Ọgụngụn 22:5 - Ika

⁵ Ọ nọ han ụkọ d'a kpọ Balaam nwa Bioru, hụn rị alị a wụ Pẹtọ, ẹhụ iyi Yufretisi. Balakị sị wẹ sị a: “D'e lee, alị ohu a ghagụọ alị Ijiptu pụha! D'e lee wẹ kẹ wẹ jun ụzọ ile! A bịagụọ wẹ d'e biri ihun m ebeni!

Ọgụngụn 22:5 ပူးပေါင်းရင်းမြစ်များ

Jẹnẹsisi 13:16

M k'e ye i ụmụ bu ọda nọkẹ ẹjan rị alị, omẹni a sa wẹ ẹka gụn ẹjan rị alị, ya wụ nị a sa wẹ ẹka gụnmarịn ụmụ ị.

Ẹbụ-ọma 105:24

Osolobuẹ nọ mẹ ndị nke ẹ mụba ọda-ọda, mẹ wẹ karị ndị-iṅẹnrẹn wẹ ọda;

Ọpụpụ 10:15

A kpụjun wẹ alị d'e ru nị alị e gimẹ ngi; wẹ nọ ripụ ihiẹn ile ẹkwan-igwere gbuhọdụ, ihiẹn ile rị ugbo lẹ mkpụrụ-osisi rị elu osisi. O nwọnni ẹhụhụọ-oyiyi họdụ enu osisi mọbụ elu ihiẹn-akụnkụn imẹ alị Ijiptu ile.

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Ọgụngụn 23:7

Ya Balaam nọ ku ihiẹn ọ hụn, sị, “Eze wụ Balakị gha Aram wẹhẹ m; ẹghẹẹ, eze alị Mụabụ gha alị-ugu rị ẹbamịn ọwụwa-ẹnyanwụn wẹhẹ m. Ọ sị m, ‘Bịa d'a bụnị m Jekọpụ ọnụ; bịa d'a kpọ Izrẹlụ iyi.’

Ọgụngụn 31:8

Wẹ gbuzikwọ ndị-nze Midianị ndịnị cheni ikẹnnyẹ wẹ gbu: Ẹvi, Rẹkẹm, Zọ, Họ lẹ Reba — ndị-nze Midianị isẹn; wẹ gi ọpịa-agha gbuzikwọ Balaam nwa Bioru.

Ditrọnọmi 23:4

Makẹni ebuhẹnini wẹ ụnụ ihiẹn-oriri lẹ mirin kẹ ụnụ lala ogẹn ụnụ gi gha alị Ijiptu pụha, kama, e weridẹ wẹ Balaam nwa Bioru onyẹ Pẹtọ alị Aram-Naharaịm ọrụn n'ọ bụ ụnụ ọnụ,

Ditrọnọmi 23:5

Kanị Osolobuẹ wụ Chuku ụnụ egọnni Balaam ntịn, o gidẹ ngọzi nọkin ẹnya ọnụ ahụn wẹ te k'a bụ ọnụ, makẹni ihiẹn ụnụ sụọ Osolobuẹ wụ Chuku ụnụ.

Joshụa 13:22

Ndị Izrẹlụ e gbuzighọ Balaam nwa Bioru hụn a gba ẹfa — cheni ndị ọzọ wẹ gbu.

Joshụa 24:9

Ogẹn Balakị nwa Zipọ hụn wụ eze Mụabụ gi kwademẹ nọ lụsọn Izrẹlụ agha, o zi wẹ kpọ Balaam nwa Bioru n'ọ bụ ụnụ ọnụ.

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Rẹvẹleshọnụ 2:14

“Kanị, o nwọnghọ ihiẹn ndị ị rị e mẹ rị e ze m ize: o nwọnghọ ndị rị imẹ ụnụ ebẹhụ rị e sọn nkuzi Balaam hụn kuzi Balakị ihiẹn Balakị gi bu uke cheni ụmụ Izrẹlụ, mẹ wẹ ri ihiẹn-oriri wẹ gi rụa mmọn, mẹzikwọ wẹ ghẹrẹ.