Ọgụngụn 20:6 - Ika

⁶ Mozizi lẹ Ẹrọnụ nọ gha ihun wẹ pụ, shi ọnụ-mgbọn Ọdụ-ozuzu, fiẹnrin alị; ya Osolobuẹ nọ gi ọghọ a pụha d'e kunrun wẹ ẹbụbụọ.

Ọgụngụn 20:6 ပူးပေါင်းရင်းမြစ်များ

Ihiẹn Mẹni Nke Ibuzọ 21:16

Defidi e lee ẹnya elu, ọ nọ hụn mmọn-ozi Osolobuẹ hụ k'o wuzo ẹgbata igwere lẹ alị; ọpịa-agha o sepụha bu zinmẹ Jerusalẹm hụkwọ a ẹka. Ya Defidi lẹ ndị-ichẹn nọ dan alị bu ihun kpumẹ alị, wẹ ile yi ẹkwa-achọ (ahịọ) wẹ gi a kwan ụya.

Ọpụpụ 16:10

Hụn Ẹrọnụ gi rị a gwa ndị Izrẹlụ ile oku, wẹ nọ lee ẹnya ibe atụ: e lee orukpu hụ Osolobuẹ gi a ghọsị enwẹn ẹ k'ọ pụha.

Ọpụpụ 17:4

Ya kẹ Mozizi nọ kwanghọsị Osolobuẹ, sị a, “Nanị m'e mẹ ndịnị? Nị wẹ gi tan ọmụma magbu m!”

Ọgụngụn 12:5

Osolobuẹ nọ nọ imẹ orukpu mawuruni hidan. Ọ nọ turu Ọnụ-mgbọn Ọdụ-nsọ, kpọ Ẹrọnụ lẹ Miriam. Ogẹn wẹ ẹbụọ gi pụha,

Ọgụngụn 14:10

Kanị igunrun ahụn ile nọ kumẹ oku i gi ọmụma magbu wẹ. Ya kẹ Osolobuẹ nọ gi orukpu-ọghọ a bịa Ọdụ-nsọ; ndị Izrẹlụ ile hụ e legha a.

Ọgụngụn 14:5

Ya Mozizi lẹ Ẹrọnụ nọ dan alị bu ihun kpumẹ alị idẹnya igunrun ndị Izrẹlụ ile zu ebahụn.

Ọgụngụn 16:19

Ogẹn Kora gi kpọkwamagụ ndị Izrẹlụ ile nị wẹ zuni wẹ eje-umẹ Ọnụ-mgbọn Ọdụ-nsọ, Osolobuẹ nọ gi ọghọ a pụha ihun igunrun ahụn ile.

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 16:4

Ogẹn Mozizi gi nụ ihiẹnni, ọ nọ tụha enwẹn ẹ alị, bu ihun kpumẹ alị.

Ọgụngụn 16:42

Kanị, ogẹn wẹ ile gi zu nị wẹ maye Mozizi lẹ Ẹrọnụ, e lee wẹ ẹnya Ọdụ-nsọ, e lee orukpu k'o kpumẹ ẹ, Osolobuẹ e giọlẹ ọghọ a pụha!

Ọgụngụn 16:45

“Gha nị ebe ndịnị rị pụ, nị m gbupụ wẹ ozigbo.” Mozizi lẹ Ẹrọnụ nọ tụha enwẹn wẹ alị bu ihun kpumẹ alị, rịọma a.

Ọgụngụn 20:7

Osolobuẹ nọ sị Mozizi,

Matiu 26:39

O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Joshụa 7:6

Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.