imẹ Izrẹlụ pụha. O k'a kụkpụkpọ alị Mụabụ ezimezi ihun, kụkpụkpọ wẹ ile wụ ndị Shẹti okpokomisi.

Ọgụngụn 24:17 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Samuẹlụ Nke Ẹbụọ 8:14

Defidi nọ butọsọnmẹ ndị-agha imẹ Ẹdọm ile, ndị Ẹdọm ile nọ rị okpuru Defidi. Osolobuẹ mẹ Defidi mẹri ebe ọwụlẹ o jẹn.

Samuẹlụ Nke Ẹbụọ 8:2

Defidi e mẹrizighọ ndị Mụabụ. O mẹrigụ wẹ, ọ nọ sị wẹ dinẹ alị, gi mgbata eriri masọnmẹ wẹ ebẹhụ wẹ dinẹ: ọ ma mgbata ẹbụọ, o gbu ndị rịn'a, dọnmẹ ndị hụn mẹ ẹ mgbata ẹtọ ndụn. Ya ndị Mụabụ nọ ban okpuru Defidi, a tụhan'a ụtụ-isi.

Ndị-nze Nke Ẹbụọ 3:5

Kanị, ogẹn Ehabụ gi nwụnhụngụ, eze Mụabụ nọ sị ọ kụkọzị eze Izrẹlụ Ẹbamịn ugu ụgwọ-isi.

Ihiẹn Mẹni Nke Ibuzọ 18:2

Defidi e mẹrizi ndị Mụabụ, wẹ nọ rị okpuru ẹ, a tụhan'a ụtụ wẹ gi e fe ẹ.

Ẹbụ-ọma 110:2

Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

Ẹbụ-ọma 45:6

Chuku, ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i;

Azaya 15:1

Ọnwan wụ ihiẹn Osolobuẹ ku banyeni alị Mụabụ: E tikpọ wẹ obodo Arẹ rị alị Mụabụ la iwi, e gi wẹ akpụ uhinhin ohu sụọ tikpọ a! E tikpọzịkwọ wẹ Kiri rị alị Mụabụ la iwi; e gi wẹ akpụ uhinhin ohu sụọ tikpọ a!

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 48:1

Ọnwan wụ ihiẹn Osolobuẹ ihiẹn ile ri okpuru ẹ, hụn wụ Chuku Izrẹlụ ku banyeni alị Mụabụ: “Nke alị Nebo rị Mụabụ a gụgụọ, makẹni wẹ sikọ d'e tikpọrịrị a! Ụya k'e ri alị Kiriataim rị Mụabụ, makẹni w'e k'e mẹri ẹ weri; ụya k'e ri ebẹhụ wẹ gi dọn ẹnya; wẹ k'a kụkpọ a.

Jerimaya 48:45

“Ndị gbakọnị agha sikọ d'a gbaha Hẹsh'bọnụ, wẹ lẹ ndụn gụnị wẹ; Hẹsh'bọnụ kẹ ọkụn k'a gha benwunrun, Hẹsh'bọnụ hụn Sihọnụ nọ kị ogẹn mbụ kẹ ọkụn k'a gha nwunrun. Ọ k'a dụnpụ ndị Mụabụ ezimezi ihun, dụnkpụkpọ okpokomisi ndị hụn agha a sụọ.

Zẹkaraya 10:4

M k'a gha imẹ Juda weli ndị-ọkịkị ile: kẹ ọmụma gi ụlọ kẹ mkpụkpọ kẹ ụta-agha.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Ọgụngụn 21:29

Ụya e gbuẹ i, Mụabụ! E tikpọ wẹ ụnụ, ndị e fe Kẹmọshi! Kẹmọshi a lagụọ ụmụ a ikẹnnyẹ tọ, e họnrin wẹ ndị wẹ rị a chụ achụ, ọ lagụọ ụmụ a ikpoho tọnị wẹ nwụnrụn, la wẹ tọnị Sihọnụ eze Amọ!

Ọgụngụn 24:16

amụma onyẹ hụn a nụ ọnụ Osolobuẹ lẹ enwẹn ẹ, onyẹ hụn gha ẹka Onyẹ Ahụn kachanrịnnị a marịn ihiẹn; onyẹ hụn Onyẹ Nwọn ikẹn ile a ghọsị ihiẹn; onyẹ hụn a dann'a alị hụn ẹnya a shịapụ:

Luku 1:78

Ihiẹnni jẹnkọ d'e mẹ makẹ ẹfọma lẹ omikẹn Osolobuẹ ẹnyi, hụn anwụn elu-igwee e gi bịa d'a wanị ẹnyi,

Hibru 1:8

Kanị, nke Nwa a, ihiẹn Osolobuẹ ku wụ, “Euu, Osolobuẹ! Ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i.

Hibru 7:14

Makẹni, o we ẹnya nị Onyẹ-nwọnni-ẹnyi wụ onyẹ ebọn Juda, lẹ ni Mozizi akpọnị ebọn hụ ẹfan ogẹn o gi ku oku ndị nchụn-ẹjan.

Pita Nke Ẹbụọ 1:19

Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Samuẹlụ Nke Ibuzọ 14:38

Ya kẹ Sọlụ nọ sị, “Ụnụ ile ndị ndu-agha, bịa nị ebeni, nị ẹnyi chọpụha njọ wẹ mẹ tannị.