Ọgụngụn 23:19 - Ika

¹⁹ “Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ọgụngụn 23:19 ပူးပေါင်းရင်းမြစ်များ

Samuẹlụ Nke Ibuzọ 15:29

Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Malakaị 3:6

“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Luku 21:33

Elu-igwere lẹ ụwa jẹnkọ d'a gụ, kanị, ihiẹn m ku k'a bụn.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Ẹbụ-ọma 89:35

E kungụọ m enwẹn m nke onyẹ rị nsọ nị onwọnni ogẹn m'e gi tụ Defidi ntụ.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Ihiẹn Mẹni Nke Ibuzọ 17:17

Kanị ọ nọ nwan kẹ sị hụnnị e hini i ẹnya, Chuku, y'e kugụọzị nwan ihiẹn rị ihun banyeni ikpụlọ odibo i. Euu, Osolobuẹ hụn wụ Chuku, ị rị e mẹ m nọkẹsị mmẹ kachanrịn ịhịan ile ọghọ e nwọn.

Ndị Rom 9:6

Ẹlẹni ihiẹn Osolobuẹ ku banyeni ndị Izrẹlụ aghazịnị. Mba. Makẹni, ẹlẹ ndị Izrẹlụ ile wụ ndị Izrẹlụ nke-esi.

Timoti Nke Ẹbụọ 2:13

ẹnyi wụbehi ndị wẹ gi e dọn ẹnya, ya nwẹn k'a wụsọnmẹ onyẹ wẹ gi e dọn ẹnya, makẹni ọ saẹka jụ enwẹn ẹ.”

Hibru 7:21

kanị o kun enwẹn ẹ tumẹ Jizọsị onyẹ nchụn-ẹjan. Makẹni Osolobuẹ sị a, “Di-nwọnni-ẹnyi e kungụọ enwẹn ẹ, o kuhutọkọ ọnụ. Ọ sị, ‘Ị wụ onyẹ nchụn-ẹjan jẹnrin ejẹn, ụdị nke Mẹkizẹdẹkị!’ ”

Jemisi 4:5

Ra ụnụ ro ni Ẹkụkwọ-nsọ enwọn ihiẹn haịn o gi sị, “Ẹnya a fụ Mmọn hụn Osolobuẹ bu che imẹ ẹnyi afụ”?

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Ọgụngụn 14:35

Mmẹ wụ Osolobuẹ e kugụọ; m k'e mẹrịrị eje-igunrunni zuni ni m eje-umẹ ihiẹn ndịnị m ku. Isi wẹ k'a tọ imẹ alị ọkpọ-nkụnnị; ebeni kẹ wẹ k'a nwụntọ.”

Ọgụngụn 23:18

Ọ nọ ku ihiẹn Osolobuẹ gwa a, sị, “Balakị, lihi ọtọ n'i gọn ntịn; gọn m ntịn, nwa Zipọ:

Ẹbụ-ọma 89:34

Emẹbehikọ m nkwa m kwe, ekuhutọkọ m ọnụ.

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Azaya 21:17

Ndị dikẹn ahụn ile a gbanị Kẹda ụta hụn bugbu nwan enwẹn wẹ ọda k'a họdụ akpụ madụ ole sụọ.” Osolobuẹ wụ Chuku ndị Izrẹlụ e kuọlẹ ẹ.

Azaya 31:2

Kanị, Osolobuẹ nkẹ nwọnzikwọ uche: o zilanị wẹ nsọngbu, ọ latọnị ihiẹn ọ sị o k'e mẹ wẹ. Kaka! O k'e mẹshi ndịnị e mẹ eje-ihiẹn ikẹn, uwẹ lẹ ndị ahụn e yeni ndị e mẹ eje-ihiẹn ẹka.

Azaya 40:8

Irurue e shinwụn eshinwụn, obobo a danpụ a danpụ kanị oku Chuku ẹnyi e wuzo jẹnrin ejẹn.”

Azaya 46:11

M'a gha ẹbamịn ọwụwa-ẹnyanwụn a kpọha nnụnụ e ri anụ; m'a gha alị hụn tegbu enwẹn ẹ a kpọha okẹnnyẹ hụn k'e mẹ ihiẹn m bu obi. Ihiẹn hụn m ku, m k'e mẹzurịrị a, ihiẹn hụn m romẹ, m k'e mẹrịrị a.

Azaya 55:11

ẹrịra kẹ oku gha m ọnụ pụha nọ: o kinhẹnkọ mmaka, kama, o k'e mẹrịrị ihiẹn m chọ, rụnpụha ihiẹn m gi ufiri ẹ ku ẹ.

Jerimaya 4:28

Ya wụ, ụwa jẹnkọ d'a kwan nwan ẹkwan, igwere a gba ishi, makẹni e kuọlẹ m'a, e rotọgụọ m'a; ekuhutọkọ m ọnụ, erohutọkọ m.”

Daniẹlụ 4:28

Kanị ihiẹnni ile mẹchanrịn Eze wụ Nebukadineza.

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Joshụa 21:45

Onwọnni nkwa ohu Osolobuẹ mẹzulẹni imẹ nkwa ọma ile o kwe ikpụlọ Izrẹlụ; o mẹzuchanrịn uwẹ ile.

Samuẹlụ Nke Ibuzọ 3:12

O ru ụhụọhịn hụ, m k'e mẹ Ẹlaị ihiẹn ile m ku ni m k'e mẹ ikpụnọ a — mẹchanrịn wẹ ile.

Ndị-nze Nke Ibuzọ 14:11

Nkitẹ k'e ri ndị nke Jerobụam hụn k'a nwụntọ imẹ obodo, udele e ri ndị k'a nwụntọ ọfịa. Osolobuẹ e kuọlẹ a!’

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Ndị-nze Nke Ẹbụọ 15:12

Ịya kẹ oku hụ Osolobuẹ gwa Jehu gi mẹzu: “Agbọ ẹnọ kẹ mmụ ị k'a nọru ukpo-eze Izrẹlụ.”

Ẹbụ-ọma 77:9

Chuku a zọgụọ omikẹn? Ra o gigụọ olulu kpọkin obi ẹ?” Sẹla

Ẹbụ-ọma 132:11

Osolobuẹ kunni Defidi enwẹn ẹ, kwe ẹ nkwa wụ ezioku; o kuhutọkọ ọnụ; ọ sị: “Nwa ẹfọ ị kẹ m jẹnkọ d'e ye ukpo-eze i.