Ọgụngụn 20:8 - Ika

⁸ “Weri ọkpọ ahụn; ịyụ lẹ Ẹrọnụ nwẹnẹ i kpọkikomẹ igunrun ahụn ile. Nọ idẹnya wẹ gwa ọmụma hụ rị ebẹhụ oku. O k'e hupụha mirin ẹ, kẹni ụnụ gha imẹ ọmụma hụ wepụhanị wẹ mirin, ye wẹ lẹ anụ wẹ ra.”

Ọgụngụn 20:8 ပူးပေါင်းရင်းမြစ်များ

Jẹnẹsisi 18:14

O nwọn ihiẹn karị Osolobuẹ ẹka omumẹ? O ru ogẹn ahụn m ku, m k'e kinhẹn, mgbeni akan-ile, Sẹra k'a mụ okẹnnyẹ.”

Nehemiah 9:15

Ẹgụn a gụnma wẹ, ị nọ ye wẹ ihiẹn-oriri gha elu-igwee bịa; ẹgụn mirin a gụnma wẹ, ị nọ gha ọmụma wepụhanị wẹ mirin. Ị nọ sị wẹ banye d'e weri alị hụ i kun enwẹn i n'i sikọ d'e ye wẹ.

Ẹbụ-ọma 105:41

Ọ gbawa ọmụma, mirin e hupụha, mirin e huru imẹ alị ọkpọ-nkụn.

Ẹbụ-ọma 114:8

hụn e gi ọmụma e họnrin ọgbọ-mirin, e gi ọmụma zeni e họnrin ebe mirin gha a gbapụha.

Ẹbụ-ọma 33:9

Makẹni oku k'o kuhụ, ụwa nọ rị; ọ sị a hụ pụha, ọ nọ pụha.

Ọpụpụ 14:16

Weshi ọkpọ ị elu zinmẹ Ohimin-Ufie n'i kewa mirin hụ, kẹni ndị Izrẹlụ gha akpakalị hụn jẹnkọ d'a pụhanị fetu Ohimin hụ.

Ọpụpụ 17:9

Ya kẹ Mozizi nọ sị Joshụa, “Họrị ikẹnnyẹ imẹ ẹnyi, y'e weri wẹ d'a lụsọn ndị Amalẹki agha. Ekile, mmẹ nwẹn jẹnkọ d'e bu ọkpọ Osolobuẹ ẹka turu elu òke.”

Ọpụpụ 4:17

Weri ọkpọnị i jẹnkọnị, hụn i k'e gi rụn ọrụn atụmẹnya.”

Ọpụpụ 4:2

Ya kẹ Osolobuẹ nọ sị Mozizi, “Kị wụ ihiẹn ahụn rị ị ẹka?” Ọ nọ sị, “Ọkpọ rọ.”

Ọpụpụ 4:20

Ya kẹ Mozizi nọ nwan weri nwunyẹ ẹ lẹ ụmụ a ẹbụbụọ. Wẹ ẹbụbụọ wụ ikẹnnyẹ. O bu wẹ che elu jaki, buli, shikọ alị Ijiptu. O gihụ ọkpọ Osolobuẹ ahụn ẹka.

Ọpụpụ 7:20

Ya Mozizi lẹ Ẹrọnụ nọ mẹchanrịn kẹ Osolobuẹ dọn ku. Idẹnya eze lẹ ịhaịmẹ ẹ, Mozizi nọ weshi ọkpọ a elu, fịan mirin Naịlị hụ, mirin ẹ ile nọ họnrin ẹdeke.

Azaya 43:20

Anụ-ọfịa e yedẹ m ọghọ — kẹ nkitẹ-ọfịa wụ jakalụ kẹ ozuzu-uku, makẹni m'e mẹ mirin a rị imẹ alị ọkpọ-nkụn, e mẹ iyi a pụhasọnmẹ alị te kpọchanrịn nkụn, hụn m gi e ye ndị nke m mirin, ndị m họrị,

Azaya 48:21

Ẹgụn-mirin agụnị wẹ ogẹn ahụn o gi we wẹ gha alị ọkpọ-nkụn; o mẹ mirin gha ọmụma hụ hupụhanị wẹ; o tiwa ọmụma hụ, mirin nọ hupụha.”

Ọgụngụn 20:11

Mozizi nọ weshi ọkpọ ahụn elu, fịan ọmụma ahụn mgbe ẹbụọ, mirin nọ gbapụha, igunrun ahụn lẹ anụ wẹ nọ ra.

Ọgụngụn 20:7

Osolobuẹ nọ sị Mozizi,

Ọgụngụn 21:15

lẹ ọdanmgbugbu ẹ wẹ gha e ru alị Arẹ; ọdanmgbugbu ẹ hụn ghasọnmẹ ogele okẹn alị Mụabụ.”

Ọgụngụn 21:18

ọmị hụ ndị-isi gu, ọmị hụ ndị-ichẹn gu; ndị-ichẹn bu ọkpọ onyẹ-ọkịkị lẹ ọkpọ onyẹ-onyẹ imẹ wẹ.” Ya wẹ nọ gha alị ọkpọ-nkụn shi Matana,

Matiu 21:21

Jizọsị nọ sị wẹ, “M rị a gwa ụnụ ezioku, omẹni ụnụ nwọn okukwe, nị ụnụ enwọnni obi-ẹbụọ, ụnụ k'a saẹka mẹ ihiẹn wẹ mẹ osisi figi hụ. Ẹlẹdẹ ọhụn sụọ, ọsụọn'a nị ụnụ sị uguni, ‘Jẹn d'a tụ enwẹn i ye imẹ ohimin,’ o jẹnkọ d'e mẹ.

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Ọrụn Ndị-ozi 1:14

Ndịnị ile gi obi ohu e bu enwẹn wẹ e che imẹ ekpere, uwẹ lẹ ikpoho ndị ọzọ lẹ Meri nnẹ Jizọsị lẹzi umunẹ Jizọs ikẹnnyẹ.

Joshụa 6:20

Mgbe opi ndị ahụn gi nwan hanzị, ndị Izrẹlụ nọ yi oro. Hụn opi ndị ahụn gihụ han, e yi wẹ okẹn oro, mgbọn hụ nọ ziẹntu; onyẹ ọwụlẹ imẹ ndị-agha hụ nọ zụnban imẹ obodo, onyẹ-onyẹ lẹ ebe ọ rị; ya wẹ nọ weri obodo hụ.

Joshụa 6:5

Ị nụ kẹ opi ndị ahụn hanbie, y'e mẹ ndị-agha ahụn ile yi okẹn oro; mgbọn obodo hụ jẹnkọ d'e ziẹntuchanrịn, ndị-agha ahụn a zụnban imẹ ẹ, onyẹ-onyẹ lẹ ebe ọ rị.”

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.