Ọgụngụn 21:26 - Ika

²⁶ Hẹsh'bọnụ te wụ isi-alị Sihọnụ eze ndị Amọ hụn wẹ mẹri nwan. Sihọnụ te maye eze alị Mụabụ, narịnkwama a alị a ile d'e rukwọrị Iyi Anọnụ.

Ọgụngụn 21:26 ပူးပေါင်းရင်းမြစ်များ

Ẹbụ Solomọnụ 7:4

Olu i sue kẹ ụlọ-nche, ọ nọzịkwọ kẹ hụn wẹ gi eze-enyi tụn. Ẹnya ị wụ ọgọdọ-mirin ndị rị Hẹsh'bọnụ, hụn ahụn rị ẹhụ ọnụ-mgbọn Batị-Rabim. Imi i nọ kẹ ụnọ-nche Lẹbanọnụ hụn bu ihun zinmẹ Damaskọsụ.

Ẹbụ Solomọnụ 7:5

Isi i nọdịhụ kẹ Ugu-Kamẹlụ; ntutu i rị kẹ mgburu w'a kpanị ndị-nze, k'o dọn fịfịrị a sụọban eze isi.

Jerimaya 48:2

Anụkọzị wẹ ẹfan Mụabụ; wẹ k'a nọ Hẹsh'bọnụ rị Mụabụ zu umẹ hụn wẹ k'e gi tikpọ alị Mụabụ ru alị, a sị, ‘Pụha nị, nị ẹnyi tikpọ n'a n'ọ wụbehi alị.’ Alị Mad'mẹni, wẹ k'e kpumẹzikwọ ị ọnụ; ọpịa-agha k'a chụ ị ọsọ!

Jerimaya 48:20

O k'a sị ị, ‘Ụya e rigụọ Mụabụ; e tikpọgụọ w'a. Gomẹ ni; kwanma nị ẹkwan! Nọ nị mkpẹnrẹn Iyi-Anọnụ hị nị e tikpọgụọ wẹ Mụabụ.

Jerimaya 48:45

“Ndị gbakọnị agha sikọ d'a gbaha Hẹsh'bọnụ, wẹ lẹ ndụn gụnị wẹ; Hẹsh'bọnụ kẹ ọkụn k'a gha benwunrun, Hẹsh'bọnụ hụn Sihọnụ nọ kị ogẹn mbụ kẹ ọkụn k'a gha nwunrun. Ọ k'a dụnpụ ndị Mụabụ ezimezi ihun, dụnkpụkpọ okpokomisi ndị hụn agha a sụọ.

Ọgụngụn 21:25

Ya ndị Izrẹlụ nọ mẹrichanrịn obodo ndị Amọ ile, birisọnmẹ imẹ wẹ, kẹ isi-alị wẹ wụ Hẹsh'bọnụ kẹ ụmụ-alị ile nọhunmẹn'ẹ.

Ọgụngụn 21:27

Ya kẹ onyẹ-ẹbụ gi sị, “Bịa Hẹsh'bọnụ nị wẹ tụndọnzi ẹ, nị obodo Sihọnụ nọzị k'ọ nọ mbụ.

Ditrọnọmi 1:4

Ihiẹnni mẹ ogẹn o gi mẹrigụ kẹ Sihọnụ eze Amọ nọ Hẹsh'bọnụ a kị kẹ Ọgụ eze Bashanị nọ Ash'tarọtụ a kị hụn o mẹri imẹ Ẹdrẹi.

Joshụa 13:16

Alị wẹ gha Arụa hụn rị mkpẹnrẹn Ọdanmgbugbu Iyi udu-mirin wụ Anọnụ bidọn, ya lẹ alị hụn rị etintinnaị ọdanmgbugbu hụ; alị-aradan Mẹdẹba ile hụn rị elu ugu rị imẹ ẹ;

Joshụa 13:17

ịya lẹ Hẹsh'bọnụ lẹ obodo ẹ ile mẹ ẹkẹrẹ ya lẹ wẹ rị alị-aradan elu ugu: kẹ Dibọnụ kẹ Bamotu-Baalụ kẹ Bẹt-Baalụ-Miọnụ,

Joshụa 13:25

Ẹgbẹrẹ Jaza, obodo ile rị Gilẹdị lẹ ahanmahan alị ndị Amọnụ ile d'e rukwọrị Arụa rị ihun Raba rịchanrịn imẹ ẹ;

Joshụa 21:39

Hẹsh'bọnụ lẹ Jaza, wẹ lẹ ọfịa ile rịsọnmẹni wẹ wẹ nọ a zụn anụ — obodo ẹnọ.

Ndị Han Eṅẹn 11:26

“O zugụọ nwan ahụa ọgụn mmisẹn ndị Izrẹlụ bimẹ Hẹsh'bọnụ lẹ Arụa lẹ ụmụ alị ndị nọkunmẹn'ẹ lẹzi obodo ndị rịsọnmẹ mkpẹnrẹn iyi-Anọnụ! Kị haịn ụnụ gilẹni weri wẹ kete mgbe hụ ile?