Ọgụngụn 21:7 - Ika

⁷ Wẹ nọ bịa d'e kunrun Mozizi, sị, “Ẹnyi mẹ njọ ebe ẹnyi nọ kuja oku Osolobuẹ lẹ oku i. Dodo, mẹ ekpere nị Osolobuẹ wepụnị ẹnyi agwọ ndịnị.” Mozizi nọ mẹni wẹ ekpere.

Ọgụngụn 21:7 ပူးပေါင်းရင်းမြစ်များ

Jẹnẹsisi 20:17

Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Ndị-nze Nke Ibuzọ 13:6

Ya eze wụ Jerobụam nọ sị onyẹ-ozi Osolobuẹ, “Rịọ Osolobuẹ wụ Chuku i; mẹni m ekpere, kẹni ẹka m rị mma.” Ya onyẹ-ozi Osolobuẹ hụ nọ rịọ Osolobuẹ, ẹka eze hụ nọ dịnhịn, rịzị k'ọ rị mbụ.

Ndị-nze Nke Ẹbụọ 13:4

Ya Jeho-ahazị nọ rịọ Osolobuẹ eyemẹka, Osolobuẹ nọ gọn ẹ ntịn, makẹni Osolobuẹ a hụngụọ nị eze ndị Aram rị a bịangbu ndị Izrẹlụ rị azụụn ẹbamịn-ugu hụ ọda-ọda.

Jobu 42:10

Ogẹn Jobu gi mẹgụnị ndị ọwụ a ekpere, Osolobuẹ nọ mẹ ihiẹn rịzịnị Jobu mma, yekinchanrịn a ihiẹn ile o nwọn mbụ ụzọ ẹbụọ-ẹbụọ.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Ẹbụ-ọma 106:23

Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.

Ẹbụ-ọma 78:34

O gbugụ ndị o gbu imẹ wẹ, ndị họdụnị a chọma a; e hutọ wẹ, chọma a ọda-ọda.

Ọpụpụ 10:17

Gbagharịzị nị m nwan njọ m mgbe ohuni, y'e mẹ ekpere rịọ Osolobuẹ wụ Chuku ụnụ n'o wepụnị m nsọngbuni.”

Ọpụpụ 32:11

Kanị Mozizi nọ rịọ Osolobuẹ wụ Chuku ẹ, sị, “Euu, Osolobuẹ, nanị y'e dọnzi nwan gi olulu sọn ndị nke i hụn i gi ikẹn hi-ogbe lẹ ẹka hi-ogbe wepụha imẹ alị Ijiptu?

Ọpụpụ 32:30

Eki e fọn, Mozizi nọ sị ndị Izrẹlụ, “Ụnụ e mẹọlẹ okẹn njọ. Kanị m sikọ elu uguni d'e kunrunzi Osolobuẹ; ikẹnkwọ nị m s'ẹka rịọ a hụn o gi gbagharị ụnụ njọ ụnụ mẹ.”

Ọpụpụ 8:28

Fẹro nọ sị a, “M k'a hatu ụnụ nị ụnụ jẹn d'a chụnyeni Osolobuẹ wụ Chuku ụnụ ẹjan imẹ atụ; ka ejẹntekwọlẹ ni. Mẹni ni m ekpere.”

Ọpụpụ 8:4

Wẹ k'a tụkwasị kẹ ịyụ kẹ ndị alị ị kẹ ịhaịmẹ i.” ’ ”

Ọpụpụ 8:8

Fẹro e zi wẹ kpọ Mozizi lẹ Ẹrọnụ. Ọ nọ sị, “Mẹ ni ekpere rịọ Osolobuẹ n'o wepụnị mmẹ lẹ ndị nke m ẹwọ ndịnị, ogẹn hụ, a hatu m ndị Izrẹlụ nị wẹ jẹn d'a chụnnị Osolobuẹ ẹjan.”

Azaya 26:16

Osolobuẹ, wẹ buruhẹ i kẹ wẹ rị imẹ nsọngbu — nsọngbu hụn i gi rị a dọ wẹ ẹka-ntịn, wẹ hụ e ku ẹkẹrẹ-ẹkẹrẹ, e mẹ ekpere.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 37:3

Kanị Zẹdikaya wụ eze e zi Jehukalụ nwa Shẹlẹmia lẹ onyẹ nchụn-ẹjan wụ Zẹfanaya nwa Maaseya jẹnni onyẹ-amụma wụ Jerimaya, sị wẹ sị a, “Dodo, rịọ nị ẹnyi Osolobuẹ wụ Chuku ẹnyi.”

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Ọgụngụn 11:2

Mgbe wẹ gi kwanburu Mozizi, ọ nọ rịọ Osolobuẹ; ọkụn ahụn nọ tinyụn.

Matiu 27:4

sị, “E mẹgụọ m njọ m gi re onyẹ nwọnlẹni ihiẹn o mẹ.” Kanị, wẹ nọ sị a, “Ọ gbashịarịnị ẹnyi; ọhụn wụ mkpa ị!”

Ọrụn Ndị-ozi 8:24

Saịmọnụ nọ sị Pita lẹ Jọnụ, “Dodo ni, mẹ ni ni m ekpere, rịọ Di-nwọnni-ẹnyi, makẹ ihiẹnni ụnụ ku gha e mẹ m.”

Ndị Rom 10:1

Umunẹ m, ihiẹn a gụnnị m lẹ ihiẹn m'a rịọ Osolobuẹ wụ n'ọ zụọpụha ndị alị m.

Ditrọnọmi 9:20

Ize Ẹrọnụ kpụn'a zezi Osolobuẹ hụn o te k'e gi gbu ẹ, kanị m nọ rịọdọnzin'ẹ ogẹn ahụn.

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Samuẹlụ Nke Ibuzọ 15:24

Ya kẹ Sọlụ nọ sị Samuẹlụ, “E mẹọlẹ m njọ. E nupụgụọ m isi oku Osolobuẹ lẹ ihiẹn ị gwa m mẹ. Egun ndị-agha ẹnyi tụ m, m nọ kweyeni wẹ.

Samuẹlụ Nke Ibuzọ 15:30

Sọlụ nọ sị, “E mẹọlẹ m njọ. Ka dodo, ye m ọghọ ihun ndị-ichẹn ẹnyi lẹ ihun Izrẹlụ ile; sọnkin m, nị m d'e fe Osolobuẹ wụ Chuku i.”